Старажытная беларуская літаратура
Выдавец: Юнацтва
Памер: 350с.
Мінск 1990
Потреба теже ведати, иже сия книга Иудиф, яко книга Данила пророка и книги Езъдры, еврейскими словами, но халъдейским языком наипервей от летописцев написана ест.
Конѣць предъсловия.
162
Богу в троици единому ко чти и ко славе, Матери его пречистой Марии к похвале, Всем небесным силам и святым его
к веселию Людем посполитым к доброму научению.
ПРЕДЪСЛОВИЕ В КНИГУ ИОВ
Пишеть святый Иаков апостол в своем соборном послании, глаголя: «Образ приимите, братия, злострастия и долготерпения и трудов!» Пророки, иже глаголаша именем господьним,— «Се блажим тых, они же потерпеша. Терпение Иовово слышасте и конѣць господень видесте, яко многомилостив ест господь и щедр». Сия слова апостольскаа являют нам достойность, святость и терпение святого Нова. О нем же пишется книга сия. И что ему господь бог за его терпение дал ест.
Достойность его тыми словы знаменует, понеже нарицаеть его пророком. Он же глаголал ест именем господьним. А ест воистину пророк божий, пророковал убо о востании из мертвых свѣтлей и явней всех иных пророков божиих, тако же о иных тайнах божиих. Святость же его знаменуется в тых словах, яко же рече апостол: «се блажим тых, они же потерпеша».
Яко бо злато искушается огнем, тако и святии божии терпением. Сам наш спаситель глаголеть: «Блажени плачющеися яко тии утешатся». Терпение пак святого Иова ясне высловил святый Иаков, глаголя: «терпение Иовово слышасте!» А о том его терпении в сей книзѣ пишется. Прото, хощеши ли ведати, елика потерпел ест святый Иов, чти часто сию книгу, по тому порозумееши и речеши, яко воистинну правду о нем апостол глаголеть, и мъзду, которую принял святый Иов от господа бога за тое терпение, в тых словах высловил: «Конець господень видесте, яко милостив и щедр господь: дал убо напоследы всего водвое святому Иову, елика же сперва имеяше; яко не до конца прогневается господь и кого караеть, того милуеть».
В сих книгах открил ест нам бог великие тайны святым Иовом. Напервей, чего ради господь бог на добрих и на праведных допущаеть беды и немощи, а злым и несправедливым даеть щастье и здравие; теже о бѣдном и горком животе людском на сем свете и о конци добрых и злых; те же, которые зобижають убогых, что на таковых бог перепущаеть; также о различьных дивех божиих, еже учинил ест во многых зверех, птицах и рыбах, и што ся в
163
чем знаменует; и о иных многих тайнах, яже чтучи, в сей книзе знайдеши.
Делится же сия книга на главы, а главы ся делять на стихни, по тому ж яко и Псалътир ся делить. Поченши от третиея главы даже до останочное, вся сия книга стихами розделена ест,— яко же, чтучи, поразумееш.
И всякому человѣку потребна чести, понеже ест зерцало жития нашего, лекарство душевное, потѣха всем смутным, наболей тым, они же суть в бедах и в немощах положены, надежа истинная востания из мертвых и вѣчного живота.
Прото ж я, Францишек, Скоринин сын с Полоцка, в лекарскых науках доктор, знаючи сее, иже ест найвышшая мудрость розмышлѣние смерти, и познание самого себе, и въспоминание наприидущие речи, казал есми тиснути книгу святого Нова рускым языком богу ко чти и людем посполитым к научению.
Конец прѣдсловию.
ПРЕДСЛОВИЕ В ПРИТЧИ
ПРЕМУДРАГО САЛОМОНА, ЦАРЯ ИЗРАИЛЕВА
Пишеть святый Иоан во своем Еувангелии, иже наш спаситель рекл ест сия, в притчах глаголах вам,— «Приде же час, яко к тому не в притчах возглаголю к вам, но явѣ, о отци моем возвѣщу вам». Много крат преже того в притчах глаголал ест к нам господь бог, нежели принял человѣченство от пречистое богородици Марии.
Святыми отци и пророки, а наболѣй царем Саломоном, он бо просил ест от господа бога мудрости и разума. И отвеща к нему господь бог: «Понеже жадал еси у мене словѣси сего, а не просил еси собѣ дней многых, ни богатества, ни же душ врагов твоих, но жадал еси собѣ мудрости к научению судов,— се учиних тобѣ по словѣси твоему и дах тобѣ сердце мудро и смыслено таково, иже несть был пред тобою и по тобѣ не встанеть ин подобен тобѣ»,— яко пишеть о том во третих книгах Царств царей Израилевых и и во вторых книгах Паралипомена. И тако господь бог дал ест царю Саломону мудрость большую, нежели которому иному человѣку. И сего ради называется прѣмудрый, понеже мудрейший иных был. Выкладывается же рускым языком Саломон еже ест мирный или спокойный, понеже был мир и покой по вся времена царства его.
И написал ест царь Саломон трое книги к нашему научению. Первые, рекомые Параболѣ, то суть Притчи.
164
Вторые — Еклезиястес, а то ест Соборник. Третие же называются Песни пѣсням. А в тых троих книгах божиим повѣлением мудрость свою выписал, яко сам о том во притчах глаголеть: «Се выписах ю треми обычаи».
В первых же сих книгах, еже словуть Притчи, пишеть о мудрости, о науце, о добрых обычаех, о заповЬдех, якося имамы справовати и жити на сем свете, глаголя: «Притчи Соломона, сына Давыдова, царя Израилева, ко познанию мудрости и наказания, и ко зрозумению слова смыслена и ина».
Во вторых же книгах, рекомых Еклезияст или Соборник, пишет о суете, о празности и о краткости, глаголя: «Слова Еклезиястес сына Давыдова царя Израилева. Суета суетная и все суетно», та же далей. И тамо нас отводить от избытнее праци сего светнаго жития и приводить ко вечному небесному житию.
В третих же своих книгах, еже словуть Пѣсни пѣсням, кажеть, ест ли же в ласце милостиваго бога доконаем сего суетнаго жития, како имать душа наша радоватися с господем богом в царствии небесном, даючи нам приклад о любовнику и с своею любою глаголя: «Поцалуй мя поцалованием уст своих!» И даже до конца, яко же чтучи знайдешь.
Притчи же нарицаются еврейскым языком «масшлоф», а грѣческым — «параболѣ», полатине же — «провѣрбия», а порускыи — «притчи или присловия», понеже иными словы всегда иную мудрость и науку знаменують а иначей ся разумеють, нежели молвены бывають, и болши в собѣ сокритых таин замыкають, нежели ся словами пишуть.
Делятся же сии книгы на трое: первая часть ест от зачала даже до десятое главы, а вторая до двадцеть пятое, третия же до конца, яко же по початкох глав тых — первое, десятое и двадцетпятое поразумеешь.
В первой части пишеть якобы отець сына научая мудрости, разума, умения, страха божия и иных добрых нравов. Во второй же части царь Саломон кладеть притчи разноличьные, игде же едина каждая притча особливую речь в собѣ замьжаеть, добрую и злую, не имаючи жадинаго возгляду к задней или ко предней притчи. И в трѣтей части пишутся присловья царя Саломонова, собраные от мужей наученых Езехиею, царем Иудиным, по смерти Соломоновѣ. Сия же останочная часть сокрытей в притчах пишеть, нежели преднии двѣ. А то в прировнании одных речей ко другым.
Мовил же ест царь Соломон притчей три тысещи.
165
И сопсал своего складаниа стихов пять тысещей. И учинил розмолвение о прирожении древ и былин, поченши от древ кедровых, еже ростуть на горѣ ливанской, даже до травы исопф, еже ростеть при муре. И мудре повѣдел теже о прирожении зверей, птиць, гадов и риб, яко пишет о том в третих книгах Царств царей Израилевых.
Пожиточьны же суть сие книгы чести всякому человѣку: мудрому и безумному, богатому и вбогому, младому и старому, наболѣй тым, они же хотят имети добрые обычае и познати мудрость и науку; долгота бо дней и лѣта живота, и мир приложатся им; милосердие и правда не оставить их, ест ли же пилне послушають и соблюдуть притчи положеные в книгах сих, якоже сам царь Соломон нижей о том глаголеть. Ест бо в сих притчах сокрита мудрость, якобы моць в драгом камени, и яко злато в земли, и ядро у в ореху. Кто ю знайдеть, сей знайде милость, и достанеть благословения от господа, и приидеть к нему все доброе, посполу с нею хвала и честь безчисленая моцию ея,— она убо ест мати всех добрых речей и учитель всякому доброму умению, в ней воистинну есть дух разумности святый, единый, различный, смысленый, скромный, вымовный, движющийся, непосквѣрненый, истинный, сладкий, чистый, сталый, добротливый, и всякую иную имеющий в собѣ добрую цноту.
Прото я, Францишек, Скоринин сын с Полоцка, в лекарскых науках доктор, разумея сее, иже без страху божия, без мудрости и без добрых обычаев не ест мощно почстиве жити людем посполите на земли, казал есми тиснути Притчи или Присловия премудраго Соломона, сына Давыдова, царя Израилева, руским языком напред ко чти и к похвале створителю, спасителю, утешителю богу в троици единому и пресвятой, преблагословенной, пречистой матери его Марии и всем небесным чином и святым и святицам божиим, потом людем простым посполитым к пожитку и ко розмножению добрых обычаев, абы, научившися мудрости добре живучи на свете, милостивого бога хвалили по тому, яко же прилежит на великую высокость и велеможность имени его святого.
Конець прѣсловия в книгы Притчей премудраго Соломона, царя Израилева.
Сия книга, рекомая Притчи или Присловия премудраго Соломона, сына Давыдова, царя Израилева, имать в собѣ глав тридесять и одну. Пишеть же в них царь Соломон о мудрости, о страху господнем, о службе божией, о науце, о карании злых нъравов и о научении цнот и добрых
166
обычаев, о хитростях женъских, о царех, добрых и о злых, о справедливости, о судех, о речах противных, о ненасыщеных, о зверях некоих и о дивном прирожению их, о речах трудных к познанию, и о иных многих разноличных речах.
А пишется сия книга тым же обычаем, яко и Псалътыр, и Иов, и Исус Сирахов, понеже кождая глава делится на притчи якобы не неякии стихи или розделения, яже чтучи поразумееш.
ПРЕДЪМОЛВА ДОКТОРА ФРАНЪЦИСКА СКОРИНЫ В КНИГУ ИСУСА СИРАХОВА
Исус Сирахов — он же написал ест книгу сию еврейскым языком и потом из еврейскаго языка преложил ест на греческий язык на прозбу Птоломея Евереета, царя египетскаго,— сей был родом евреянин от колѣна Левгиева из преславнаго града Ерусалима сын Сирахов, и того ради нарецается Исус Сирахов. Сирах же был сын Исусов, сына Еседехова.
Того Исуса Еседехова, деда Исуса Сирахова, послал был Елиазар, ерей великий ерасулимский, ко Птоломею Филядельфови, царю египѣтскому во Алексанъдрию — он же был ест вторый царь во Египте по Александре великом Макидонском — и с ним седмъдесят и единаго мужей, избранных в законѣ божием и во пророцех и во всех иных писмех святых добре наученых, духа святого и философии исполненых, еврейскаго языка и греческаго досконале умелых. Сии же седмъдесят и два учителя выложили суть из еврейскаго языка на греческый закон божий, даный Моисею на горѣ Синайской. То ест пятеры книги Моисеовы, шестьнадесеть пророков, книгы судей царств, псалмы Давыдовы, мудрость Саломонову и иные многые святые писма, их же для краткости несть потрѣба тут меновати; и написали суть вси сие книгы греческым писмом. И положил е ест царь Пътоломей Филяделф во книжници своей промеж иными книгами. В ней же имеаше различных книг иных а иных более нежели четырьдесять тысещей. Таковый убо был милосник наукы и мудрости, иже болѣй избрал оставити в науце и в книгах вечную славу и паметь свою, нежели во тленных великих царскых сокровищах.
КНІГІ ОНЛАЙН
