Старажытная беларуская літаратура
Выдавец: Юнацтва
Памер: 350с.
Мінск 1990
Егда устраяшеся в священчьскый сан, образ же и подобье на Великого Василья: черну браду таку имѣя, плешиву развѣ имѣя главу. Но не зазрите ми, братье, моей грубости, не лжа бо си глаголю, или какою хытростью или мудростью, но многых ради, иже его не видѣша и не слышаша, и въспоминаю господа, глаголюща: «Рабе лѣнивый и лукавый, подобааше ти дати сребро мое купцем, да аз бых на пих взял с лихвою!» Тем, бояся сего осуждениа, сия написаю, да сего псслушавше, прославим бога, давшсго сию благодать и помощь граду Смоленьску, блаженаго Авраамья...
70
Видя же себе сотона побѣжена Христовою силою от святаго, яко являашеся ему овогда в нощи, овогда в день, устрашая и прѣтя, яко огнь освѣщаа и в нощи, яко мнозѣм еще не спящим с ним, да овогда стужая, ово являйся в мнозех мечтаниих, яко и до стропа, и пакы яко лев нападая, яко звѣрие лютии устрашающе, другое яко воини нападающе и сѣкуще, иногда и с одра и смешуще. А егда от сна въстаяше блаженый, по малу сна укусив от злых окаянных бѣсовьскых мечтов, и в день болѣ ему о семь стужающе, тѣм же ово собою, ово в жены бестудныя прѣображающеся, то же, яко о великом Антонии пишется. Видя господь силу неприязнину и его злобу на ны, не попусти вся воли его... И сими блаженаго всѣми искусив сатана и не одолѣв, богу помогающу, и ту крамолу нань въздвиже, яко же и при господи бысть...
И вшед сотона в сердце бесчинных, въздвиже нань: и начата овии клеветати епископу, инии жу хулити и досажати, овии еретика нарицати, а инии глаголаху нань — глубинныя книги почитаеть, инии же к женам прикладающе, попове же знающе и глаголяще: «уже наши дети вся обратил есть», друзии же пророком нарицающе и ина же многа нань вѣщания глаголюще, их же блаженый чюжь; истинною реку тако, никто же аще бы не глаголя на блаженаго Авраамиа в граде, но диавол о сем радоваашеся, а блаженый все, радуйся, терпяше о господи. Събраша же ся вси от мала и до велика весь град нань, инии глаголють заточити, а инии к стѣнѣ ту пригвоздити и зажещи, а друзии потопити и, проведше въсквозѣ град. Всѣм же собравшимся на двор владычень, игуменом же и попом и черньцем, князем и боляром, диакони и вси церковници, внегда послаша по блаженаго, уже всѣм собравшимся, посланыя же слугы, емше, яко злодѣа влачяху, овии ругахуся ему, инии же насмихаахуся ему и бесчинная словеса кыдающе, и весь град и по торгу и по улицам — вездѣ полна народа, и мужи же глаголю, и жены и дѣти, и бѣ позор тяжек видѣти. Блаженый же бѣ яко птица ят руками, не умѣа, что глаголати или что отвѣщати, но едино упование имѣа к богу и к нему моляся от такоя избавитися печали и в собѣ въспоминая страсть господа нашего Исуса Христа, яко вся си претерпѣ нашего ради спасениа, и за них моляся: «Господи, не постави им грѣха и не попусти на раба твоего предатися в руцѣ их, но укроти и запрѣти, яко же пред ученикы на мори вѣтру повелѣ умолкнути». Яко же и бысть. Князю бо и властелем умягьчи бог сердце; игуменом же и ереом, аще бы мощно, жива его пожрети.
71
Ведому же ему на снем, явися господь в то время преподобному Луцѣ Прусину у церькви честнаго архангела Михаила. Стоящу ему на молитвѣ в 9 час, и глас бысть ему, глаголющь, яко «се возводятъ блаженаго моего угодника на снем с двѣма ученикома, истязати хотятъ, ты же о немъ никако не съблазнися».
И глаголаше блаженый Лука на снимающихся на блаженаго Авраамия и на уничижающих его: «много бо бес правды хулящей и уничижаютъ, но да быша грѣси его на мнѣ были! И вы слышасте, яко хотѣша сътворити преже сего не имуще страха божия и тации же безумнии и епископ и како хотѣша бес правды убити и. Иже и еще пророк зол и хула и клятва зла и гнѣв божий и за 30 лет пребысть и еще вы прибудетъ, аще ся того не покаете»...
Приведену же бывшу блаженому на суд, ничьто же нань вины не обрѣтающим, но бещину попом, яко волом, рыкающим, тако же и игуменом, князю же и велможам, не обрѣтающим такыя вины, но изискавше все, нѣсть неправды никоея же, но все лжуть, тогда яко единѣми усты: «неповинны да будем, владыко, рекуще к всѣм, еже таку нань крамолу въздвигнули есте, и неповинни есмы, иже нань глаголетѣ или что съвѣщаете како любо безаконно убийство!» И глаголюще: «благослови, отче, и прости, Аврамие!» И тако отъидоша в свояси.
Видѣвше же сия тако отъидоша и яко нѣсть им конца, в чем осудити и, и рѣша от епископа на се приготованным крѣпко стрѣщи и и блюсти и и ина два от ученик его, иже преподобному служаще добрѣ. Наутрия же събравшимся, игумени и ерей, и вины, яже преже глаголааху, укоривше, озлобивше, възложиша нань. И от того времене пакы вниде в монастырь, идѣ же бѣ преже остриглъся блаженый, яко не приемшу ему никоего зла. Се же от сего времене много зла пребысть...
...сбысться проповѣдь святую апостолу на крамольствовавших и на отгнавших святаго, да ови от епискуп напрасную смерть приимаху, иным же прыщые синиа по ногам бывааху, просѣдающеся, иному напрасен огнь, свыше сшед, руцѣ и нозѣ усуши, иному же нога обѣтрися и нача гнити и претираемѣи еи, яко от тоя и другой тот же врѣд прияти, и в три лѣта едва душю испусти, иному же язык яко затыка в устѣх бяше и в доску вписав, глаголаше свой грѣх, яко на святаго Иоана Златаустаго хулу глаголах; Евдоксию же лютый недуг порази, лоном бо еи кровь грядяше и потом бысть смрад и черви породи, и тако горкою смертию живот свой злѣ сконча. Ибо видѣти гнѣв божий, напрасно на них на
72
ходяй и многым мукам и смертей предай тяжко... Скоро на сих бысть, да овии от игумен, инии же от попов напрасную смерть приимаху, яко вѣдущеи бывше в сонмѣ, на блажѣнаго тужааху и припадааху ему на ногу, прощениа просяще, а не бывше на сонмѣ радоваахуся. ...Бывшу же бездождью велику в градѣ, яко иссыхати земли и садом и нивам и всему плоду земленому, яко нѣ за колко бысть время всѣм тужащим, и молящим бога, и сам епископ, блаженый Игнатий с честным крилосом и с богобоязнивыми игумены и ерей и дьяконы и черноризци и с всѣм градом, мужи и женами и весь младый възраст, вкупѣ весь град, окрест ходяше с честным крестом и с иконою дръжащею господа и с честными святых мощьми, и с великым умилением и с слезами помиловати люди своя и послати милость свою на землю и отвратити гнѣв свой: «пусти, господи, дождь, одожди лице земли, молимся, святый». И кончавшим пост, крестом и святых мощьми воду освятивше, и отъидошо кождо въсвояси. И не бысть дождя на землю. И быша в печали велицѣ. Се же бысть от божия промышления. И хотя бог блаженаго Авраамиа объявити, нѣкоему помянути възложи на сердце бог, сушу иерею, яко, шед, помяну христолюбивому епископу Игнатию яже о блаженѣм Авраамии, глаголя сице: «Вси молихомся, не послуша нас бог. Кая вина така, яже на преподобнаго Авраамиа, яко лишен бысть божественыя литургиа? Егда и того ради бысть от бога казнь си?»
Тогда блаженый Игнатий въскорѣ посла по блаженаго Аврамия, и призвав и испытав, яко все лжа и оглаголание по зависти и злобѣ дияволи бысть, и прости и, глаголя: «и благослови, честный отче, за невѣдѣние мое се ти сътворих, и весь град благослови и прости послушавших лживых клеветник и оглаголник. И благослови пакы пречистую и честную литургию съвершати, и моли бога о градѣ и о всѣх людех, да помилуеть господь и подасть богатно дождь свой на земьлю».
И глагола блаженый к святителю: «Кто есмь аз грѣшный, да сице повѣлеваеши выше силы моея?» Но глагола: «Воля божиа, да будеть о всѣх нас! И ты преже о нас помолися, честный о святителю, о своем ти богопорученѣм избраннѣм святем стадѣ словесных овець».
Отшедше же блаженому и молящуся богу и глаголющо: «Услыши, боже, и спаси, владыко вседеръжителю, молитвами твоего святителя и всѣх иерей твоих и всѣх людий твоих, и отврати гнѣв твой от раб твоих и помилуй град сѣй и вся люди твоя и приими милостиве всѣх въздыхание и с
73
слезами молящих ти ся и пусти и одожди, напои лице земли, человѣкы и скоты възъвесели. Господи, услыши и помилуй!»
Еще преподобному не дошедшу своея кѣлия, одожди бог на землю дождь, яко славити бога всѣм и глаголати: «Слава тебѣ, господи, яко скоро послуша своего раба!» И бысть много радость в градѣ. И оттолѣ начата притѣкати в градѣ и вси глаголати, яко «Помилова бог, избави ны от всѣх бѣд твоими, господи отче, молитвами». И отселѣ болѣ просвѣтися по благодати Христовѣ...
По мнозѣ же времени ... епископ божиею волею тогда, призва единаго от своего честнаго крилоса перьваго от старѣйших протопопу, именем Георгий, глагола к нему о блаженѣм Авраамии, помянув, яко далече ему сушу града, скорбь ему велья, да призоветь и скоро. Скоро же блаженый прииде, по повѣлению епископа, и вшед сътвори поклонение, глаголя: «Благослови, владыко святый, раба твоего». Призва блаженаго Авраамиа епископ, утѣшая, глаголаше: «Како, отче, о господи пребываеши?» Оному же рекшу: «Ей, владыко святый, истинною молитвами твоими добре», и рече к нему епископ: «Хощу дати ти благословение, аще е приимеши». Отвещав блаженый, глаголаше: «Честно есть благословение яже нъ и дар». И глагола к нему епископ: «Се благословение: поручаю ти и даю пресвятые богородици дом; поиди, похваля бога и славя, и моли о всѣх». Блаженый же радовашеся и хваляше бота, таку даровавшаго благодать рабу своему молитвами святыя богородица...
И оттолѣ нача пребывати в первѣм подвизѣ и всѣм же притекающим с радостию великою, ибо велиа благодать божиа на градѣ, вся и веселящи и хранящи, избавляющи, тишину же и мир и всѣх благых на многа лѣта подающи, и еще не оскудѣти имать молитвами святыя богородица и преподобнаго ради Авраамия и всѣх святых его. ІІ оттолѣ прослави и господь болѣ, занеже злѣ блаженаго оскорбивше обращатися начата и приподати на ногу, просяще прощениа. Иже всѣми ненавидим быв, всѣми любим бысть, да иже преже бояхуся приити, то убо не боящеся, но радующеся приходяху, не точью гражане едини приходяху, но с женами и с дѣтьми, но и от князь и от вельможъ, работнии же и свободнии притекааху, вси своя грѣхы к нему исповѣдающи, и тако отхожааху, в домы своа радующеся...
Пребысть же блаженый в таковѣм подвизании вся дни лѣт живота своего, о сем бдя и моляся с въздыханием, многы же научив и наказав пребывати в добрѣм трудѣ, в бдѣнии же и в молитве, в терпѣшш же и смирении, в мило
КНІГІ ОНЛАЙН
