Старажытная беларуская літаратура
Выдавец: Юнацтва
Памер: 350с.
Мінск 1990
24
А словеньскый язык и рускый одно есть, от варяг бо прозвашася русью, а первое бѣша словене; аще и поляне звахуся, но словеньскаа рѣчь бѣ. Полями же прозвани быши, зане в поли сѣдяху, а язык словенски един.
В лѣто 6411 (903). Игореви же възрастъшю, и хожаше по Олзѣ и слушаніе его, и приведоша ему жену от Пьскова, именем Олгу.
И живяше Олег мир имѣя ко всѣм странам, княжа в Киевѣ. И приспѣ осень, и помяну Олег конь свой, иже бѣ поставил кормити и не вседати на нь. Бѣ бо въпрашал волъхвов и кудесник: «От чего ми есть умрети?» И рече ему кудесник один: «Княже! Конь, его же любиши и ѣздиши на нем, от того ти умрети». Олег же приим в умѣ, си рѣче. «Николи же всяду на нь, ни вижю его боле того». И повелѣ кормити й и не водити его к нему, и пребы нѣколико лѣт не видѣ его, дондеже на Грекы иде. И пришедшу ему Кыеву и пребывьшю 4 лѣта, на пятое лѣто помяну конь, от него же бяхуть рекли волсви умрети. И призва старейшину конюхом, рече: «Кде есть конь мъй, его же бѣх поставил кормити и блюсти его?». Он же рече: «Умерл есть». Олег же посмѣася и укори кудесника, река: «То ти неправо глаголють волъсви, но все то лъжа есть: конь умерл есть, а я жив ». И повелѣ оседлати конь: «А то вижю кости его». И прииде на мѣсто, идѣже бѣша лежаще кости его голы и лоб гол, и ссѣде с коня, и посмеяся рече: «От сего ли лба смьрть было взяти мнѣ?». И въступи ногою на лоб; и выникнувши змиа изо лба, и уклюну в ногу. И с того разболѣся и умре. И плакашася людье вси плачемь великим, и несоша и погребоша его на горѣ, еже глаголеться Щековица; есть же могила его и до сего дни, словеть могылы Ольгова. И бысть всѣх лѣт княжениа его 33.
В лѣто 6421 (913). Поча княжити Игорь по Олзѣ. В се же время поча царьствовати Костянтин, сын Леонтов*. И деревляне затворишася от Игоря по Олговѣ смерти.
В лѣто 6422 (914). Иде Игорь на деревляны, и побѣдив а, и возложи на ня дань болши Олговы. В то же лѣто прииде Семион Болгарьский на Царьград, и сотворив мир, и прииде восвоаси.
В лето 6423 (915). Приидоша печенѣзи первое на Рускую землю, и сотворивше мир со Игорем, и приидоша к Дунаю. В си же времена прииде Семион, пленяа Фракию, греки же послаша по печенѣги. Печенѣгом пришедшим и хотящим на Семеона, расварившеся греческыа воеводы. Видѣвше печенѣзи, яко сами на ся рѣть имуть, отъидоша
25
въсвоасы, а болгаре со грекы соступишася, и пересѣчени быша грекы. Семион же приа град Ондрѣнь, иже первое Арестов град нарицашеся, сына Агамемнон*, иже во 3х реках купався недуга избы ту, сего ради град во имя свое нарече. Последи же Андриан кесарь й обнови, в свое имя нарече Андриан, мы же зовем Ондрѣянем градом.
В лѣто 6453 (945). В се же лѣто рекоша дружина Игореви: «Отроци Свѣньлъжи* изодѣлися суть оружьем и порты, а мы нази. Поиди, княже, с нами в дань, да и ты добудеши и мы». И послуша их Игорь, иде в Дерева в дань, и примышляше к первой дани, и насиляше им и мужи его. Возьемав дань, поиде в град свой. Идущу же ему въспять, размыслив, рече дружинѣ своей: «Идѣте с данью домови, а я возъвращюся, похожю и еще». Пусти дружину свою домови, с малом же дружины возъвратися, желая больша имѣнья. Слышавше же деревляне, яко опять идеть, сдумавше со князем своим Малом: «Аще ся въвадить волк в овцѣ, то выносить все стадо, аще не убьють его; тако и се, аще не убьем его, то вся ны погубить». И послаша к нему, глаголюще: «Почто идеши опять? Поимал еси всю дань». И не послуша их Игорь, и вышедше из града Изъкоръстѣня* деревлене убиша Игоря и дружину его; бѣ бо их мало. И погребен бысть Игорь, и есть могила его у Искоръстѣня града в Деревѣх и до сего дне.
Вольга же бяше в Киевѣ с сыном своим с дѣтьском Святославом, и кормилець его Асмуд*, и воевода бѣ Свѣнелд,— то же отець Мистишин. Рѣша же деревляне: «Се князя убихом рускаго; поимем жену его Вольгу за князь свой Мал и Святослава, и створим ему, якоже хощем ». И послаша деревляне лучьшие мужи, числом 20, в лодьи к Ользѣ...
В лѣто 6472 (964). Князю Святославу възрастъшю и възмужавшю, нача вой совкупляти многи и храбры, и легъко ходя,аки пардус*, войны многи творяше. Ходя воз по собѣ не возяше, ни котьла, ни мяс варя, но потонку изрѣзав конину ли, звѣрину ли или говядину на углех испек ядяіие, ни шатра имяше, но подъклад іюстлав и сѣдло в головах; тако же и прочии вой его вси бяху. И посылаше к странам, глаголя. «Хочю на вы ити». И иде на Оку рѣку и на Волгу, и налѣзе вятичи, и рече вятичем: «Кому дань даете?». Они же рѣша: «Козаром по щьлягу от рала даем».
В лѣто 6473 (965). Иде Святослав на козары; слышавше же козари, изидоша противу с князем своим Каганом, и съступишася битися, и бывши брани, одолѣ Святослав коза
26
ром и град их и Бѣлу Вежю взя. И ясы побѣди и касогы.
В лѣто 6474 (966). Вятичи побѣди Святослав, и дань на них възложи.
В лѣто 6475 (967). Иде Святослав на Дунай на Болгары. И бившемъся обоим, одолѣ Святослав болгаром, и взя город 80 по Дунаеви, и сѣде княжа ту в Переяславци*, емля дань на грьцѣх.
В лѣто 6476 (968). Придоша печенѣзи на Руску землю первое*, а Святослав бяше Переяславци, и затворися Волга в градѣ со унуки своими, Ярополком и Ольгом и Володимером, в градѣ Киевѣ. И оступиша печенѣзи град в силѣ велицѣ, бещислено множьство около града, и не бѣ льзѣ из града вылѣсти, ни вѣсти послати; изнемогаху же людье гладом и водою. Собравшеся людье оноя страны Днѣпра в лодьях, об ону страну стояху, и не бѣ льзѣ внити в Киев ни единому их, ни из града к онѣм. И въстужиша людье в градѣ и рѣша: «Нѣсть ли кого, иже бы могл на ону страну доити нѣгом?» И рече един отрок: «Аз прейду». И рѣша: «Иди». Он же изиде из града с уздою, и ристаше сквозѣ печенѣги, глаголя: «Не видѣ ли коня никтоже?» Бѣ бо умѣя печенѣжьски, и мняхуть й своего. И яко приближися к рѣцѣ, сверг порты сунуся в Днѣпр, и побреде. Видѣвше же печенѣзи, устремишася на нь, стрѣляюще его, и не могоша ему ничтоже створити. Они же видѣвше с оноя страны, и приѣхаша в лодьи противу ему, и взяша й в лодью и привезоша й к дружинѣ. И рече им: «Аще не подступите заутра к городу, предатися хотятъ людье печенѣгом». Рече же воевода их, имянем Прѣтичь: «Подъступим заутра в лодьях, и, попадше княгиню и княжичѣ, умчим на сю страну. Аще ли сего не створим, погубити ны имать Святослав». Яко бысть заутра, всѣдъше в лодьи противу свѣту и въструбиша вельми, и людье в градѣ кликнуша. Печенѣзи же мнѣша князя пришедша, побѣгоша разно от града. И изиде Ольга со унуки и с людми к лодъям. Видѣв же се князь печенѣжьский, възратися един к воеводѣ Прѣтичю и рече: «Кто се приде?». И рече ему: «Людье оноя страны». И рече князь печенѣжьский: «А ты князь ли еси?». Он же рече: «Аз есмь мужь его, и пришел есмь в сторожѣх, и по мнѣ идеть полк со князем, бещисла множьство». Се же рече, грозя им. Рече же князь печенѣжьский к Прѣтичю: «Буди ми друг». Он же рече: «Тако створю». И подаста руку межю собою, и въдасть печенѣжьский князь Прѣтичю конь, саблю, стрѣлы. Он же дасть ему бронѣ, щит, мечь. И отступиша печенѣзи от града, и не бяше льзѣ коня напоити: на Лыбеди печенѣзи. И послаша кияне к Святославу, глаголюще: «Ты, княже, чюжея
27
земли ищеши и блюдеши, а своея ся охабив, малы бо нас не взяша печенѣзи, и матерь твою и дѣти твои. Аще не поидеши, ни обраниши нас, да паки ны возмуть. Аще ти не жаль очины своея, ни матере, стары суща, и дѣтий своих?» То слышав Святослав, вборзѣ всѣде на конѣ с дружиною своею, и приде Киеву, цѣлова матерь свою и дѣти своя, и съжалися о бывшем от печенѣг. И собра вой, и прогна печенѣги в поли, и бысть мир.
В лѣто 6478 (960). Святослав посади Ярополка в Киевѣ, а Ольга в деревѣх. В се же время придоша людье ноугородьстии, просяще князя собѣ: «Аще не пойдете к нам, то налѣзем князя собѣ». И рече к ним Святослав: «А бы пошел кто к вам». И отпрѣся Ярополк и Олег. И рече Добрыня: «Просите Володимера». Володимер бо бѣ от Малуши*; ключницѣ Ользины; сестра же бѣ Добрынѣ, отець же бѣ има Малък Любечанин, и бѣ Добрына уй Володимеру*. И рѣша ноугородьци Святославу: «Въдай ны Володимера». Он же рече им: «Вото вы есть». И пояша ноугородьци Володимера к собѣ, и иде Володимир с Добрынею, уем своимь, Ноугороду, а Святослав Переяславьцю.
В лѣто 6485 (977). Поиде Ярополк на Олга, брата своего, на Деревьску землю. И изиде противу его Олег, и ополчистася. Ратившемася полкома, побѣди Ярополк Ольга. Побѣгъшю же Ольгу с вой своими в град, рекомый Вручий*, бяше черес гроблю мост ко вратам градным, тѣснячеся, друг друга пихаху в гроблю. И спехнуша Ольга с мосту в дебрь. Падаху людье мнози, и удавиша кони человѣци. И въшед Ярополк в град Ольгов, перея власть его, и посла искат брата своего: и искавъше его, не обрѣтоша. И рече един деревлянин: «Аз видѣх, яко вчера спехнуша с мосту». И посла Ярополк искат брата, и влачиша трупье из гробли от утра и до полудне, и налѣзоша и Ольга высподи трупья, вынесоша й, и положиша й на коврѣ. И приде Ярополк, над нем плакася, и рече Свеналду: «Вижь, сего ты еси хотѣл!» И погребоша Ольга на мѣстѣ у города Вручога, и есть могила его и до сего дне у Вручего. И прия власть его Ярополк. У Ярополка же жена грекини бѣ, и бяше была черницею; бѣ бо привел ю отець его Святослав, и вда ю за Ярополка, красоты ради лица ея. Слышав же се Володимър в Новѣгородѣ, яко Ярополк уби Ольга, убоявся бѣжа за море. А Ярополк посадники своя посади в Новѣгородѣ, и бѣ володѣя един в Руси.
В лѣто 6486 (978). В лѣто 6487 (979).
В лѣто 6488 (980). Приде Володимир с варяги Ноугороду, и рече посадником Ярополчим: «Идѣте к брату моему
28
и рцѣте ему: «Володимер ти идетъ на тя, пристраивайся противу битъся». И сЬде в Новѣгородѣ.
И посла ко Рогьволоду Полотьску, глаголя: «Хочю пояти дщерь твою собѣ женѣ*». Он же рече дщери своей: «Хочеши ли за Володимера?». Она же рече: «Не хочю розути робичича*, но Ярополка хочю». Бѣ бо Рогъволод пришел изаморья, имяше власть свою в Нолотьскѣ, а Туры Туровѣ', от него же и туровци прозвашася. И придоша отроци Володимерови, и повѣдаша ему всю рѣчь РогънѢдину, дщери Рогъволожѣ, князя полотьскаго. Володимер же собра вой многи, варяги и словѣни, чюдь и кривичи, и поиде на Рогъволода. В се же время хотячу Рогьнѣдь вести за Ярополка. И приде Володимер на Полотеск, и уби Рогъволода и сына его два, и дъчерь его поя женѣ.
КНІГІ ОНЛАЙН
