Старажытная беларуская літаратура
Выдавец: Юнацтва
Памер: 350с.
Мінск 1990
И князь великый Ягаило великому Витовту и дяди своему великому князю Кестутию (дал правду), што николи противу его не стояти, а вьсе у воли его быти во всемь. Князь великый Кестути отпусти его со матирию, и со братию, и со скарбы, и со всимь его. И князь великый Ягайло поиде Креиву. Князь великы Витовт проводить его до Креива. И князь великый Ягаило, поидеть не Крева ко Витебску. А как сяде князь великый во Вилни Кестутей, пошлеть 2 человекы к Полоцьку: одного у рать, а другого к городу. И полочане возрадовалися, кликнули на рать и люди ратьни отступили от Скиригаила, и пошли к Вилини к великому князю Кестутию. А князь Скиригаило пошелъ у немьци, у лифянты с малыми слугами.
И князь пакь великый Кестутей поидеть ко Сверскиму Новгородку на князя Корбутия, а сына своего, князя великого Витовта, оставил в Литве. А идя ко Сиверскому Новугородку, велить Воидила обесити, а князю великому Иягаилу с Витебска поити ж было с нимь. То пакь великый
99
Ягаило правду на борзде загубилъ, тамъ не пошелъ, а наговорил местить виленских и Ганулеву чад, и засели Вилну. А князь великий в то врѣмя Витовт во Троцех быль. И князь великий Ягаило из Витепска со всими прижинеть к Вилни. И князь великы Витовт пошлеть ко Сиверскому Новгородку, ко отцю своему, с тою вестию. А немци пакь прускии, услышавши тая дѣла, и маршалко прускый поидеть ратию к великому князю Ягаилу велми на борзде. А как услышав то князь великы Витовть, что пруски немьци к Вилни и к Трокомь идуть, а князь великый Ягайло из Вилни ко Трокомь же идетъ ратию сниматис с нимци, он поидеть ко Городну и со Троковь со матерьею.
А как приступили ко Трокомь князь великый Ягаило, и Трокы дадутся ему.
И князь великый Кестутей к Городну идеть к сыну своему. Туто наидеть и жену свою пошлеть еи ко Берестию, надияся на князя Януша Мазовского, зятя своего, а самь поидеть во Жемоить, а сына, князя великого Витовта, оставить в Городне.
Князь пакь Янушь, зять его, забыв добра, приде князю великому Ягаилу. И се перъво лихвянты рать на помощь приходили князю Скиригаилу к Полоцьку, а потомь с маршалкомь пруская рать к Трокомь приходила, а то вже в третие лихвянская рать и с нимь же приходила. То уже знакы тые вышли, што с нимь заодно стояли противу великого князя Кестутия.
И выступить на бой князь великы Кестутей со сыномь своимь князем великимь Витовтомь противу великого князя Ягаила. И какь не шошедшимься полькомь за три или четыры стреления, приженуть князи и бояре от князя великого Ягаила до князя великого рати Кестутееви. Почнуть пытати великого князя Витовта, што бьгхомь поговорили с нимь. Почнуть говорити великому князю Витовъту: «Князь великый Ягаило послаль нас к тобѣ, штобы еси уедьнал нас со отцемь своим, што быхомь держали свое, а вы бы свое, а бою бы межи нас не было, а крови пролития не вчинилося. Ты бы приѣхал ко брату своему князю великому Ягаилу, а мы правду даемъ, штобы тобѣ чисто отъехати в рать свою, ачей бы межи вас быль добрый конець».
Князь великый Витовт отвещаль: «Правду у вась беру, штобы тако же князь Скиригаило семо приѣхаль, а тако же бы правду даль, и я выеду». И они послали ко князю Скиригаилу. И князь Скиригаило такожь правду дал великому князю Витовту, какь и оны. Князь велики Витовт поѣхаль к
100
великому князю Ягаилу и к его рати, а полкове стоять, межи собою не починають ничего.
И князь великый Ягаило почнеть просити великого князя Витовта, штобы еси межи нас уеднал и кровопролития бы не было. И князь великый Витовть правду взяль в него, у князя великого Ягаила, за отца своего, што отцю его великому князю Кестутию съехався и опять чисто розѣхатися. А еще рече князь великый Витовть князю великому Ягаилу: «Еще, брате, пошли Скригаила, штобы онь а и я а въчинили быхомь правду отцю своему, иже бы ему чисто приходити и опять отѣхати в рать, а князь бы Скригаило от тебе дал правду».
И князь велики Витовт со князем Скригалом придуть ко отцу своему, ко князю великому Кестутию, в рать и дасть правду отцю своему от князя великого Ягаила. И князь Скиригаило правъду дасть от великого князя Ягаила и от себе. И князь великый Витовт со отцем своимь великимь княземь Кестутиемь обадва поѣде в рать ко Ягаилу, надияся на тыи правды.
Князь же великый Ягаило переступил, молвить: «Поѣдь кь Вилни, тамо докончаемь». А в томь ничего не починавши остали. И какь к Вилни поѣхали, князя великого Кестутия, дяду своего, оковав, ко Креву послали и всадили во вежю, а князя великого оставили Витовъта еще во Вилни. И тамо во Креиве пятой нощи князя великого Кестутия удавили каморникы князя великого Ягайлавы, Прокша, што воду давал ему, а были ины — Мостев брат а Кучюк а Лисица Жибентяй. Таков конець стался князю великому Кестутию.
По смерти пакь князя великого Кестутия, пошлеть князь великый Ягаило князя великого Витовта во Креиво же и со женою, и велить его твердо стерети во комьнате; помщая Воидила, дву велѣли на колесе розбити: одного Видимонта, дядю матки князя великого Витовта, отчня брата матки его, што держал Уляну, потом пакь была за Монвидомь. А иных бояр много постинал, помщая того Воидила. Князь пакь великый Витовт седель во Креиве за твердою сторожею в комьнате. А жонце двѣ ходили покладывати княгиню в комнату, положив да вон поидуть, а сторожи около. То пакь великия княгини, слышавъши от людей, иметь ли князь великый Витовът должей седѣти, ачей также изгадають как и над отцем. И приводило ему такь, как поидуть жонки покладати, но бы ему одной жонъки всклати порты да выйти вон со другою жонкою, а той жонцѣ остати бы в него. И он наредивъся в одной жонкы порты да за дрогою вышель, да испустится из города: утечеть во Немьци. У Пруси сущю же
101
ему в нимцах в Марине городѣ в мистра, и приѣхаша к нему многи князи и бояі>е литовъскыи. Он же нача воевати с помочью немецькою литовскую землю.
А князю великому сущю Ягаилу со матерью своею великою княгинию Уляною во Витебьску, а брат его князь Скиригаило в Литовской земли у Троцехь. А великому князю (часто воющи Литовъскую землю, а великому князю) Ягаилу и Скиригаилу невозможьно вже стати противу его, занже бо у него сила велика собралася. Тогда князь велики Ягаило перезвав его со немець и даль ему Луческь со всею Волыньскою землею, а в Литовъской земли — отчину его.
Короля Казимира* в животе не стало. Сынов в него не было, толко одна дочка именемь Ядвига. И начата ляхове слати с Кракова ко князю великому Ягаилу, дабы приняли крещения старого Рима и понял бы в них королевну именемь Ядвигу собѣ женою и стал бы в них кролемь, во Кракове, на всей земли Лядской. Он же князь великый Ягаило змовилися из своею материю, и с великою княгинию Ульяною, и со братиею своею, и со всими князи и бояре Литовския земли, и поѣхав Кракову в Лядскую землю. Тамо же самь крестися и братия его и князи и бояре Литовския земли. И поняль за себе кролевну Ядвигу*, и коруновань бысть того королевства коруною. И оттоле начата крестити Литву в латынскую вѣру. И присла арцибискупа к Вилни в Литовскую землю, и тогда начата костелы ставити по всей Литовъской земли. И поняль за себе кролевну Ядвигу*, и коруновань бысть того королевства коруною. И оттоле начата крестити Литву в латынскую вѣру. И присла арцибискупа к Вилни в Литовскую землю, и тогда начата костелы ставити по всей Литовъской земли.
Той же зимы будущи королю во Кракове со всими князьми литовскыми и бояре литовськими, князь Андрѣй Полоцькый приде с немьци, лифянты и со всею латыною на литовску землю. И повоевал, пожьже много мѣсть и сел, градом же Литовския земли ничего не вспѣи и пакь возовратися во свояси.
Той же зимы князь Свецьслав Смоленскый совет сотвори со князем Андрѣемь Полоцькымь. Он в Литву, а князь Светислав ко Орши. На миру много зла сотвориша хрстянемь нечеловѣческы и нихрестиянскыи, мучиша хрстянь, иже ни в поганых ратех то не слышах таковых мукъ. Мучаще хрстянь, сбираху и запираху во изьбах и зажигаху, а другии велики храмы очепы подимаху и плѣнниковь под стены кладаху главами и зажигаху, а иныя жены и дѣти на коле тыкаху. А иных мукь над христяны, их же
102
скаредно, не писахомь, яко же ни Онтиох Сирскый, ни Улъян законопреступьный тех мукь не сотвори над хрестяны. Граду же Орши ничего не вспѣша и пакы возовритися во свояси.
Той же зимы во великое говение нача Свѣтослав думати со смоленъскыми бояри на хрестянское кровопролитие. Яко свѣрипие звѣрие, аки не хрестяне, поиде ко городу Мстиславлу и сташа у града Мстиславля. И нача добывати и порокы бити град, а в землю и Мстиславскую вой пусти и много пролития крови хрестянскыя. То же быс богу мерзко зрѣти зовущимься хрестянемь, а братию свою хрестянь, не человеческы, ни христянскы мучаху.
Князь же велики Скиригаило, князь великый Витовът, приехавши з Ляхов от брата своего короля, слышав, яко князь Святослав Смоленскы преже быс под Витебском, а потом к Орши приходил, а под Мстиславлемь стоить, град порокы биеть; и сожалився князь великый Скиригаило, поиде со братию своею со великымь княземь Витовтомь, и Костентиномь, и с Корбутомь и со Семеномь Лынгвенемь. И поменуша слово божие, еже рече: «В ню же мѣру человекь мерить, отмирится ему, а что посееть, то и пожнеть». «Мы,— рекоша — никоего зла ему не сотворихомь, а онь с нами в докончани буда переступив крестное цѣлование, и до кончание нашю землю воюеть и кровь хрестяньскую проливаеть. Мы же идемь на него, надѣемься на бога и на хрестянскую силу». И придоша ко граду Мстиславлю.
А князю Святославу стоявши у города и бивши порокы град и Мьстиславль на страсной недели, в пятьницю, яко услышав князь Святослав, яко идеть на него князь Скиригаило и со братиею, он же исполни воя своя и поиде противу имь. Яко иступишася полци, бог же по Давыда пророка слову сотвори, еже рече: «Обратися болезнь на главу его и на верхь его неправда снидеть», и пакы: «ров изрыв ископа и впадеся в него, еже сотвориль». Бог поможе великому князю Витовту, а князь Святослав устремися на бѣг и з своими князьми и со бояри смоленскыми и своими ратьми. Божиею силою ту не мало чюдо сотворися. Избито бысть вой много множество, князей и бояр, но и самого князя великого Святослава убиша. Сына же его князя Юря князь великы Скиригаило исцелив его от ран и привезе его ко городу к Смоленску и к матери его, великой княгини Святославли. И посади его на великомь княжени Смоленскомь, занже бысть за княземь Юремь дщи старшей сестры Скиригаилевы.
КНІГІ ОНЛАЙН
