Запісы 40
Памер: 811с.
Мінск, Нью Йорк 2018
БУЛЬБЯНЫЯ КЛЁЦКІ
2 кубкі дзёртай бульбы, 1 куб. мукі, 2 яйкі,
1 гарб. л. солі, 1 г. л. парашку да пячэньня або соды.
Бульбу выціснуць, зьмяшаць з мукой, яйкамі, зрабіць клёцкі й варыць у пасоленай вадзе ля паўгадзіны. Калі закруціць усярэдзіну кубікі сала, завуцца: “камы з душой”.
БУЛЬБЯНЫЯ БЛІНЫ
Зьдзёрці бульбу, зьняць лішку вады, дадаць мукі, яйка або два, пасаліць, добра разьмяшаць. Накідаць асобныя галадкі ля 1 лыжкі велічы ў гарачы тук так, каб амаль плавалі. Сьвіны тук найздаравей і, кажуць, найсмачней, посныя на алеі. На маргарыне або масьле — прыгараюць. Есьці са сьвежым маслам, сьмятанаю, скваркі-цыбуляю,
мясам, мясной падліўкаю, а нат на гарача з палоскамі сырога сала. Калі дадаць больш мукі, будуць багатшыя ўкалёрыі.
БУЛЬБЯНАЯ КАЎБАСА, або КІШКА
Засмажыць цыбулю ў бульбяное бліннае цеста, напхаць у кішку. Падсмажыць з двох бакоў, дапячы ў духоўцы.
БУЛЬБЯНАЯ БАБКА (тэйгэрц)
Старкаваць бульбу, убіць яйка-два, дадаць мукі, каб зрабіць густое цеста. Падсмажыць у валею цыбулю, дадаць, пасаліць, укінуць у хормусквараду, смажыць на абодва бакі, лепш пячы ў духоўцы.
МІРСКАЯ ДРАНКА, або БУЛЬБЯНАЯ АПАЛЬКА
Разьмяшаць із мукой соду, лепш парашок да пячэньня. Падкалаціць гэтай мукою цёртую (драную) бульбу. Дакінуць шкварак ад ператопліванага здору або разскварыць сала, добра вымяшаць, улажыць у хорму або глыбокую сквараду, уставіць у печ на 1—2 гадзіны залежа ад таўшчыні дранкі а гарачыні печы. Падаецца на гарача із кіслай сьмятанаю. Лішка туку палепшыць смак дранкі.
БУЛЬБЯНЫЯ КРОКЕТЫ (мяшчанскія галкі)
3 кубкі бульбяной кашы, 1 куб. сырой дзёртай,
2 яйкі, соль.
Зьняць ваду з дранай бульбы, дадаць яйка, соль, перац, крышаную цыбулю, перамяшаць із варанай бульбай. Зрабіць галкі, пакачаць у муцэ, яйку й сухарыку й падсмажыць.
КЛЁЦКІ із сырой і варанай бульбы:
2 кубкі падзёртай бульбы, 1 куб. бульбяной кашы, 1 куб. цёртага хлеба, з яйцы, гарб. л. солі
Выціснуць як найболей вады з бульбы, замяшаць із кашай, яечкамі й хлебам, пасаліць, рабіць клёцкі й варыць іо часін.
ПШОННЫЯ БЛІНЫ
1 кубак мукі, з яйцы, 1 куб. малака, паў гарб. л. солі і парашку да пячэн.
Зьмяшаць з мукою парашок і соль, убіць яйкі, заліваць патрохі малаком, пакуль не разьмяшаецца на патрэбнае цеста. Пячы-смажыць на абодва бакі. Можна лажыць кружкі яблыка на паасобныя галадкі і разам запякаць. Можна яблыкі разьмяшаць разам ізь цестам.
ЛЯНЫЯ СЫРНІКІ
Паўхунта белага сыру, 2 унцыі мукі, 4 яйцы,
1 лыжка туку, соль.
Сьвежы, добра выціснуты тварог працерці церазь сіта або прапусьціць цераз машынку. Расьціраць тук, дадаючы па адным жаўтку, пакласьці сыр, усё расьцерці ў ваднае тайную масу. Зьбіць пену зь бялкоў, замяшаць у сырную масу, дадаць муку, зьлёгка пасаліць, замясіць. Цеста пакласьці на мукой пасыпаную кухонную дошку, раскачаць, пакроіць на кавалкі ўшыркі 2—3 цм. Ляныя сырнікі апусьціць у пасолены вар, перамяшаць, накрыць вечкам. Калі зварацца, адсунуць рондаль на край пліты і шумоўкай выкладаць сырнікі на міску. Абліць распушчаным маслам, зьмешаным із падрумяненымі цёртымі сухарамі. Можна падаваць ізь сьмятанай.
СЫРНІКІ
3 яйцы, 1 кубак тварагу, масла, 3 л. мукі, цытрынавая шкурка.
Тры масла, пакуль ня будзе мяккое. Дадай жаўткі, сыр, соль, цукар, муку, цытрынавую шкурку. Бі пену зь бялкоў, дадай, разьмяшай. Апускай лыжкай у вар, накрый, вары іо ч. Выбяры й палі ператопленым да бранзова маслам.
СЫРНІКІ3 БУЛЬБАЙ
2 яечкі, 1/2 х. мукі, 1/2 х. сыру, 1 л. масла,
2 вараныя бульбы, соль.
Расьцерці сыр з бульбаю. Расьцерці 2 жаўткі з лыжкай масла. Усё зьмяшаць, дадаць пену з 2 бялкоў, усыпаць муку, пасаліць, добра вымяшаць, апускаць лыжкай у вар, варыць 5 часінаў.
ГАРОДНІНА
РЭДЗІКА: ядуць із кіслай сьмятанай або алеем, зьмяшаным із цытр. сокам і пакрышанай цыбуляй.
ГУРКІ: сьвежыя ядуць ізь мёдам або пакроеныя і залітыя кіслай сьмятанай.
БРУЧКА: вараць на страву; мяшаюць на палову з бульбай, забельваюць або заскварваюць. Тушаць зь мясам, мяшаюць з бульбай, тушаць із салам, мясам, падкалочваюць мукою.
МОРКВА: з бульбай як страва: булён. Тушаць зь мясам або маслам. Адумысна тушаная з цукрам, маслам ведамая на ўвесь сьвет як “цымус”.
ЦЫБУЛЯ: выкарыстваецца на прыправы да страваў і сырая.
ТУШАНАЯ: разскварыць сала, выняць скваркі, усыпаць пакрышануто скрылікамі цыбулю, тушыць 15 ч.
САЛОДКАЯ Е Ж A
СУХАРЫКІ
3 яйцы, 1/4 х. масла, 1/2 х. цукру, гарб. лыжка ванілі, 2. гарб. л. парашку да пяч.
Масла добра расьцерці з цукрам, дадаць яечкі, ванілі, памалу сыпаць муку, перасеяную з парашком. Дадаць гэтулькі мукі, каб можна было раскачаць цеста. Тады выкраіць хормы й пячы 10 часінаў пры 375 0 Ф22Замест выкроеваць хормы, можна зрабіць даўгаватую галку, закруціць у паперу і ўлажыць на колькі гадзінаў у лядоўку. Тады кроіць цеста войстрым нажом на ценкія лустачкі і пячы.
ХРУШЧЫ
4 яйцы, 1/2 кубка цукру, 1/2 кубка малака, зьнюшок солі, 2—3 гарб. л. парашку, мука, чарка гарэлкі.
У крышку мукі зьбіць яйкі, цукар, малако, гарэлку. Працерці муку з парашком, дасыпаць да цеста, пакуль зробіцца здатнае да качаньня. Разкачваць, рэзаць на кавалкі, пасярэдзіне кожнага куска-лоскута прарэзаць дзірку, вывярнуць. Грэць тук у рондлі (з палец углыбкі туку) з высокімі бегамі. Смажыць з двох бакоў. Як астынуць, пасыпаць цукрам-парашком.
ХРУШЧЫКІ
Робяцца таксама, як хрушчы, але ўжыць адны жаўткі. Хрушчыкі будуць ценшыя.
ГРЫБОК
4 яйцы, 1/2 кубка цукру, 1/2 кубка малака,
1 гарб. л. парашку, 1/4 гарб. л. солі.
Дадаць мукі, каб было цеста, як на бліны. Наліць у памазаную бляху й пячы.
ГРЫБОК ІЗЬ ЯБЛЫКАМІ
2 жаўткі, 2 лыжкі мукі, 2 л. цукру,
1/2 гарб. л. парашку, 2 яблыкі, 2 бялкі, 2 л. масла, 1/2 кубка малака.
2 жаўткі расьцерці з 2 лыжкамі цукру, усыпаць 2 лыжкі мукі, 1/2 гарб. лыжкі парашку, уліць 1/2 шклянкі малака. Ачысьціць яблыкі, пакроіць скрылікамі. На скварадзе распусьціць 2 лыжкі масла, падсмажыць яблыкі, выліць на іх цеста. Уставіць у печ. Гатовае пакроіць
375 °F — каля 190 °C.
накрыж, пасыпаць цукрам із ваніляй. Замест яблыкаў можна ўжыць вішні, чарэшні ці рабарбар23.
ЛАМАНЦЫ
Замясіць цеста з мукі, вады, крыхі алівы й солі, як на макарон. Раскачаць досыць ценка, пакроіць на кавалкі і ў духоўцы сьпячы. Заліваць макавым малаком.
ЯЕЧНЯ
1/2 кварты малака, з яйцы, 2 лыжкі цукру, соль.
Разьбіць яйцы ў рондалік, наліць малака, дадаць цукру й солі і пячы 15 часінаў.
БЛІНЫ НА ДРОЖДЖАХ
1 кубак мукі, 2 лыжкі цукру, 1/4 гарб. л. солі,
3 кубкі малака, 3 яйцы, і пачок сухіх дрожджаў.
Перасеяць муку ў міску, дадаць цукру й солі. Тады памалу дадаваць малако зь яйцамі а дрожджамі. Добра разьмяшаць. Хай пастаіць 2 гадз. Тады смажыць з двох бакоў.
ГАРБУЗ
Гарбуз, мука, соль, малако.
Ачысьціць гарбузовае мяса зь мякішу і абабраць, парэзаць на кубікі, варыць у крыху пасоленай вадзе, пакуль ня мяккі. Адцадзіць, стаўчы на кашу, калі жылаваты — працёрці праз друшляк. Разбоўтаць муку ў малацэ, уліць у кашу, разьмяшаць, заварыць. Можна дадаць масла, a то цукру. Будзе кляйсты, калі зашмат мукі; разводзіць малаком, калі за густы. Падаваць на гарача.
БАБКАЗРУМАМ
1/2 кубка малака, 1 пачок с. дрожджаў, кубак мукі, 2 л. цукру, 1/2 кубка масла, 6 лыж. цукру, 1/2 гарб. л. цытрынавай скуркі, паўтара кубка мукі, 3 яйцы, 1/4 кубка румавай асэнцы.
Звары 1/2 кубка малака, дай астынуць, каб было летняе. Дадай дрожджаў, ператры, дадай кубак мукі і 2 лыжкі цукру, мяшай, пакуль ня будзе гладка. Накрый, хай падыдзе 1 гадзіну на цёплым месцу. Тры паўкубка масла, памалу дадаючы 6 лыж. цукру. Дадай солі, цытрыновай скуркі, добра разьмяшаныя яйцы, муку й дрожджы. Бі добра 12 часінаў. Вымаж маслам дно й бакі хормы, кладзі цеста да палавіны, накрый і пакінь паўгадзіны, каб падышло. Пячы 20 часінаў.
23 Рабарбар — тое самае, што па-расейску “ревень”.
Вары паўкубка цукру, кубак вады 5 часінаў. Калі астыне, улі румовай асэнцы. Калі бабка гатовая, палі гэтым сыропам, каб нацягнула.
ПАПУШКІ
3 лыжкі мяккага масла, 3 яйкі,
1/2 унцы сьвежых дрожджаў, 3 лыж. цукру, трохі цытрыновай скуркі, соль, 1 х. цёплай перасеянай мукі, 1 кубак малака або сьмятаны.
Церці масла, аж пакуль ня пеніцца. Дадаць яйкі, зьмяшаныя з дрожджамі. Дадаць цукру, солі, цытрыновае скуркі, перасеянай мукі й малака. Мяшай цеста цьверць гадзіны ўсё ў адзін бок. Пасып мукой і дай падыйсьці. Выбяры цеста на дошку, пасыпаную мукой, раскачай на палец таўсьціні і выкрай шклянкай колцы. Гэтулькі сама колцаў назначай, але ня выкрай. У сярэдзіну нявыкроеных колцаў палажы смажэньне, накрый выкроенымі колцамі й выкрай меншай шклянкай, каб яны злучыліся разам. Кладзі на цёплую, мукой пасыпаную дошку, накрый абруском і дай падыйсьці. Распусьці сала або сала й масла разам, палажы папушкі нізам уверх, каб яны плавалі ў туку. Накрый сквараду і, калі гатовыя з аднаго баку, абярні й дапячы без накрыцьця. Вымі, на сіце асушы, пасып цукрам. А калі астыгнуць, злажы на міску.
ПАПУШКІ (галкі)
2 кубкі мукі, 1/2 кубка расьцёртага масла, 4 жаўткі, трохі солі, цытрыновай скуркі, 1/2 унцы сьвежых дрожджаў, зьмяшаных ізь цёплай сьмятанай, разынкі.
Зрабі цеста, каб ня клейлася да лыжкі. Усып 2 лыжкі разынкаў, пасып мукой і дай падыйсьці. Пакрой на кавалкі, зрабі галкі й дай падыйсьці. Смаж у сале-туку, каб не дакраналіся дна. Калі гатовыя, вымі, пакачай у цукру.
ТОРТ ЯРАШЭВІЧЫХІ
1/2 х. сьвежага масла, 1/2 х. мукі, 1/2 х. цукру, 4—5 яек, какаа, бітая сьмятана, цытрынавы сок, цукар.
Цукар цёрці з маслам, убіваць па адным яйцу, увесь час цёрці разам ня меней як паўгадзіны. Муку перасеяць із 1/4 гарб. л. парашку да пячэньня або соды. Разьліць на палавіну. У адну палажыць 1 гарб. лыжку какаа. Палавіны цеста наліць у хорму адна на другую, пячы. Калі наліць ня мяшаючы, атрымаецца двукалёрны торт, калі крыху зьмяшаць — хвалявы. Калі астыгне, памазаць сьліўкамі цукру. Верх прыбраць бітай сьмятанай із цытрыновым сокам і цукрам.
Подле В. Ярашэвічыхі
ТОРТ СТАНКЕВІЧЫХІ
1 кубак масла, 1 і 2/3 кубка перасеянай мукі,
1 кубак бяз 2 лыжак цукру,
3 жаўткі ізь цьвёрда вараных яец, 1 бялок, 1 яйцо.
Пагрэй духоўку ля 325 °Ф24. Зьмяшай масла з мукой. Зьмяшай цукар із жаўткамі, зь яйцом і добра вырабі цеста. Падзялі на 2/3 і 1/3. Першыя 2/3 раскачай і вылажы ёй дно памазанай круглай хормы, падымі берагі цеста вышэй. Налажы на гэта смажэньня із малінаў. Астачу цеста выкачай на пальцавыя валкі, налажы накрыж у кратку або іншы узор (манаграм). Памазаць бялком і пячы каля 1/2 гадзіны.
КНІГІ ОНЛАЙН
