КНІГІ ОНЛАЙН

Старажытная беларуская літаратура

Выдавец: Юнацтва

Памер: 350с.

Мінск 1990

60 МБ

2—1909
33
с края церкве стоит и до сего дне, а царицина полата за олтарем. По крещеньи же приведе царицю на браченье. Се же не свѣдуще право глаголють, яко крестилъся есть в Киевѣ, инии же рѣша: в Василеве; друзии же инако скажють. Крещену же Володимеру, предаша ему вѣру крестеяньску, рекуще сице: «Да не прельстятъ тебе нѣции от еретик, но вѣруй...
Не преимай же ученья от латын, их же ученье разъвращено: влѣзъше бо в церковь, не поклонятся иконам, но стоя поклонится, и, поклонився, напишетъ крест на земли и цѣлуетъ, въстав прост, станетъ на немь нагами; да лег цѣлуетъ, а встав попирает. Сего бо апостоли не предаша; предали бо сут апостоли крест поставлен цѣловат и иконы предаша. Лука бо еуангелист, первое напсав, посла в Рим. «Яко же глаголетъ Василий: икона на первый образ приходит». Паки же и землю глаголють материю. Да аще им есть земля мати, то отець им есть небо, искони бо створи бог небо, таже землю. Тако глаголють: «Отче нашъ, иже еси на небеси». Аще ли по сих разуму земля есть мати, то почто плюете на матерь свою? Да сѣмо ю лобъзаете, и паки оскверняете? Сего же преже римляне не творяху, но исправляху на всѣх сборѣх, сходящеся от Рима и от всѣх престол... По семь же сборѣ Петр Гугнивый* со инѣми шед в Рим и престол въсхватив, и разъврати вѣру, отвергъся от престола Ярусалимска, и Олексаньдрьскаго, и Царяграда и Онтиахийскаго. Възмутиша Италию всю, сѣюще ученье свое разно. Ови бо попови единою женою оженивъея служатъ, а друзии до 7ми жен поимаюче служатъ, их же блюстися ученья. Пращають же грѣхи на дару, еже есть злѣе всего. Бог да схранить тя от сего».
Володимер же посем поем царицю, и Настаса, и попы корсуньски, с мощми святаго Климента и Фифа, ученика его, пойма съсуды церковныя и иконы на благословенье себѣ. Постави же церковь в Корсуни на горѣ, идѣ же съсыпаша средѣ града, крадуще, приспу, яже церки стоить и до сего дне. Взя же ида мѣдянѣ двѣ капищи* и 4 кони мѣдяны, иже и нынѣ стоять за святою Богородицею, яко же невѣдуще мнять я мрамаряны суща. Вдасть же за вѣно греком Корсунь опять царицѣ дѣля, а сам приде Киеву. Яко приде, повелѣ кумиры испроврещи, овы исѣщи, а другия огневи предати. Перуна же повелѣ привязати коневи к хвосту и влещи с горы по Боричеву на Ручай, 12 мужа пристави тети жезльемь. Се же не яко древу чюющю, но на поруганье бѣсу, же прелщаше симь образом человѣкъ!, да възмездье прииметь от человѣк. «Велий еси, господи, чюдна дѣла твоя!» Вчера чтимь от человѣк, а днесь поругаем. Влекому
34
же ему по Ручаю к Днѣпру, плакахуся его невѣрнии людье, еще бо не бяху прияли святаго крещенья. И привлекше, вринуша й в Днѣпр. И пристави Володимер, рек: «Аще кде пристанеть, вы отрѣзайте его от берега; дондеже порогы пройдетъ, то тогда охабитеся его». Они же повелѣная створища. Яко пустиша и проиде сквозѣ порогы, изверже й вѣтр на рѣнь*, и оттолѣ прослу Перуня Рѣнь, якоже и до сего дне словеть. Посемь же Володимир, посла по всему граду, глаголя: «Аще не обрящеться кто заутра на рѣцѣ, богат ли, ли убог, или нищь, ли работник, противен мнѣ да будетъ».
Се слышавше людье, с радостью идяху, радующеся и глаголюще: «Аще бы се не добро было, не бы сего князь и боляре прияли». Наутрия же изиде Володимер с попы царицины и с корсуньскыми на Дънѣпр, и снидеся бещисла людий. Влѣзоша в воду, и стаяху овы до шие, а друзии до персий, младии же по перси от берега, друзии же младенци держаще, свершеный же бродяху, попове же стояще молитвы творяху. И бяше си видѣти радость на небеси и на земли, толико душь спасаемых; а дьявол стеня глаголаніе: «Увы мнѣ, яко отсюда прогоним есмь! Сде бо мнях жилище имѣти, яко сде не суть ученья апостольски, ни суть вѣдуще бога, но веселяхъся о службѣ их, еже служаху мнѣ. И се уже побѣжен есмь от невѣгласа, а не от апостол, ни от мученик, не имам уже царствовати в странах сих».
Крестившим же ся людем, идоша кождо в домы своя. Володимер же рад быв, яко позна бога сам и людье его, възрѣв на небо рече: «Христе боже, створивый небо и землю! Призри на новыя люди сия, и дажь им, господи, увѣдѣти тобе, истиньнаго бога, якоже увѣдѣша страны хрестьяньскыя. Утверди и вѣру в них праву и несовратьну, и мнѣ помози, господи, на супротивнаго врага, да, надѣяся на тя и на твою державу, побѣжю козни его». И се рек, повелѣ рубити церкви и поставляти по мѣстом, иде же стояху кумири. И постави церковь святаго Василья на холмѣ, идеже стояніе кумир Перун и прочии, идеже творяху потребы князь и людье. И нача ставити по градом церкви и попы, и люди на крещенье приводити по всѣм градом и селом. Послав, нача поймати у нарочитые чади дѣти, и даяти нача на ученье книжное. Матере же чад сих плакаху по них, еще бо не бяху ся утвердили вѣрою, но акы по мертвеци плакахся...
Володимер же просвѣщен сам, и сынове его, и земля его. Бѣ бо у него сынов 12: Вышеслав, Изяслав, Ярослав,
35
Святополк, Всеволод, Святослав, Мьстислав, Борис, Глѣб, Станислав, Позвизд, Судислав. И посади Вышеслава в Новѣгородѣ, а Изяслава Полотьскѣ, а Святополка Туровѣ, а Ярослава Ростовѣ. Умершю же старѣйшему Вышеславу Новѣгородѣ, посадиша Ярослава Новѣгородѣ, а Бориса Ростовѣ, а Глѣба Муромѣ, Святослава Деревѣх, Всеволода Володимери, Мстислава Тмуторокани. И рече Володимер: «Се не добро, еже мало город около Киева». И нача ставити городы по Деснѣ, и по Востри, и по Трубежеви, и по Сулѣ, и по Стугнѣ. И поча нарубати мужѣ лучьшиѣ от словень, и от кривичь, и от чюди, и от вятичь, и от сих насели грады: бѣ бо рать от печенѣг. И бѣ воюяся с ними и одолая им.
В лѣто 6528 (1020). Родился у Ярослава сын, и нарече имя ему Володимер.
В лѣто 6529 (1021). Приде Брячислав, сын Изяславль, внук Володимърь, на Новъгород, и зая Новъгород, и поим новгородцѣ и имѣнье их, поиде Полотьску опять. И пришедшю ему к Судомири рѣцѣ, и Ярослав ис Кыева в 7 день постиже й ту. И побѣди Ярослав Брячислава и новгородцѣ вороти Новугороду, а Брячислав бѣжа Полотьску.
В лѣто 6530 (1022). Приде Ярослав к Берестию. В си же времена Мьстиславу сущю Тмуторокани, поиде на касогы*. Слышав же се, князь касожьскый Редедя изиде противу тому. И ставшема обѣма полкома противу собѣ, и рече Редедя к Мьстиславу: «Что ради губивѣ дружину межи собою? Но снидеве ся сама борот. Да аще одолѣеши ты, то возмеши имѣнье мое, и жену мою, и дѣти моѣ, и землю мою. Аще ли аз одолѣю, то възму твое все». И рече Мьстислав: «Тако буди». И рече Редедя ко Мьстиславу: «Не оружьем ся бьевѣ, но борьбою». И яста ся бороти крѣпко, и надолзѣ борющемася има, нача изнемагати Мьстислав: бѣ бо велик и силен Редедя. И рече Мьстислав: «О пречистая богородице, помози ми. Аще бо одолѣю сему, сзижю церковь во имя твое». И се рек, удари имь о землю. И вынзе ножь, и зарѣза Редедю. И шед в землю его, взя все имѣнье его, и жену его и дѣти его, и дань възложи на касогы. И пришед Тьмутороканю, заложи церковь святыя Богородица, и созда ю, яже стоить и до сего дне Тьмуторокани.
В лѣто 6552 (1044). Выгребоша 2 князя, Ярополка и Ольга, сына Святославля, и крестиша кости ею, и положиша я в церкви святыя Богородица. В се же лѣто умре Брячислав, сын Изяславль, внук Володимерь, отець Всеславль и Всеслав, сын его, сѣде на столѣ его, его же
36
роди мати от вълхвованья*. Матери бо родивши его, бысть ему язвено на главѣ его, рекоша бо волсви матери его: «Се язвено навяжи на нь, да носить е до живота своего», еже носить Всеслав и до сего дне на собѣ; сего ради немилостив есть на кровьпролитье...
В лѣто 6575 (1067). Заратися Всеслав, сын Брячиславль, Полочьскѣ, и зая Новъгород*. Ярославичи же трие,— Изяслав, Святослав, Всеволод,— совокупивше вой, идоша на Всеслава, зимѣ сущи велицѣ. И придоша ко Мѣньску*, и мѣняне затворишася в градѣ. Си же братья взяша Мѣнеск, и исѣкоша мужѣ, а жены и дѣти вдаша на щиты, и поидоша к Немизѣ*, и Всеслав поиде противу. И совокупишася обои на Немизѣ, мѣсяца марта в 3 день; и бяше снѣг велик, и поидоша противу собѣ. И бысть сѣча зла, и мнози падоша, и одолѣша Изяслав, Святослав, Всеволод, Всеслав же бѣжа. По семь же, мѣсяца нуля в 10 день, Изяслав, Святослав и Всеволод, цѣловавше крест честный к Всеславу, рекше ему: «Приди к нам, яко не створим ти зла». Он же, надѣявъся цѣлованью креста, переѣха в лодьи черес Днѣпр. Изяславу же в шатер предъидущю*, и тако яша Всеслава на Рши у Смолиньска, преступивше крест. Изяслав же привед Всеслава Кыеву, всади й в поруб с двѣма сынома.
В лѣто 6576 (1068). Придоша иноплеменьници на Русьску землю, половьци мнози. Изяслав же, и Святослав, и Всеволод изидоша противу им на Льто. И бывши нощи, подъидоша противу собѣ. Грѣх же ради наших пусти бог на ны поганыя, и побѣгоша русьскыи князи, и побѣдиша половьци...
Мы же на предълежащее паки възвратимся. Изяславу же со Всеволодом Кыеву побѣгшю, а Святославу Чернигову, и людье кыевстии прибѣгоша Кыеву, и створиша вѣче на торговищи, и рѣша, пославшеся ко князю: «Се половци росулися по земли; дай, княже, оружье и кони, и еще бьемся с ними». Изяслав же сего не послуша. И начата людие говорити на воеводу на Коснячька; идоша на гору, с вѣча, и придоша на двор Коснячков, и не обрѣтше его, сташа у двора Брячиславля и рѣша: «Поидем, высадим дружину свою ис погреба». И раздѣлишася надвое: половина их иде к погребу, а половина их иде по Мосту; си же придоша на княжь двор. Изяславу же сѣдящю на сѣнех с дружиною своею, начаша прѣтися со князем, стояще долѣ. Князю же из оконця зрящю и дружинѣ стоящи у князя, рече Тукы, брат Чюдинь, Изяславу: «Видиши, княже, людье възвыли; посли, ат Всеслава
37
блюдуть». И се ему глаголющю, другая половина людий приде от погреба, отворивше погреб. И рекоша дружина князю: «Се зло есть; посли ко Всеславу, ат призвавше лестью ко оконцю, пронзуть й мечемь». И не послуша сего князь. Людье же кликнута и идоша к порубу Всеславлю. Изяслав же, се видѣв, со Всеволодом побѣгоста з двора, людье же высѣкоша Всеслава ис поруба, в 15 день семтября, и прославиша й средѣ двора къняжа. Двор жь княжь разграбиша, бещисленое множьство злата и сребра, кунами и бѣлью. Изяслав же бѣжа в Ляхы.
Посемь же половцем воюющим по землѣ Русьстѣ, Святославу сущю Черниговѣ, и половцем воюющим около Чернигова, Святослав же собрав дружины нѣколико, изиде на ня ко Сновьску*. И узрѣша половци идущь полк, пристроишася противу. И видѣв Святослав множьство их, и рече дружинѣ своей: «Потягнѣм, уже нам не лзѣ камо ся дѣти». И удариша в конѣ, и одолѣ Святослав в трех тысячах, а половець бѣ 12 тысячѣ; и тако бьеми, а друзип потопоша в Снови, а князя их яша рукама, в 1 день ноября. И възвратишася с побѣдою в град свой Святослав.