Старажытная беларуская літаратура
Выдавец: Юнацтва
Памер: 350с.
Мінск 1990
Словѣньску же языку, якоже рекохом, живущю на Дунай, придоша от скуф, рекше от козар*, рекомии болгаре, и сѣдоша по Дунаеви, и населници словѣном быша. Посемь придоша угри бѣлии, и наслѣдиша землю словѣньску*. Си бо угри почаша быти прИраклии цари, иже находиша на Хоздроя, царя перьскаго. В си же времяна быша и обри, иже ходиша на Ираклия царя и мало его не яша*. Си же обри воеваху на словѣнѣх, и примучиша дулѣбы, сущая словѣны*, и насилье творяху женам дулѣбьским: аще поѣхати будяше обърину, не дадяше въпрячи коня ни вола, но веляше въпрячи 3 ли, 4 ли, 5 ли жен в телѣгу и повести обърѣна, и тако мучаху дулѣбы. Быша бо обърѣ тѣлом велици и умом горди, и бог потреби я, помроша вси, и не остася ни един обърин. И есть притъча в Руси и до сего дне: погибоша аки обрѣ; их же нѣсть племени ни наслѣдъка. По сих же придоша печенѣзи*, паки идоша угри чернии* мимо Киев, послѣже при Олзѣ.
Поляном же жиущем особѣ, якоже рекохом, сущим от рода словѣньска, и нарекошася поляне, а деревляне от словѣн же, и нарекошася древляне; радимичи бо и вятичи от ляхов. Бяста бо 2 брата в лясѣх,— Радим, а другий Вятко,— и пришедъша сѣдоста Радим на Съжю, и прозвашася радимичи, а Вятъко сѣде с родом своим по Оцѣ, от него же прозвашася вятичи. И живяху в мирѣ поляне, 11 деревляне, и сѣвер, и радимичи, вятичи и хрвате, Дулѣби живяху по Бугу, гдѣ ныне велыняне, а улучи и тиверьци сѣдяху бо по Днѣстру, присѣдяху к Дунаеви. Бѣ
20
множьство их; сѣдяху бо по Днѣстру оли до моря, суть гради их и до сего дне, да то ся зваху от Грек Великая скуфь.
По сих же лѣтѣх, по смерти братьѣ сея*, быша обидимы древлями и инѣми околними. И наидоша я козарѣ* сѣдящая на горах сих в лѣсѣх, и рѣша козари: «Платите нам дань». Съдумавше же поляне и вдаша от дыма мечь, и несоша козари ко князю своему и к старѣйшиным*, и рѣша им: «Се, налѣзохом дань нову». Они же рѣша им: «Откуду?». Они же рѣша: «В лѣсѣ на горах, над рѣкою Днѣпрьскою». Они же рѣша: «Что суть въдали?». Они же показаша мечь. И рѣша старци козарьстии: «Не добра дань, княже! Мы ся доискахом оружьемъ одиною стороною, рекіие саблями, а сих оружье обоюду остро, рекше мечь. Си имуть имати дань на нас и на инѣх странах». Се же сбыся все: не от своея воля рекоша, но от божья повелѣнья. Яко и при Фаравонѣ, цари еюпетьстѣмь, егда приведоша Моисѣя пред Фаравона, и рѣша старѣйшина фараоня: «Се хощеть смирити область Еюпетьскую»; якоже и бысть: погибоша еюптяне от Моисѣя, а первое быша работающе им. Тако и си: владѣша, и послѣже самѣми владѣють; якоже и бысть: володѣють бо козары русьскии князи и до днешнего дне.
В лѣто 6360 (852), индикта 15*, наченшю Михаилу царствовати, нача ся прозывати Руска земля. О семь бо увѣдахом, яко при семь цари приходиша Русь на Царьгород, якоже пишется в лѣтописаньи гречьстѣмь. Тѣмже отселе почнем и числа положим, яко «От Адама до потопа лѣт 2242, а от потопа до Оврама лѣт 1000 и 82, а от Аврама до исхоженья Моисѣева лѣт 430; а от исхожениа Моисѣова до Давида лѣт 600 и 1; а от Давида и от начала царства Соломоня до плѣненья Ярусалимля лѣт 448; а от плѣненья до Олексанъдра лѣт 318; а от Олексанъдра до рожества Христова лѣт 333; а от Христова рождества до Коньстянтина лѣт 318; от Костянтина же до Михаила сего лѣт 542». А от перваго лѣта Михайлова до перваго лѣта Олгова, рускаго князя лѣт 29; а от перваго лѣта Олгова, понелиже сѣде в Киевѣ, до перваго лѣта Игорева лѣт 31; а от перваго лѣта Игорева до перваго лѣта Святьславля лѣт 33; а от перваго лѣта Святославля до перваго лѣта Ярополча лѣт 28; а Ярополк княжи лѣт 8; а Володимер княжи лѣт 37; а Ярослав княжи лѣт 40. Тѣмже от смерти Ярославля до смерти Святополчи лѣт 60.
Но мы на прежнее возъвратимся и скажем, што ся здѣя в лѣта си, якоже преже почали бяхом первое лѣто Михаилом, а по ряду положим числа.
21
В лѣто 6366 (858). Михаил царь изиде с вой брегом и морем на болгары. Болгаре же увидѣвше, яко не могоша стати противу, креститися просиша и покоритися греком. Царь же крести князя их и боляры вся, и мир створи с болгары.
В лѣто 6367 (859). Имаху дань варязи из заморья на чюди и на словѣнех, на мери и на всѣх кривичѣх. А козари имаху на полянѣх, и на сѣверѣх, и на вятичѣх, имаху по бѣлѣ и вѣверицѣ от дыма.
В лѣто 6370 (862). Изъгнаша варяги за море, и не даша им дани, и почаша сами в собѣ володѣти, и не бѣ в них правды, и въста род на род, и быша в них усобицѣ, и воевати почаша сами на ся. И рѣша сами в себѣ: «Поищем собѣ князя, иже бы володѣл нами и судил по праву*». И идоша за море к варягом, к руси. Сице бо ся зваху тьи варязи русъ, яко се друзии зовутся свие, друзии же урмане, анъгляне, друзии гъте, тако и си. Рѣша руси чюдь, словѣни, и кривичи и весь: «Земля наша велика и обилна, а наряда в ней нѣт. Да поидѣте княжит и володѣти нами». И изъбрашася 3 братья с роды своими, пояша по собѣ всю русь, и придоша; старѣйший, Рюрик, сѣде Новѣгородѣ, а другий, Синеус, на Бѣлѣозерѣ, а третий Изборьстѣ, Трувор. И от тѣх варяг прозвася Руская земля, новугородьци, ти суть лісдье ноугородьци от рода варяжьска, преже бо бѣша словѣни*. По дву же лѣту Синеус умре и брат его Трувор. И прия власть Рюрик, и раздая мужем своим грады, овому Полотеск, овому Ростов, другому Бѣлоозеро. И по тѣм городом суть находници варязи, а перьвий насельници в Новѣгородѣ словѣне, в Полотьски кривичи, в Ростовѣ меря, в Бѣлѣозерѣ весь, в Муромѣ мурома; и тѣми всѣми обладаше Рюрик. И бяста у него 2 мужа, не племени его, но боярина, и та испросистася ко Царюгороду с родом своим. И поидоста по Днѣпру, и идуче мимо и узрѣста на горѣ градок. И упроиіаста и рѣста: «Чий се градок?». Они же рѣша: «Была суть 3 братья, Кий, Щек, Хорив, иже сдѣлаша градоко сь, и изгибоша, и мы сѣдим, род их, платяче данъ козаром». Асколд же и Дир остаста в градѣ семь, и многи варяги съвокуписта, и начаста владѣти польскою землею, Рюрику же княжащу в Новѣгородѣ.
В лѣто 6376 (868). Поча царствовати Василий.
В лѣто 6377 (869). Крещена бысть вся земля Болъгарьская.
В лѣто 6387 (879). Умершю Рюрикови, предасть княженье свое Олгови, от рода ему суща, въдав ему сын свой на руцѣ Игоря, бѣ бо дѣтеск вельми.
22
В лѣто 6390 (882). Поиде Олег, поим воя многи, варяги, чюдь, словѢни, мерю, весь, кривичи, и приде к Смоленьску с кривичи, и прия град, и посади мужь свои. Оттуда поиде вниз и взя Любець, и посади мужь свои. И придоста к горам к киевьским, и увѣда Олег, яко Осколд и Дир княжита, и похорони вой в лодьях, а другия назади остави, а сам приде, нося Игоря дѣтьска. И приплу под Угорьское, похоронив вой своя, и присла ко Асколду и Дирови, глаголя, яко «Гость есмь, идем в Греки от Олга и от Игоря княжича. Да придѣта к нам, к родом своим». Асколд же и Дир придоста, выскакав же вси прочии из лодья, и рече Олег Асколду и Дирови: «Вы нѣста князя, ни рода княжа, но аз есмь роду княжа», и вынесоша Игоря: «А се есть сын Рюриков ». И убиша Асколда и Дира, и несоша на гору, и погребоіиа й на горѣ, еже ся ныне зоветь Угорьское, кде ныне Олъмин двор; на той могилѣ поставил Олъма* церковь святаго Николу; а Дирова могила за святою Ориною. И сѣде Олег княжа в Киевѣ, и рече Олег: «Се буди мати градом русьским ». И бѣша у него варязи и словѣни и прочи, прозвашася русью. Сей же Олег нача городы ставити, и устави дани словѣном, кривичем и мери, и устави варягом дань даяти от Новагорода гривен 300 на лѣто, мира дѣля, еже до смерти Ярославлѣ даяше варягом.
В лѣто 6391 (883). Поча Олег воевати деревляны, и примучив а, имаше на них дань по чернѣ кунѣ.
В лѣто 6392 (884). Иде Олег на сѣверяне, и побѣди сѣверяны, и възложи на нь дань легъку, и не даст им козаром дани платити, рек: «Аз им противен, а вам не чему».
В лѣто 6393 (885). Посла к радимичем, рька: «Кому дань даете?». Они же рѣша: «Козаром ». И рече им Олег: «Не дайте козаром, но мнѣ дайте». И въдаша Ольгови по щьлягу*, якоже и козаром даяху. И бѣ обладая Олег поляны, и деревляны, и сѣверяны, и радимичи, а с уличи и тѣверци имяше рать*.
В лѣто 6395 (887). Левон царствова, сын Васильев, иже Лев прозвася, и брат его Олександр, иже царствоваста лѣт 20 и 6.
Словѣном живущим крещеным и князем их, Ростислав, и Святополк, и Коцел послаша ко царю Михаилу*, глаголюще: «Земля наша крещена, и нѣсть у нас учителя, иже бы ны наказал, и поучал нас, и протолковал святыя книги. Не разумѣем бо ни гречьску языку, ни латыньску; они бо ны онако учать, а они бо ны и онако. Тѣмже не разумѣем книжнаго образа, ни силы их. И послѣте ны учителя, иже ны могуть сказати книжная словеса и разум их». Се слыша
23
царь Михаил, и созва философы вся, и сказа им рѣчи вся словѣньских князь. И рѣша философи: «Есть мужь в Селуни, именем Лев. Суть у него сынове разумиви языку словѣньску, хитра 2 сына у него философа». Се слышав царь, посла по ня в Селунь ко Львови, глаголя: «Посли к нам въскорѣ сына своя, Мефодия и Костянтина»*. Се слышав Лев, въскорѣ посла я, и придоста ко цареви, и рече има: «Се прислалася ко мнѣ Словѣньска земля, просящи учителя собѣ, иже бы могл им протолковати святыя книги; сего бо желають». И умолена быста царем, и послаша я в Словѣньскую землю к Ростиславу, и Святополку и Къцьлови. Сима же пришедъшема, начаста съставливати писмена азъбуковьная словѣньски, и преложиста Апостол и Еуангелье. И ради быша словѣни, яко слышиша виличья божья своимь языкомь. Посем же преложиста Псалтырь, и Охтаик; и прочая книги. Нѣции же начата хулити словеньскиа книги, глаголюще, яко «Не достоить ни которому же языку имѣти букъв своих, развѣ еврѣи, и грек и латин, по Пилатову писанью, еже на крестѣ господни написа». Се же слышав папежь римьский, похули тѣх, иже ропьщють на книги словѣньския*, река: «Да ся исполнить книжное слово, яко «Въсхвалять бога вси языі/и»; другое же: «Вси възъглаголють языки величья божья, якоже дасть им святый дух отвѣщевати». Да аще хто хулить словѣньскую грамоту, да будеть отлучен от церкве, донде ся исправить: ти бо суть волци, а не овца, яже достоить от плода знати я и хранитися их. Вы же, чада, божья послушайте ученья и не отрините наказанья церковного, якоже вы наказал Мефодий, учитель вашь». Костянтин же възратився въспять, и иде учит болгарьскаго языка, а Мефодий оста в Моравѣ. Посем же Коцел князь постави Мефодья епископа в Пании, на столѣ святого Онъдроника апостола, единого от 70, ученика святого апостола Павла*. Мефодий же посади 2 попа скорописца зѣло, и преложи вся книги исполнь от гречьска языка в словѣнеск 6ю мѣсяць, начен от марта мѣсяца до двудесяту и 6ю день октября мѣсяца. Оконьчав же, достойно хвалу и славу богу въздасть, дающему таку благодать епископу Мефодью, настольнику Анъдроникову. Тѣмже словѣньску языку учитель есть Анъдроник апостол. В Моравы бо ходил и апостол Павел учил ту; ту бо есть Илюрик, его же доходна апостол Павел; ту бо бѣша словене первое. Тѣмже и словеньску языку учитель есть Павел, от него же языка и мы есмо русь, тѣмъже и нам руси учитель есть Павел, понеже учил есть язык словѣнеск и поставил есть епископа и намѣсника по себѣАндроника словеньску языку.
КНІГІ ОНЛАЙН
