Старажытная беларуская літаратура
Выдавец: Юнацтва
Памер: 350с.
Мінск 1990
Сице же ей учащи всегда, беспрестани, яко чадолюбивая дѣтем своим, любовь показующи.
Мы ж, братие, напред лѣжащее возвратимся. Выдѣвши же преподобная Еуфросиниа монастырь свой украшен, всего блага исполнен, и умысли создати вторую церковь каменую же святѣй богородици*. И тую совершивши, иконома украсив и освятивши, дасть ю мнихом. И бысть монастырь велик.
И видѣвши устроена два монастыря превелика зѣло и пребогата, и рече в себѣ: «Слава тобѣ, боже! Слава тобѣ, владыко! Благодарю тя, вышний! Что есми восхотѣла, то ми еси дал. Скончал еси желание сердца моего, господи». И рече: «Помилуй мя, господи, даруй прошение мое да конца: да бых видѣла пречистую богородицу Одигитрие в сей церкви!»
И посла слугу своего Михаила в Царьград ко царю, нарицаемому Мануилу*, и к патриарху Луцѣ* с дары многоцѣнными, просящи от него святѣй богородици, еже бѣ евангелист Лука написал 3 иконы еще при животѣ святѣй богородици и постави: едину во Иерусалимѣ, другую во Цариграде, а третюю во Ефесѣ. Она же со тщанием прошаше Ефѣскиа святѣй богородици. Видѣвши же царь любов яе посла ефесеном 100 оружник своих и принесе святую богородицу в Царьград. Патриарх Лука собра епископы и соборы вся во святую Софию и благослови ю, и дасть ю слузѣ преподобныя Еуфросинии. Ю же с радостию приат и принесе госпоже своей Еуфросинии. Она ж, внесше в церковь святѣй богородици и постави ю*. И воздевши руцѣ, и рече: «Слава ти, господи! Слава тебѣ, еще реку! Слава тобѣ,
61
владыко, сподобивый мя видѣти во днешний день образ пречистыя матери твоея!» И се рекши, украси ю златом и камением многоцѣнным. И устави вся во вторник носити по святым церквам.
И украсивши всю землю Полодцую (с)воим монастырем, и видѣвши яко просвѣти бог монастырь ея, вожделѣвши, рече: «Дабы ми доити град Иерусалима, поклонитися гробу твоему, господи, и всѣм святым мѣстом и цѣловати и тамо живот свой скончати! Видѣвши же стадо божественых овец совокупленых множество и радовашеся им, яко своему спасению».
На всяк же день учаше сестры своа: старыя же учаше тръпѣнию и воздръжанию, юныя же учаше чистотѣ душевней и бестрастию телесному, говѣнию образному, ступанию кротку, гласу смирену, слову благочестну, ядению и питию безмолвну, при старѣйших молчати, мудрѣйших послушати, ко старѣйшим покорѣнием, к точным и меншим любовь без лицѣмериа, мало вѣщати, а много разумѣти.
Дан бяше таков дар Еуфросинии от бога: аще кто ея вопрошаше о которой вѣщи, она же ему разрѣшаше чему есть быти. А кто ея послушаше, тот добро послушаше; ни хотяше бо видѣти никого же которающася: ни князя со князем, ни бояри с боярином, ни служанина служанином,— но всѣх хотяше имѣти, яко едину душю.
И посла по всей братии своей, повѣдающи им мысль свою, оже восхотѣ итить во Иерусалим. Они ж, слышавше вѣсть сию, с жалостию многою сьѣхашась от всюду ко блаженой Еуфросинии, и моляхуть ея со слезами, дабы их не оставила сиры. Она же их утѣшаше благым своим смыслом, яко мати дѣти своя любяще.
И любим ей брат, нарѣцаемый Вечеслав, и приѣха к сестрѣ своей Ефросинии со княгинею и з детьми своими, пришед поклонись ей и рече: «Госпоже моя! Мати и сестро! Что оставляеши мя, правителю души моей, свѣте очию моею?!» Горко ему плачющуся, блаженая же Ефросиниа повелѣ ему итить идѣ же обитал, дѣти же его повелѣ оставити сестре своей Евдокѣи.
Дан бысть дар блаженой Ефросинии от бога: аще кого узрит очима своима, то разумѣваше в коем человецѣ сосуд избран хощеть быти богови.
Тогда же блаженая Ефросиниа, видѣвши братанѣ свои, и рече има: «Хощу ваю обручити жениху бесмертному и вовѣсти ваю в черътог царства небеснаго». Онѣма же послушающима усладися душа ею, паче сота медвена, словесем преблаженая Ефросини. И падосте на ногу ея, и гла
62
голаста к ней: «Воля господня да будет, и твоя, госпоже, святая молитва! Да яко хощеши и створи нама, госпоже!» Преподобная же Ефросиниа с радостию и с поспѣшением призва брата своего и рече ему: «Аз хощу пострищи Кираанну и Ольгу». Тако бѣста нарѣкла родителя. Смятежеся отець ею о словеси сем и рече: «Госпоже моя! Что ми хощеши сотворити? Два плача прилагаеши души моей: плача ся отхода твоего и сѣтуя чаду дѣля своею». Мати же ея жалостию терзашеся.
Блаженая же Ефросиниа, пославши, призва епископа, тогда стол правящаго святѣй Софии, нарицаемаго Деонисиа. И введше в церковь и нарече Кирѣаннѣ — Агафия, а Ольгу — Еуфимя. И благослови ю благословением святых отець. Сама же блаженая Ефросиниа, положивши великий наряд свой обѣма манастырема со братиею и с сестрами, и дасть дръжати и урядити сестрѣ своей Евдокѣи оба манастыря.
Сама же блажена, поклонившися у святого Спаса и у святыя богородица, и рече: «Ты, господисердцевидче! Се оставлю дом твой и не затворен никому же. И ты, господи, не затвори от нас твоего царствиа!»
И тако поиде во Иерусалим, поимше с собою брата своего Давыда и сестру свою Евпраксѣю. Вся же братиа ея плакахуся горко отхода ради госпожа своея. И вси гражане выидоша проводити ю. Старии же плакахуся, яко дщери, рекуще: «Увы нам, вожю старости нашея, просвѣщение души нашей!» Юнии же глаголяху: «Камо заходити свѣте очию нашею? Кто нашю юность восхластить воздержание юности нашея? Не оставляй нас сирых! Но в молитвах своих не забывай нас яже к богу!» Она же, поцѣловавши всѣх и благослави, и возрѣвши на небо, и рече: «Ты, господисердцевидче, ходивый со Аврамом, иди с нами, с рабы твоими, со Ефросинею и со Давыдом и со Евпраксѣею!» И тако поидоша вси сущии с нею.
О дивное чюдо! Не бывавши нигдѣ же: ни в коей странѣ, ни во граде, ни в селѣ, нынѣ же, вземши мужескую крѣпость и премину вся грады и власти, приимающи от всѣх князей честь велику! И тако прешедши вся страны. И стрете ю царь, идый на угры. И с великою честью посла ю в Царьград.
Она же, пришедши, поклонися святым церквам, и ту сущей великой церкви святой Софии, поклонившися и благословившися от патриарха. И купи различные фимяны и кацию злату. И поклонившися церкви, иде во Иерусалим.
И посла слугу своего Михаила тогда сущему патриарху,
63
глаголящи: «Владыко святый! Сотвори милость на мнѣ! Повели, да отвръзутся врата Христова!» Он же по вопрошению ея быти и отворити повелѣ. И пришедши ко вратом, паде на землю, глаголющи: «Господи, Исусе Христе! Не вмени сего во грѣх, занеже изволих по стопам твоим ходити!»
И внидох во святый град. И иде ко гробу господню. И пришедши поклонися и цѣлова гроб господень. И сущии с нею цѣловаша. И покадивши гроб господень златою кацѣею и многоразличными фимианы, и изыде. Обита во святѣй богородици в руском монастыри. Во утрие день иде второе ко гробу господню. Тако ж сотвори, поклонившись и цѣловавши и покадивши, изыде. И во 3 день то ж сотвори, давши злата много, и поставивши кацѣю злату на гробѣ и много различныя фимианы. И ставши у гроба господня, и воздѣвши руцѣ на небо, и воздохнувши из глубины сердца, глаголящи: «Господи, Исусе Христе, сыне божий и рожейся от присно девы Мариа! Спасениа ради нашего рекл еси: «просите и приимете». Аз грѣшная его просих и получих от тебѣ, владыко. Се же еще прошю от тебѣ, владыко, господи, милостиве: да скончаю мѣсто прошениа моего, приими дух мой от мене во святом градѣ твоем Иерусалимѣ, и пресели мя в вьшіний град твой во Иерусалим, и покой мя на лонѣ Авраама патриарха со всѣми угожешими! Аминь». И сице ей глаголавши, изыде во иже реченную церковь святыя богородица, игдѣ бѣ обитала.
Ту же посѣщением божиим в недуг впаде: нача болѣти. И лежащи на ложи своем глаголаще: «Слава тобѣ, владыко! Яко восхотѣ и сотвори на мнѣ, рабѣ твоей!» Тоя же ради болѣзни не может ити на Иордан, иде брат ея Давыд и сестра ея Евпраксѣя и сущии с нею. Она же лежащи на ложи, хвалящи бога глаголющи: «Господи, призри на рабу твою, Еуфросинию, и помилуй мя!» И приидоша бывшии на Йорданѣ, и принесоша воды от Йордана. Она же с радостию, воставши и пивши, и облиася по всему тѣлу своему, возлеже на ложи и рече: «Благословен господь бог, просвѣщая всякаго человѣка, грядущаго в мир! Тебѣ молю, человеколюбивому богу, ревнующи Петрову покаянию, во отверьжении отчая в себѣ плакась горко. Господи, прими того покаяние! Приими мене, недостойную рабу твою, Ефросинию, молящуся на супротивника моего дьявола! Да не возглаголет ми ничто же на страшнѣм судѣ твоем пред тобою, господи, злый раб, воступих ногама своима на змиеву его голову! И супротивихся
64
окаяннѣи, его дерзости, надѣющись на твое человеколюбие, господи!»
И услыша бог молитву ея. И посла ангела своего. И глагола к ней: «О, блажена ты в женах, и благославен труд твой! И се уже отвръзоша ти двери породныя. И вси ангели собрашась дръжаще свѣща, чающѣ твоего срѣтениа; а дар, его же просиши у бога, дасть ти ся». И се рек ангел к ней, отиде от нея.
Блаженая Ефросиниа возрадовась душею и скоро посла в лавру, глаголющи: «Се уже приспѣ ми время; да уже мя бог покоить. Приимите мя, да бых легла во церкви святаго Савы!»
Они же отвѣщаша к ней ту сущии черньци: «Имѣем запрещение от святого Савы, оже жены не приимати никоея же. На се ти есть монастырь Святая богородица общий. В нем же лежать о жены святыя милости святого Савы, милости святого Феодосиа, милости святых безмездника Козмы и Дамяна, именем Феодотиа и инии мнозии святии. Ту и тебѣ подобает лещи».
Приѣхав посол ея и возвѣсти преподобной Еуфросинии. Она же всѣм тѣм похвали бога и, пославши, купи себѣ гроб в комарѣ святыя богородица, и лежа дней 24. И познась при скончании и рече: «Призовите ми прозвитера, да ми дасть причащение. Уже бо звата и близ предостоить. Ждый повеления владычня». И приде прозвитер, нося причастие. Она же, воставши и поклонися трижды и приимши пречистое тѣло, тако возлѣже. И предасть душю свою в руцѣ бога жива месяца мая в 24 день, и иде в покой небесный.
Ким убо языком достоить нам похвалити, братие, свѣтозарную память преблаженныя невѣсты Христовы — Ефросинии?! Бяше бо помощьница обидемым, скръбящим утѣшѣнием, нагим одѣяние, больным посѣщение, просторищѣ всѣм. Всяка бысть Ефросиниа, убо сердце свое напокаяше божия премудрости, Еуфросиниа — неувѣдающий цвѣт райскаго сада! Еуфросиниа — небопарный орел, попаривши от Запада и до Востока, яко луна солнечная, просвѣтивши всю землю полоцкую! Тѣм же, братие, хвалится Селун Дмитрием, а Вышегород мученикы. А мы же хвалим блажен еси ты граде Полоцкий, таковую лѣторасль возрастивый,— преподобную Еуфросинию! Блажени людпе, живущии в нем! Блажени родители твои! Блажена утроба, от нея же изыде преподобная Еуфросиниа! Блажено рожество ея! Блажено воспитание ея! Блажен возраст твой, Еуфросиние достохвалная! Блажен труд твой и подвизи яже
КНІГІ ОНЛАЙН
