КНІГІ ОНЛАЙН
Пошук сярод кніг, што прайшлі індэксацыю гуглам. Некаторыя кнігі гугл не знаходзіць
КАРЫСЛІВЫ // КАРЫСНЫ Карыслівы. Які мае на ўвазе выгаду, карысць, заснаваны на карысці; які імкнецца да асабістай выгады, карысці. Мне гаварылі, што хлопцы ў групе недалюблівалі яго Ka- рыслівы ён чалавек. Прыхільны толькі да таго, ад каго можа нешта мець сабе. А. Марціновіч. Карысны. Які прыносіць карысць. — Я думаю, скончыўшы рабфак, падавацца ва універсітэт. Трэба добра павучыцца, каб быць карысным у жыцці. ЯКолас. КАРЭЙКА // КАРЭЯНКА Карэйка. Свіная або цялячая грудзінка спецыяльнага прыгатавання. Хоць ён і не любіў свініны, але карэйка халоднага капчэння яму падабалася, і ён часта браў яе сабе на снеданне. ЛіМ. Карэянка. Прадстаўніца народа, які складае асноўнае насельніцтва Карэі. Як і многія жанчыны Усходу, карэянкі прызвычаены пераносіць на галаве значны цяжар. Звязда. КАРЭКТАРСКІ // КАРЭКТНЫ // КАРЭКТУРНЫ Карэктарскі. Які мае адносіны да карэктара. Але праз два гады цяжкія ўмовы прымусілі яго [Караленку] пакінуць інстытут і заняцца карэктарскай работай. Беларусь. Карэктны. Тактоўны ў абыходжанні з людзьмі. С і н о н і м ы: ветлівы, далікатны. Акуратны, карэктны, працавіты, ён бездакорна выконваў свае службовыя абавязкі. /. Новікаў. Карэктўрны. Які мае адносіны да карэктуры. Верагодна, ён [Багушэвіч] не меў магчымасці зрабіць карэктурныя праўкі, і гэта з'яўляецца адной з прычын пэўнай арфаграфічнай непаслядоўнасці. /. Крамко. КАРЭТАЧНЫ // КАРЭТНЫ Карэтачны. Які мае адносіны да карэткі — рухомай часткі некаторых машын, механізмаў, апаратаў. Карэтачны валік пішучай машынкі. Карэтны. Які мае адносіны да карэты — коннага экіпажа на рысорах. Карэтныя колы. Карэтныя рысоры. КАСМАГОНІЯ // КАСМАЛОГІЯ Касмагбнія. Навука аб паходжанні, развіцці нябесных цел і іх сістэм. Аддзел астраноміі, які займаецца пытаннямі паходжання і развіцця нябесных цел, называецца касмагоніяй. Астраномія. Касмалогія. Вучэнне пра Сусвет як пра адзінае цэлае. Касмалогія развівалася як аддзел астраноміі; сучасная касмалогія выкарыстоўвае таксама агульныя палажэнні фізікі, астрафізікі, філасофіі. БелСЭ. КАСМЕТЫЧНЫ // КАСМІЧНЫ Касметычны. Які мае адносіны да касметыкі — сродкаў для надання свежасці і прыгажосці твару, целу. Па тэлефоне Фінця Паўлаўна дазналася, што ў Маскве ёсць інстытут касметычнай медыцыны. /. Грамовіч. Касмічны. Які мае адносіны да космасу, звязаны з яго асваеннем. I спадарожнік каля зор, у той касмічнай далечы, звініць, шуміць на ўвесь прастор, Зямлі сваёй сігналячы. Г. Кляўко. КАСТЛЯВЫ // КАСЦЯВЫ // КАСЦЯНЫ // // КАСЦІСТЫ // косны' / косны2 Кастлявы. Схуднелы, высахлы, з выступаючымі касцямі; сухарлявы. Бабцы было гадоў пад дзевяноста. У твары і ў кастлявых руках ні крывінкі, вочы выцвілі, высахлі. М. Лобан. Касцявы. Які мае адносіны да косці; з касцей. У ніжэйшых пазваночных шкілет храстковы, у вышэйшых і чалавека пераважна касцявы. Звязда. Касцяны. 1. Выраблены з косці. Сярод простай мэблі кідалася ў вочы толькі вялізная старасвецкая канапа, палічка якой была ўстаўлена касцянымі слонікамі рознай велічыні і пакрыта вышыванымі сурвэткамі. М. Ваданосаў. 2. Атрыманы, здабыты з касцей жывёлы. У якасці змазкі прымяняюцца мінеральныя маслы, вырабляемыя з нафты, касторавае масла (для змазкі матораў самалётаў), кедравае і касцяное масла. Курс фізікі. Касцісты. 1. 3 шырокімі, буйнымі касцямі, якія прыметна выступаюць. Праз якую гадзіну ён ужо ў прыцемках сядзеў і гаварыў з худым касцістым, можа, сямідзесяцігадовым старым. I. Чыгрынаў. 2. 3 мноствам дробных касцей (звычайна пра рыбу). Акуні і плоткі — дробная касцістая рыба, і таму ў культурных вадаёмах іх не разводзяць. П. Рунец. Косны'. Схільны да ўсяго прывычнага; неўспрымальны да новага, перадавога; адсталы. Нашай літаратуры не хапае гнеўнага, вострасатырычнага слова, вялікай нянавісці да недахопаў. да ўсяго гнілога і коснага, пошлага і дробязнага. Д. Палітьжа. Косны2. Тое, што і касцявы. Косныя хваробы. Коснае рэчыва. Косны клей. КАСЦЮМЕРНЫ // КАСЦЮМІРАВАНЫ // КАСЦЮМНЫ Касцюмёрны. Які мае адносіны да тэатральных і маскарадных касцюмаў, да іх вырабу і захоўвання. Якраз на гэтым месцы быў некалі касцюмерны магазін, у якім артысты і падбіралі сабе касцюмы. ЛіМ. Касцюміраваны. Адзеты ў маскарадны або тэатральны касцюм. Усе ўдзельнікі вечара каснюміраваныя і таму ўрачыстыя, святочныя, але як быццам бы нейкія незнаёмыя, чужыя. ЛіМ. Касцюмны. Які мае адносіны да касцюма, прызначаны для яго. Добрыя касцюмныя тканіны з натуральнай шэрсці і сінтэтычных матэрыялаў вырабляюцца на Мінскім камвольным камбінаце. Звязда. КАШАМІРАВЫ / КАШМІРАВЫ / КАШМІРОВЫ // КАШМІРСКІ КашамІравы. Тое, што і кашміровы. Цёмная, завязаная пад бараду кашаміравая хустка з чырвонымі кветкамі па ёй была насунута нізка на лоб, як не на самыя вочы, і ад гэтага Пёклін твар здаваўся яшчэ больш худым і цёмным, нават чорным. Я. Сіпакоу. Кашм'іравы. Тое, што і кашміровы. Кашміравая хустка. Кашміравая сукенка. Кашміровы. Зроблены з кашміру — тонкай мяккай тканіны (звычайна шарсцяной). Маці была захутана чорнай кашміровай хусткай і хавала позірк ад дачкі. /. Грамовіч. Кашмірскі. Які мае адносіны да індыйскага штата Кашміра, да кашмірца. Кашмірскі народ. Кашмірскія звычаі. КВАДРА // КВАРТА Квадра. Адна з чатырох фаз месяца (маладзік, сход, поўня, ветах). У Верамейках сонца гэтае бачылі адны лічаныя хвіліны. але надзея на перамену надвор’я была ўжо — як і заўсёды, з надыходам новай квадры. /. Чыгрынаў. Кварта. Даўнейшая мера вадкіх і сыпкіх рэчываў (крыху менш за літр). Гаспадыня ўвайшла ў хату спакойная і ласкавая, наліла яму вялікую кварту малака, накроіла сала, і ён, памятае, адчуў нешта вельмі ўдзячнае да яе. В. Быкаў. КВАДРАНТ // КВАДРАТ Квадрант. 1. Чацвёртая частка круга. Возьмем цяпер поўны круг і правядзём у ім гарызантальны і вертыкальны дыяметры. Гэтыя дыяметры падзеляць круг на чатыры чвэрці (квадранты). Геаметрыя. 2 . Прыстасаванне для наводкі артылерыйскіх гармат; старажытны астранамічны інструмент. Квадрант — прылада для вертыкальнай наводкі гарматы паводле зададзенага вугла ўзвышэння. БелСЭ. Квадрат. 1. Роўнастаронні прамавугольнік; усё, што мае такую форму. 3 гарышча праз аконца віднеўся сіні квадрат неба. В. Хомчанк.а. 2 . Здабытак ад памнажэння пэўнага ліку на самога сябе. Квадрат адмоўнага ліку ёсць лік дадатны. Алгебра. КВАКАННЕ //КВАКТАННЕ/КВАХТАННЕ Кваканне. Гучанне, падобнае на «ква-ква» (звычайна пра лягушак). Мы падышлі да белых парэнчаў на мастках рэчкі, якой амаль зусім не было відаць. Праўда, яна адчувалася ў ціхім плёскаце вады аб берагі ды ў журботным кваканні жаб. Я. Рамановіч. Квактанне. Кароткае адрывістае гучанне (пра курыц-квактух і некаторых іншых птушак). Нечакана з-пад куста моцна залопалі крылы, і проста да ранішняга сонца з квактаннем кінулася матка-цяцерка ЯЦіхановіч. Квахтанне. Тое, што квактанне. Падыходзячы да сасняку, мы пачулі квахтанне глушцоў, пачулі, як яны пералятаюць з месца на месца — верныя адзнакі такавішча. А. Гавеман. КВАКВА // КВАКТУХА / КВАХТУХА // КВАКША Кваква. Птушка сямейства чаплевых з кароткімі нагамі і чубком на галаве. Чорнагаловая кваква. Квактўха. Курыца, якая выседжвае або водзіць куранят Чутна — дзесьці куранят кліча позняя квактуха. М. Калачынскі. Квахтўха. Тое, што квактуха. Чуўся ўстрывожаны голас квахтухі — яна збірала куранят. Квакша. Лягушка, якая жыве пераважна на дрэвах. 3 паўзуноў неабходна назваць вераценніцу, балотную чарапаху, а з амфібій — квакшу, трытона грабенчатага і некаторых іншых. В. Дзяменцьеў. КВАЛІФІКАВАНЫ // КВАЛІФІКАЦЫЙНЫ Кваліфікаваны. Які мае спецыяльныя веды, навыкі; з высокай кваліфікацыяй; умелы, вопытны. Заслонаў скардзіўся на адсутнасць металу, на тое, што не хапае кваліфікаваных рабочых. М. Лынькоў. Кваліфікацыйны. Які вызначае, устанаўлівае кваліфікацыю — ступень годнасці, падрыхтаванасці да якой-н. работы. Пасля выпускных кваліфікацыйных экзаменаў па добрай традыцыі праводзіцца свята працоўнага абраду — урачыстае пасвячэнне ў рабочыя. Звязда. КВЕТАЧНЫ // КВЕТКАВЫ // КВЕТНІКАВЫ // КВЯЦІСТЫ Квётачны. Прыгатаваны з кветак. Кветачны адэкалон. Кветачная эсенцыя. Квёткавы. 1. Які мае адносіны да кветкі, кветак. Кветкавы пыл лёгка распыляецца ў паветры. КЦіміразеў. 2. Прызначаны для кветак. На лаўках, што стаяць пасярэдзіне вуліцы, навокал кветкавай клумбы, групкамі сядзяць людзі з кнігамі. П. Пестрак. Квётнікавы. Які мае адносіны да кветніка. У Матруны кветнікавы ўчастак зусім маленькі, але ж так дагледжаны, што гладыёлусаў на ім заўсёды больш, чым у суседак. Звязда. Квяцісты. 1. 3 вялікай колькасцю кветак; пакрыты, усеяны кветкамі. Люблю лугі квяцістыя, як закрасуе май, палеткі залацістыя, цябе, мой родны край. А. Русак. 2. 3 узорам у кветкі; яркі, каляровы. Дзяўчаты стаялі асобнай купкай у яркіх квяцістых плаццях. А. Асіпенка. 3. перан. Залішне напышлівы, занадта ўпрыгожаны (пра мову, стыль і г. д.). Атрымаўся верш квяцісты, як і тая вясна, што нарадзіла яго. А. Асіпенка. КЛАВІР // КЛАВІШ / КЛАВІША // КЛАВІЯТУРА Клавір. 1. Агульная назва ўсіх струнных клавішных інструментаў: клавікордаў, клавесіна, раяля, піяніна і інш. — Гэта толькі клавір, а як мая сімфонія будзе выконвацца аркестрам, тады і дзіцё зразумее. 3. Бядуля. 2. Пералажэнне опернага ці сімфанічнага твора для спявання ў суправаджэнні фартэпіяна або для выканання на фартэпіяна. У музыцы, у музыкантаў, кампазітараў шмат праблем. Галоўнае — выданне клавіраў, партытур, твораў кампазітараў мінулага. /. Лучанок. Клавіш. Пласцінка ў музычным інструменце (фартэпіяна, баяне і інш.), якую націскаюць для атрымання гуку. Рука які ўжо раз цягнецца да клавіша магнітафона. Т. Бондар. Клавіша. тое, што і клавіш. Твае лёгкія пальцы не кранаюць клавішаў. Яны лунаюць над імі. Г. Ланеўская. Клавіятўра. Сукупнасць усіх клавішаў. Праз хвіліну дзяўчына-тэлеграфістка спрытнымі пальцамі шпарка пачала стукаць па клавіятуры апарата. Беларусь. КЛАСАВЫ // КЛАСІЧНЫ // КЛАСНЫ Класавы. Які мае адносіны да грамадскіх класаў. Класавыя інтарэсы. Класавыя супярэчнасці. Класічны. 1. Створаны класікам; узорны, дасканалы. Авалоданне класічнай спадчынай мела важнае значэнне для развіцця самабытнага таленту Коласа. Л. Фіглоуская.