Старажытная беларуская літаратура
Выдавец: Юнацтва
Памер: 350с.
Мінск 1990
В том року бавилэмсе в дому пана его милости, (пан) виленский начастей в Ляховичах мешкал.
Под тым же часэм в маетности бискупства виленского у Недзведичах был урядником пан Василей Рогачовский, чловек мудрый и велкекго захованя у люди. Мел малжонку у себя Токачовну, невястэ барзо добрую. Ова не веде, з чого впадл в мелянколию, о всем собе зле тушачи, наконец о ласце у князя Валеряна, бискупа, пана своего, и товаришов. А бискуп он цнотливый то миловал его, яко сына. И товарише не были му незычливыми. Кторекго, як то на ме велце ласкавого, розными способы отводилэм от того и поднялэмсе был яхать, з ним до Вилни для опатреня здровя его.
А зрозумевши по ним, же мыслил о учинене якей смерти собе, бо ме просил за жоною и цоркою своею (даглядаць). Ознаймилэм малжонце его и некторым слугам его, яко ж они покрыли были желяза и ручницы.
Але в понеделок святочный в тым року, май 27, гды се люде при полудню розэшли, замкнувшисе сам один, ручником се в ызбе обесил.
Сталосе то з велким страхом людцким. И сам его милость пан виленский, услышавши то в Ляховичах, был див
242
не стрвожоныи и веле на то мовил, конклюдуючи, же не ведзон люде, не ведзон, цо ест шатан.
А потом за его ж милости помоцон выпровадилэм з Медведич до себе в дом малжонку и цорку небожчиковску. И поховалисмы тело его в Ляховичах у старой цэркве.
А пани, змешкавши при мне и жоне моей в дому моем шесть недель, отехала в повет Менский и шла была замуж за пана Макаровича.
Я жем се был барзей престрашил, бовем первшого ж дня, звлаща в ночи, былэм там у пани Рогачовской. И зновон в Ляховичах мялэмсе не добре вэ спаню. А летавца, што начастей не толко в ночи, але и вэ дне, же и инше люди, при мне будучи, видали. Мне тэж не див было надивнейший припадэк, о котором в року 66 писалэм.
Того ж лята король его милость Стэфан под Кгданском з войском был. А московский (князь) Иван у Лифлянтех замков сила побрал и позаседал.
Та же с под Кгданска з обозу принесено ми листы кроля его милости на мостовничство Пинское и Сэрвецкое, па небожчику пане Стэфане вакуючое.
В месяцы лютым указаласе была комета велка на зимным въсходе слонца и была час немалый.
Року 1578 его милость пан Ходкевич, пан виленский, сам з войском ехал до Лифлянт барзо хорый. А мене на съем до Варшова выправил в пилных справах своих и княжати Корецкого, пришлого зятя своего, который съем зачатый был стычня 20 дня. Маршалковал межи ж послами наш литвин — князь Лукаш Болько Свирский.
На том же сейме был у Варшове княже Ерый Фрыдэстраж гайдуком*, потым и пута нань вложоно над надее его, кгды ж му ла’скэ кролевску обецовано. Того ж потым лята пришлого вэ Лвове кволи туркови стять дано е.
На том же сейме был у Варшове княже Ерый Фрэдэрык з Аншпах, маркграбя* брандэмбурский з малжонкою своею. Вырежал им кроль Стэфан и кролиова велкон учтивость, и банкэт велкий вэ дне и в ноцы з танцами чинено. И выправил собе опеку над княжатем пруским. Але му потом княжна малжонка его умарла. Шидзоно при дворе, же се танцэм порушила. Припоминано тэж, же нешкоден был его милость пан Замойский, канцлер, от того Аншпаха, яко и от кгданщан. А то щесте вшитко, праве, заразом з ласкою кролевскою ему было припало.
В том же року по святках в Новгородку, под роками земскими, запалившисе в ночи от стадолы пана Андрея Ива
243
новича, писара его кр[олевской] м[и]л[ости], згорело домов 12.
В тэж часы умарл пан Александэр Ходкевич, староста городенский, пан барзо добрый. Погреб был тела его у Супрясле 31 дня августа отправеный.
О светом Михале былэм при его милости у Городне, маючи велке справы перед судом земским.
Того ж року 78,22 октобра, побито наших от Москвы под Кеею о двана... и арматы немало побрано...
Року того ж 78, в листопаде дня 9, в день неделный, умарл княже его милость Юрей Слуцкий, пре [з] велке богатства и скарбы собраные славный пан.
Року 1579 о трох кролех былэм у Городне, маючи потребы немалэ.
В лютым за се 23 дня умарла побожна пани Маковецка Ганна з Синевиц.
В маю тэж 3 дня, в неделе, былэм при велким жалю и фрасунку у пана Ивана Баки у Осташине, именю его, где му умарла малжонка Александра, княжна Крошинская.
Чловек то был невыповедянэй доброти, пани шляхэтна, бокгобойна, уроды пекнэй, а покоры векшей, як вере, же от пана бога и людий всих была милована. Пророковалэм на сэрцу моим, же не мел меть такей друкгей.
Яко ж взял потом тетку ее, ктора первей была за Тугановским и Подаровским, Татьяну Скумину, далеко юж розну от тэй первшей, хоть сестреницы е, наддэр скупую, ктора до зэбраня пенезей му помогла. Але отдатку на збор новокгродский и учинки милосэрные, в чим первей обфитовал, и з людкости его звыклое отвела. Бо за небожчицу первшую и мне был кони зэ три дал, а за тэ[й] ни козлентка, а еще ме велкей шкоды набавил.
Напервей по забитю сына моего Яна при Бруханским преставал. А потом за отданем от вельможного пана Александра Ходкевича маетности Добромышльское сынови моему Ярошови, был зазростю затопеный, штрофуючи о то того зацного пана и шацуючи тэ маетность на пятнаете тисячей злотых. И затым одэрвал в Деревней собе до живота влок оселых з рудником и млыном пять. А сумы прибавил за выкупно у себе ж над 14 сот коп грошей еще шесть сот коп грошей. Hex му то отда пан (бог) в он день справедливый сэндя.
Того ж року 1579, августа 4, у вовторок годины 18, в месте виленском умарл он, великий пан, а монархом справами своими ровный Ян Ходкевич, пан виленский, староста жомоитский, з велкон жалостей люду посполитого. Которо
244
го потом 13 октобра погреб отправено на замку виленским в костеле светого Станислава. Кроль его милость Стэфан в тэ часы был з войском под Полоцком. И добыто Полоцка 30 дня августа.
Ганна Болотовна уродила сына Яна, которого потом в року 1602 [в] фебруары 16 Олбрыхт Бруханский забил в Новокгродку под роками земскими.
Потом в декабры был съем у Варшове, на котором пан Андрей Тризна и я с повету Новгородского послами были. И працовалисмы, пишучи Трибунал*, яко ж увесь написаный, и король его милость подписал его иам. Але выдать се не могл без контытуцэйи, кторей с того сэйму не было, толко Унивэрсал Поборовый. Была там у Варшове и ее милость пани виленская, стараючисе о вечность маетности Свислочцкей.
Докончилсе тот сэим 9 стычня року 1580. А в тыйдень потым было вэсэле на замку. Отдавал пан канцлер Замойский сестру свою за папа Дялынского.
Там же у Варшове в року 1580, стычня 11, згорело на Предзамчу 5 домов. Гайдуки и венкгрове не зле бронили и не подлей рабовали, што се трафило. А кроль его милость был убралсе по велкей острожности, бовем то в ночи было.
Року 1580, месяца кветня 23, в суботу, на праяждцэ кроля его милости Стэфана у Вилни, змовившисе его (міласць) пан Криштоф Радивил*, пан троцкий, гэтман великий* с паном Володимером Заболоцким, москвитином. (Якобы Влодымир не хтял му чапки знять.) Пришли потом до слов злых з обудву строй, здрады и отмиткэ. Кеды е [го] (міласць) мовил пан троцкий на Влодымира, тэды Влодымир мовил: «самэсь такий». За чим, образившисе, пан троцкий ехал до пана воеводы виленского, отца своего. Кторый, выслухавши скаркги о тэн припадэк, так му рекл: «Не помстишь ли му се тэкго, тэды и я о тобе так розуметь буду, яко то он назвал».
Тэй ночи камней пан троцкий не спал, фрасуюнцсе на Влодымира. А стал за бронон завилейскон в дворе своем, прозваном Довойновском, где до его милости зъе [ха] лосе ротмистров и жолнэр велке множство.
А Влодымир стал у мещанина Полгрошка, которого дах припущоный был в дах каменицы Авкгуштына, войта виленского. С которое ж то каменицы и даху войтовского коморники пана троцкого, вшедши под дах Полкгрошков и прекопавши пяскуна избе, видели Влодымера и што се з ним деяло. Яко потом же ездил до панов сэнаторов, просечи о
245
поеднане пана троцкого. Але же се было спознило, обецали му се были наютро. Потом в господе свэй ходил до лазней, о чим всем давали знать коморницы и инша челядь пану Троцкому, пытаючисе: «каже ли, тэды могут его с пулгаку* забить». Але его милость не казал. И так в тых пресылках ночь зэшла.
А рано, в неделю 24 кветня, ведзонц пан троцкий о всем, же се Влодымир готовая до цэркви светое Пречистое, заехал з улицы и броны завелейскей ку костелови с[вентэкго] Духа, где велкость людей пеших в кляшторе была. А ездни — в улицы. И, препустивши Влодымира за фортку, едни з строны, а другие з велких врот и с тэй улички указажсе, пред которыми шол пехотою Кгорецкий.
Маючи свой гнев на Влодымира, тот, споткавшисе, рутил Володымирови камнем до перси. А Влодымир добыл шаблицы, ктору носил с правой рэнки, и левон се рэнком бронил потэжне.
Москва, его слуги поутекали, окром Путилом, званого москвитина. Тот се самотреть з литвинами двема застановил, але от велкости люди поранени за разэм были. А Влодымир, ку одной строне под муры складаючисе, уступовал. Там же его тот Кгорецкий кордом под правой персть препхнул, же юж без мовы вэ двух годинах умарл.
Та весть, кгды кроля Стэфана на замку еще не убрансго дошла, дивне се был стрвожил, же не рыхло до убираня пришол, ходечи по покою, лямэнтуючи, аж подканцлерый коронный князь Боруховский, приехавши, гамовал его, розважаючи тот нещасливый припадок.
Вем, же и сам пан троцкий не хтял его забить, одно выбить. Але се то иначей стало за власною вазнью Кгорецкого, же Влодымир, зоставши старостою трабским, приврацал его под своен владзон з якимсти именьем его, кторе пред тым в присуде тым трабским было.
Ехал был зараз потым пан троцкий до кроля, але кроль, выславши к нему того ж князя подканцлерого, вротил его и до себе ити не казал.
Был потом сам пан воевода виленский у кроля, обмоваючи сына своего и заступуючи, же то он казал, здаючи здрозе свое на волен и ласку его кролевской милости.
Немало се тото так тарло. Сэнаторове кроля его милость усмиряли. Аж 11 дня мая вэ сродэ допустил кроль его милость пану Троцкому в себе быть, застановивши, абы намней Влодымира не успоминал.
И седял кроль на впредпокоем. А мы люде, не ведаючи того, тиснэлисмысе, хотечи слышать рацые обмов пана троц
246
кого. Кторый, пришедши, просил кроля, абы не мел за зле, же през тот (час), з некаторых нещесных припадков свых у его кролевской милости не бывал. Над то ниц венцэй не мовечи, шедл кроль на покой. А сэнаторове, допровадивши его, зараз и с паном троцким розехали.
КНІГІ ОНЛАЙН
