Старажытная беларуская літаратура
Выдавец: Юнацтва
Памер: 350с.
Мінск 1990
3—1909
65
к богу! Блажен монастырь твой! Блажени людие, живущии в монастырѣ святого Спаса и святыя богородица! Блажени людие, живущии в тебѣ, преблаженая невѣсто Христа, бога нашего! Молися к богу о стадѣ своем, иже еси совокупила ко господу, яко тому подобает всяка слава и честь и поклонение отцу и сыну и святому духу и нынѣ и присно.
Мѣсяца того же августа 21 день
ЖИТИЕ И ТЕРПѢНИЕ
ПРЕПОДОБНОГО ОТЦА НАШЕГО АВРАМЬЯ, ПРОСВѢТИВШАГОСЯ В ТЕРПѢНЬИ МНОЗЕ, НОВАГО ЧЮДОТВОРЦА В СВЯТЫЯ
ГРАДА СМОЛЕНЬСКА
Господи, благослови! ...молю ти ся, господи Исусе Христе, сыне божий, молитвами пресвятыя и пречистыя дѣвы матере и всѣх небесных сил и всѣх святых молбами, и дай же ми разум просвѣщен божиею благодатью, подаждь мнѣ, худому и грѣшнѣйшу паче всѣх, свѣтлый подвиг житиа и терпѣниа начати, еже о житьи блаженаго Аврамиа, бывшаго игумена монастыря сего святыя владычица нашея богородица, его же день успениа* нынѣ празднующи память чтем. Се же, братия, въспоминающу житие преподобнаго и не сушу написану, печалью по вся дни обдержим бых и моляхся богу: «Господи, сподоби мя вся по ряду писати о житьи богоноснаго отца нашего Авраамиа», да по нас сущии черноризци, приемше наказание и почитающе ти видѣша мужа доблѣсть, въсхвалят бога и, угодника его прославляющи, и на прочии подвиг укрѣпиться, паче же в странѣ сей, яко там мужь явися, угодник божий.
...Бѣ бо сей блаженый Авраамей от вѣрну родителю рождься, бѣста и та в законѣ господни добрѣ живуща благочестно. Бѣ же отець его всѣми чтим и любим, от князя честь приемля, бѣ бо воистину от всѣх опознай, яко и правдою украшен и многым в бѣдах помогая, милостив и тих к всѣм, к молитвѣ, ко церквам прилежа. Тако же и мати его всѣм благочестием украшена. Та же не яко не плоды бѣста: «двѣманадесять дщерем от нею рождьшимся, и не бѣ има отрачате. И се быть има от божиа строениа. Многым желанием моляста бога подати има отроча, многы же обѣты
66
и милостыня церквам и монастырем даюша,— и послуша ею бог и дасть има отроча. ...И свершившим же ся днем рождению, родиста блаженаго дѣтища, таче в осмый день принесоста к святителю божью, яко же обычай есть христианом, имя дѣтищу нарещи. Прозвитер же, видѣв дѣтища, сердечныма очима и благодатью божьего прозряше о нем, яко хощеть измлада богу датися. Таче минуша 40 дни дѣтищу, крещением освятиша и. Отрочя же ростяше и кормимо родителема своима, и благодать божиа бѣ с ним и дух божий измлада в онь вселися.
И егда же бѣ отрочатем Христовою благодатью в возраст смысла пришедшу, родителя же его даста и книгам учити. Не бо унывааше, яко и прочая дѣти, но скорым прилежанием извыче, к сему же на игры с инѣми не исхожааше, но на божественое и на церковное пѣние и почитание преже инѣх притекая, яко о сем родителема радоватися, а инѣм чюдитися таковому дѣтища разуму. Господня бо бѣ благодать на нем, просвѣщающи разум его и наставляющи на путь заповѣдей Христовых.
Егда же в болший възраст прииде, всею телесною красотою и добротою яко свѣт сияше, родителема же его к браку принужающим, но тъй сам не въсхотѣ, но паче поучив ею и наказав презрѣти и возненавидѣти житейскую сию славу, прелесть мира сего, и въсприяти мнишескый чин.
Тѣма же отшедшима житиа сего к богу, он же по велику обрадовася и дасть богу славу, тако изволшему; богатьство же, яже остависта родителя его, убогым раздаде, вдовицам и сиротам и черноризцем все, бояся и како бы бес печали всѣх земных отъити и наставити мысль свою к богу и утвержая и учася господню словеси, глаголющему: «и аще кто не възметь креста своего, не поидеть въслѣд мене, нѣсть мнѣ подобен». Богодухновенныя же книгы и святых житиа почитая и како бы их житиа и труды и подвиг въсприяти, изменися свѣтлых риз и в худыя ся облече и хожааше яко един от нищих и на уродство ся преложь и расмотряя и прося и моляся богу, како бы спастися и в кое мѣсто приити.
И утаився всѣх, богу настовляющу, отшед от града дале 5 поприщь, острижеся, яко же мнози вѣдят святые богородици монастырь, к въстоку, Селище нарицають. И бысть оттолѣ по благодати Христовѣ болий на подвиг и на вся труды подвизался и мыслью въспоминая святаго града Иерусалима и гроб господень и вся честная мѣста, яже избавитель бог и спас всего мира иде же страсть прият нашего ради спасениа, и вся честная мѣста и преподобныя отець пустыня, иде же суть подвиг и труд свершивше: дивнаго
67
началника всѣм и восиявшаго ангелом равна, великаго меню Антониа, бывшаго крѣпка, храбра и побѣдившаго силою крестною духы неприязненыя Илариона, бывъшаго ученика его, по нем свѣтлаго в постьницѣх чюдотворца Еуфимья, иже по сих Саву и Феодосья архимандрита и старейша всѣх наставника черноризцем, сущим окрест Иерусалима. Из всѣх любя часто почитати учение преподобнаго Ефрѣма и великаго вселеныя учителя Иоанна Златоустаго и Феодосия Печерьскаго, бывшаго архимандрита всеа Руси, и вся же святых богодухновенных книг житиа их и словеса проходя и внимая, почиташе день и нощь, беспрестани богу моляся и поклонялся и просвѣщая свою душю и помысл и кормим словом божиим, яко дѣлолюбивая пчела, вся цвѣты облѣтаюши и сладкую собѣ пищу приносящи и готовящи, тако же и вся от всѣх избирая и списая ово своею рукою, ово многыми писци, да яко же пастух добрый, вся свѣдый паствы и когда на коей пажити ему пасти стадо, а не яко же невѣжа, невѣдый паствы, да овогда гладом, иногда же по горам разыдуться, блудяще, а инии от звѣрей снѣдени будуть. Тако всѣм есть вѣдомо невѣжам, взимающим сан священьства. Тако же и корабленик и хитрии кормници, вѣдуще путь и пристанище их, милости ожидающе от бога и подобна вѣтра, а не противу бури и волнам морьским, но с божиею помощью како ити нареченнаго града бес пакости и потопления. Аще ли в град далний хотяще поити, тъ вѣдущих просим, егда суть пути различнии и мѣста сущих разбойник, того всего боимся и молим бога, дабы без всякоя бѣды доити...
Пребысть же блаженый Авраамий в прежереченнѣм монастыри в трудѣ и в бдѣнии и в алкании день и нощь, яко же и самому игумену, зрящу добраго житья, радоватися и всей братьи славити бога и мнозем от мира притекати от него утѣшениа приимати от святых книг. И бѣ в всем повинуйся игумену и послушание имѣа к всей братьи и любовь и смирение имый и бога ради покорялся всѣм. Искусив же его игумен, яко в всем повинуется ему и послушаетъ и — бѣ бо и сам игумен хитр божественым книгам и вся свѣдый, и никто же смѣя пред ним от книг глаголати,— и принуди же блаженаго Авраамиа прияти священическый сан: и поставлену ему бывшу дьяконом и потом иерѣем, при княженьи великаго и христолюбоваго князя Мьстислава Смоленьскаго и всея Рускыа.
Прием же блаженый священный сан, болшее смирение приат, яко таку благодать Христос ему дарова; божественую же литургию, с всяцѣм тщанием, иже за всего мира
68
Христос повелѣ приносити, ни единого же дне не остави, яко же мнози вѣдять его бывша и до самое смерти и не оставившаго церковная правила и божественая литургиа и своего подвига.
Нищету же и наготу и укорениа же от диявола и тугу и искушение от игумена и от всее братьи и от раб — кто может исповѣдати? Яко же ему самому глаголати: «бых, 5 лѣт искушениа терьпя, поносим, бесчествуем, яко злодий». Яко же не терпя его и видя себе диавол побежена от святаго, и воздвиже нань сию крамолу своими совѣты, хотя и оттоле прогнати; яко же и бысть. Видя бо диавол, яко мнози от града приходятъ и учением духовным его множатся, от многых грѣх на покояние приходить, аще ли и сице рѣчем: богу хотящу, яко нѣсть лѣпо свѣтилнику во тмѣ сняти и укрытися граду, выше горы сущу. Пишеть бо о великом свѣтитѣли и учители всего мира, о Златоустѣм Иоанѣ, яко егда отъиде в пустыню и пребысть нѣколко врѣмя в пустыни, яко многым трудом и въздержанием и алканием прият врѣд и нужу от тѣла, яко же бысть и се ему от божиа промысла, да не учитель далече града будеть, оттолѣ вьшде в град, уча и наказуя на страх господень. И сице же и сему бысть от дияволя научениа, ибо нѣции от ерѣй, друзии от черноризець како бы нань въстати, овии же от града потязати и укорити исходяще, друзии спиру творяще, яко ничто же свѣдуща противу нас глаголааху, и тако посрамлени с студом отхожааху. И пакы не преставааху, крамолы нань въздвизающе в градѣ и везде глаголюще: «се уже весь град к собѣ обратил есть».
Есть бо, о братие, о семь приложити слово на утѣшение вам: тако бо бѣ благодатью Христовою утѣшая приходящая и плѣняя их душа и смысл их, дабы възможно и неотходящу быти, яко же и сему мнози суть послуси, яко же и самому игумену не стерпѣти, многыя к нему видя притекающаа, и не хотя того, его отлучи и глаголаше: «аз за тя отвѣщаю у бога, ты же престани уча», и много озлобленна нань взложи.
И оттолѣ вниде в град и пребысть в едином монастыри у Честьнаго Креста. И ту начаша болѣ приходити и учение его множайшее быти, а враг сѣтоваашеся, а господь бог раба своего прославляаше и съблюдааше на всяко время, благодать и силу подавая рабу своему. И пребысть мало время и от мног приемля утѣшение, подавааху ему на потребу и лише потребы, и потом скоро раздаваше вдовицам и нищим, а сам еже с потрѣбу собѣ приимаше. Украси же церковь иконами и завѣсами и свѣщами, и мнози начаша
69
от града приходити и послушати церковнаго пѣниа и почитаниа божественых книг, бѣ бо блаженый хитр почитати, дасть бо ся ему благодать божиа не токмо почитати, но протолковати, яже мнозѣм несвѣдущим и от него сказаная всѣм разумѣти и слышащим, и сему изъуст и памятью сказая, яко же ничто же ся его не утаить божественых писаний, яко же умлъкнуша уста его к всѣм, к малым же и к великым, рабом же и свободный и рукодѣлным, тѣм же ово на молитву, ово на церковное пѣние, ово на утѣшение притекающим, яко и в нощи мало сна приимати, но колѣнное поклоняние и слезы многы от очью безъщука излияв и в перси биа и кричанием богу припадая помиловати люди своя, отвратити гнѣв свой и послати милость свою и належащих бѣд избавити ны и мир и тишину подати молитвами пречистыя дѣвы и всѣх святых. Написа же двѣ иконѣ: едину страшный суд втораго пришествиа, а другую — испытание въздушных мытарьств, их же всѣм нѣсть избѣжати, яко же великый Иоан Златоуст учит...
И бѣ блаженый с въздержанием от многаго пития, пьянства же отинудь ненавидя, ризы же по смирению любя, драгых велми бѣгая и смирение присно имѣа, на трапезы же и на пиры отинудь не исходя, мпогых ради зазираний, яже бываютъ от мѣста избирающих, и инѣх ради многых, яже бываютъ от многаго ради пьяньства и бѣды, и того ради сего убѣгааше. Образ же блаженаго и тѣло удручено бяше, и кости его и състави яко мощи исчести, и свѣтлость лица его блѣд имуще от великаго труда и въздержания и бдѣния, от мног глагол, яже тружаашеся, поя и почитая и молитву принося к богу. И к божественому егда приступаше жертвенику на божественое приношение от господа прѣданую апостолом на вечери, и апостолы нам оного завѣта в оставление грѣхов, с благобоязньством и с вниманием; отинудь запрещаше же в церкви не глаголати, паче же на литургии, и заповѣдая и уча, всю имѣти веля мысль и с душею тогда к богу стройно же, по чину, лѣпо.
КНІГІ ОНЛАЙН
