КНІГІ ОНЛАЙН
Пошук сярод кніг, што прайшлі індэксацыю гуглам. Некаторыя кнігі гугл не знаходзіць
ЖЭЛЕ СА СЛІЎ Лепш за ўсё падыходзяць для прыгатавання жэле жоўтыя слівы. Плады перад гэты.м мыюць, пладаножкі адрываюць і выкідваюць. Вымытыя слівы на адзін момант кідаюць у кіпень, адразу вымаюць і кладуць у халодную ваду. Здымаюць скурку, выдаляюць костачкі. Мякаць праціраюць праз сіта ці друшляк і вараць у невялікай колькасці нады прыкладна 20 хвілін. Працэджваюць сок і на 1 л атрыманага соку дадаюць 1 кг цукру, добра перамешваюць і вараць, пакуль маса не загусцее. Гарачы прадукт неадкладна расфасоўваюць у гарачыя пастэрызаваныя слоікі. Слоікі закрываюць накрыўкай толькі пасля астывання. Захоўваюць у халодным месцы. СУШЭННЕ СЛІЎ Прыгодны для гэтай мэты плады, якія ўтрымліваюць шмат цукру. Гэта слівы сартоў: Стэнлі, Венгерка звычайная, Венгерка італьянская, Нарач, Кромань, Рэнклод Альтана і іншых. Добра вымытыя слівы на хвілінку (не больш) апускаюць у гарачы 1,5%-ны раствор харчовай соды (15 г соды на 1 л вады). Потым прамываюць халоднай вадой і сушаць на свежым паветры. Праз 1—2 гадзіны (калі слівы падсохнуць) іх кладуць на сетчатыя падносы альбо металічныя сіты і ставяць у печ, духо'ўку альбо разагрэтую сушылку. Слівы сушаць за тры разы: спачатку трымаюць 3—4 гадзіны пры тэмпературы 40—45°, вымаюць і астуджваюць на працягу 3—5 гадзін, потым зноў сушаць 4—5 гадзін пры тэмпературы 55—60°. Астуджваюць і ўжо канчаткова сушаць пры тэмпературы 75—80° на працягу 12—16 гадзін. Буйныя слівы лепш сушыць без костачак, а дробныя можна і з костачкамі. Высушаныя слівы павінны быць цвёрдымі, але ні ў якім разе не крохкімі. СТРАВЫ СА СЛІЎ Салата са сліў і яблыкаў. 100 г сліў і 3—4 яблыкі мыюць, вымаюць костачкі і насенне. Мякаць рэжуць дробнымі кавалачкамі і змешваюць. 2—3 жаўткі курыных яек расціраюць з 250 г смятаны і паліваюць нарэзаныя фрукты (цукар дадаюць па густу). Салату падаюць да мясных страў і бульбы. Чарнасліў у малацэ. Сухія слівы некалькі разоў мыюць цёплай вадой і заліваюць кіпячым малаком. Вытрымліваюць у такім стане на працягу гадзіны, потым кладуць цукар па смаку, перамешваюць, выліваюнь у глыбокую патэльню і ставяць у духоўку на невялікі агонь. Гатоўнасць стравы вызначаюць па ружовай пенцы на малацэ. Варэнікі (цыркуны) са слівамі. Замешанае цеста (1 шклянка мукі, 2 яйкі, 2 сталовыя лыжкі вады) тонка раскачваюць і рэжуць кавалачкамі прамавугольнай формы. Слівы мыюць, перабіраюць, выдаляюць костачкі, дадаюць цукар па смаку. На сярэдзіну кожнага кавалачка цеста кладуць адну сліву і зашчыпваюць краі паміж сабой. Вараць у кіпені, пакуль яны не ўсплывуць. Да стала падаюць са смятанай. Перад ужываннем можна запячы са смятакай у духоўцы. Кісель са свежых сліў. Тры шклянкі сліў перабіраюць, мыюць, вырываюць пладаножкі і выдаляюць костачкі. Потым абварваюць, праціраюць праз сіта або друшляк. Мякаць заліваюць дзвюма шклянкамі вады, вараць 5 хвілін, пасля чаго дадаюць 3/4 шклянкі цукру і дзве сталовыя лыжкі крухмалу. (Крухмал папярэдне трэба расцерці ў невялікай колькасці вады.) Кісель зноў ставяць на агонь, даводзянь да кіпення і разліваюць па кубках. ПРЫГАТАВАННЕ СЛІВОВІЦЫ Гэтытып перапрацоўкі пладоў слівы добра вядомы і займае прыкметнае месца ў Заходняй Еўропе. Прагатаванне слівовіцы таксама шырока практыкуюць на Каўказе, у Малдавіі, Заходняй Украіне. У нашай жа рэспубліцы спосабы прыгатавання гэтага напітку мала вядомы насельніцтву, хаця ва ўраджайныя гады значная колькасць пладоў слівы гіне. Для перапрацоўкі на слівовіцу прыгодны ўсе вырошчваемыя на Беларусі сарты сліў, праўда, з больш салодкіх пладоў атрымліваецца і большы выхад гатовай прадукцыі, Прыгатаванне слівовіны ўключае тры галоўныя аперацыі: зброджванне цукру, які ўтрымліваецца ў пладах слівы; перагонка алкаголю з бражкі, вытрымка атрыманай гарэлкі. 1. Для зброджвання бяруць дробныя, пашкоджаныя, пераспелыя, расціснутыя плады, словам, тыя, якія не прыгодны для лепшага выкарыстання. Нават чарвівыя плады не выключэнне, таму што вусені і лічынкі ў час браджэння ўсплываюць на паверхню і іх можна лёгка сабраць. А вось плады гнілыя, цвілыя браць не трэба, яны нясуць шкодны пачатак ў браджэнне. Перад пачаткам зброджвання сабраным пладам слівы даюць даспець у кошыках, вёдрах або проста кучах. У гэты час адбываецца размнажэнне дражджэй, якія жывуць на паверхні пладоў і садзейнічаюць хуткаму і паспяховаму браджэнню. Потым плады тым ці іншым чынам размінаюць (драбілкай, таўкачом або і проста рукамі). Атрыманую пладовую масу (сусла) зліваюць для браджэння ў бочку, чан, шкляны або гліняны посуд, гледзячы ад колькасці Каб пазбегнуць выцякання сусла пры браджэнні, посуд напаўняюць на 3/4 ад агульнага аб'ёму. Найлепшая тэмпература для браджэння — 20—23°. Каб забяслечыць выхад вутлекіслага газу з брадзільных пасудзін у час бурнага браджэння, ’іх нельга вельмі шчыльна затыкаць ці закупорваць. Калі пройдзе ад пачатку браджэння 6, а пры халаднаватым надвор'і 7—8 тыдняў, браджэнне можна лічыць закончаным, аб чым таксама сведчыць спыненне выдзялення вуглекіслага газу. На гэтым этапе адброджанае сусла можна працадзіць і атрыманым сокам карыстацца як слабаалкагольным напіткам. Аледоўгазахоўвацца такі напітак не здольны і праз 3—4 месяцы закісне, таму яго трэба захоўваць у халодным памяшканні. Для лрыгатавання высокаякаснай моцнай слівовіцы адбрадзіўшае сусла трэба перагнаць на спірт. У гэтым выпадку неабходна мець спецыяльнае абсталяванне, галоўнымі часткамі якога з'яўляюцца перагонны куб, якІ грэюць на агні, і халадзільнік са змеевіком. У куб наліваюць бражку да 2/3 яго вышыні, каб засталося дастаткова месца для кіпення. У пачатку перагонкі атрымліваецца вадкасць, багатая лятучымі рэчывамі, але бедная алкаголем і вадзяністая — гэта адгон. Па меры прагравання бражкі адгон становіцца больш багатым на алкаголь, а на канец перагонкі вадкасць пачынае мутнець, што з’яўляецца прыкметай наяўнасці сівухі. На гэтым этапе атрыманы напітак таксама можна ўжываць, але гэта яшчэ несапраўдная слівовіца... Каб атрымаць высокаякасны напітак, трэба паўторная перагонка. Пасля такой перагонкі атрымліваецца пякучая вадкасць, якая не мае колеру і вельмі мала нагадвае смак сліў. Толькі паслядоўгай вытрымкі яна становіцца мяккай і атрымлівае ўласцівы толькі ёй смак. Настойваюць напітак у залежнасці ад густу гаспадара. ЗМ ECT Уводзіны 3 Відавы склад слівы 4 Марфалагічныя і біялагічныя асаблівасці слівы 6 Корань (8). Ствол (9). Ліст (10). Адносіны слівы да ўмоў навакольнага асяроддзя ...... 12 Сарты слівы 15 Ачакаўская жоўтая (15). 'Беларуская (15). Венгерка данецкая ранняя (Данецкая ранняя). (16). Венгерка звычайная (16). Венгерка італьянская (17). Вікторыя (17). Віцебская позняя (18). Волжская прыгажуня (18). Еўразія 21 (19) Кромань (19). Мясцовая чырвоная (20). Мінская (20). Мірная (20). Нарач (21). Пердрыгон (21). Персікавая (Іерусалімская) (22), Рэнклод Альтана (22), Рэнклод зялёны (22). Ранняя Лошыцкая (22). Стаханаўка (23). Стэнлі (Станлей) (23). Эдынбургская (24). Сарты алычы 24 Ветразь (24). Камета (Камета кубанская) (25). Мара (25). Найдзёна (25). Рубінавая (26). Скараплодная (26) Вырошчванне саджанцаў слівы 26 Размнажэнне слівы каранёвымі парасткамі 1 атожылкамі (27). Размнажэнне прышчапленнем (28) Падрыхтоўка глебы і пасадка слівавага саду 32 Абрззка слівы і фарміраванне кроны 34 Укарочванне (35). Прарэджванне (36) Тэхніка абрэзкі 37 Абрэзка саджанцаў пасля пасадкі 39 Абрэзка маладых дрэўцаў 41 Абрэзка ў фазе плоданашэння 41 Угнаенне дрэў слівы 43 Арганічныя ўгнаенні (43). Мінеральныя ўгнаенні (44). Як вызначыць патрэбу сліў у пажыўных рэчывах па знедінім выглядзе? 45 Калі і як паліваць слівы? 47 Агульнае паняцце аб хваробах і шкодніках слівы 48 Хваробы слівы і меры барацьбы з імі 51 Дзіркавая плямістасць (клесцераспарыёз) (51). Маніліяльны апёк (шзрая гніль) (51). Кішэнькі слівы (52). Млечны бляск (52). Камедзецячэнне (52) Шкоднікі слівы і меры барацьбы з імі 53 Буры пладовы клешч (53). Казарка (53). Кольчаты шаўкапрад (53). Разанная ліставёртка (54). Слівавая тля (54). Слівавая пладажэрка (54). Слівавы пілільшчык (55) Хатняя перапрацоўка пладоў слівы 58 Кампоты са сліў (58). Марынаванне сліў (58). Варэнне са сліў (59). Слівавае пюрэ (слівавы сок з мякаццю) (59). Мармелад са сліў (60). Канфіцюр са сліў і яблыкаў (60). Жэле са сліў (60). Сушэнне слІў (61). Стравы са сліў (61)