КНІГІ ОНЛАЙН

Старажытная беларуская літаратура

Выдавец: Юнацтва

Памер: 350с.

Мінск 1990

60 МБ

Отшедши от города Смоленского, князь великый Скири
103
гаило и поиде во свою землю Литовскую и нача княжити во Троцех, а во Вилню послал король старосту своего лядского. А князю великому Витовту, тогды держащю Луческь и всю землю Волынскую, а в Литовской земли отчину свою, и бысть ему нужьно, ижь чего преже не бывало в Литовской земли, сторонамъ владѣющьмь великимь княжениемь. Тогда совѣт сотвори со многими князьми и бояры литовскими. Тогда бо Скиригаилу отехавши к Полоцьку, князь велики Витовт приде к Вилни, хотя засести, а княгиня великая бь Анна тогьда у Городне.
Вилневци же тогда не вдашася ему, зане бѣ тогда правду дали королу Скиригаилу. Он же тогда не возма Вилни и поиде к мистру и зь своею княгинею, и со своими князьми и со многими боярми. Оттоле нача воевати Литовскую землю с немецькою помочю и уже взяль был Литовской земли по Велию реку, а и Полътескь вдася ему. И узриль корол и князь великый Скиригаило, яко вже невозьможьно удержати земли Литовъскыя пред великимь княземь Витовтом и с немецькими силами, поиде к Вилни. И стрете его Скиригаило со братомъ своим Вигонтомь и с литовскими вой на реце на Вели у городка, на мѣсте нарицаемѣ Веишушкы. И ступивъшимься полком, и бог поможе великому князю Витовту. И побежени быша литовъски вой, и устремишася на бег и побито быс много их. Иных князей и бояр в нятьство поймали: князя Семена Евнутеевича, князя Глѣба Свѣтославовича Смоленского, князя Глеба Костентиновичь, князя Ивана Тету, Лва Плакьсича, иных князей изымано быс много. И поиде князь великый Витовт таки к городу Вилни со своими воими, и оступять город Вилню. И нача добывати Кривого города, пушками бити, и взя город Кривый. Тогда же немьци убиша князя Скиригаила Олгирдовичь на лядской заставе на высоком городе тогда сущи, и не пустиша во град князя Коргаила. Князь же великый Витовт возма Кривы город и земли извоевал, пакы возвратися в Немьци.
Того же лѣта к великому Витовту в Немьци, в Маръинь город, придоша послы изъ города Москвы от великого князя Василия Дмитриевича, прося дьщери князя Витовтова за великого князя Василия Дмитриевича. Князь великый Витовт дасть дщер свою княжьню Софию, отпусти ея из Марина города, а с нею посла князя Ивана Олигимонтовича из град Данска. И поидоша во карабли за море, и придоша к граду Пскову, они же великы чти воздаша имь и проводиша их со честию до град Москвы к великому Василию Дмитриевичь. Князь же великый Василей посла противу ему со
104
честию братию свою князя Володимера Андрѣевича и князя Андрѣя Дмитриевича, иных князей и бояр много.
На весну князь великый Витовът иде и взя землю Подолскуіо. А князю Володимеру Олгирдовичю, тогда бывши в Киеве, и не всхоте покоры учинити и челомь ударити великому князю Витовту. Той же весны князь велики Витовт поиде взя град Житомир и Вручий. И приЬха к нему князь Володимѣр. Того жъ лѣта на осень князь великий Витовт выведе его с Киева и дасть ему Копыл, а на Киеве посади князя Скиригаила. Самь же князь великый Витовт поиде на Подольскую землю, а князю Скиригаилу повели ити ис Киева ко Черъкасомь и ко Звенигороду. Князь же Скиригаило божиею помощию великого князя Витовта повелениемь взя Черкасы и Звинигород и возовратися пакы ко Киеву.
Ту же паки княжящи ему в Киевѣ, быс же нехто Фома чернець Изуфов, держа намѣснитство от митрополита у святой Софеи на митрополичиемь дворе. Посхотевшю же князю Скиригаилу ехати за Днепро в ловы, той же прежереченый Фома нача звати его на пир на митрополичи двор. Князю же Скиригаилу сущю у него на пиру,— азь же того не свѣмь, занже бѣх тогды млад, но нецеи глаголють, иже бы тот Фома дал князю Скиригаилу зелие травное пити. И с того пиру князь Скиригаило такь поѣхаль за Днепр к Милолавичемь и тамо разболися канонь канона Крещения, в суботу въеха в город во Киев болен. Болев 8 дней, преставися в среду. И понесося на главах его священници, поюще пѣсни отходные, съ свещами из града Киева ко свети богородици Печерской, и положень быс чюдный князь Скиригаило добрый, наречены во святомь крещени Иоан, подле гроба святого Феодосия Печеръского.
Князь же велики Витовт услышав, ижь князь Скиригаило преставися, и посла князя Ивана Олъгимонтовичь ко Киеву и да ему держати Киев. Мы же над предреченое возвратимься.
Какь выеде из Немець князь велики Витовт на великое княжение, такь отпусти нятъца своего князя Глѣба Святославича ко Смоленску на великое княжение, а князю Юрью Святославичю вда город Рославль. Князю Глѣбу седящи во Смоленсте и нача не в послушани быти великому князю Витовъту. Князь же великый Витовт послы своя слэша о справлении, онь же не всхоте исправитися. Тогда князь велики Витовт поиде со всими силами ко городу Смоленску, тако вдасть ему Глѣб и з градомь Смоленскымь. Князь же великы Витовт вда град Смоленеск держати князю Манту и Василию Бореиковичю, а князю Глѣбу вдасть город
105
Полоны. Самь же князь великы Витовът возовратися в Литовскую землю. На ту же зиму посла князя Семена Лынгвена со многими ратьми и смоленьскыми ратми на князя Олга Резанского. И сплениша многое множество Резанскыа земли, и возвратишася с побѣдою во свояси. Тогда же бѣ зима велми студена.
Той же зимы на весну приѣхал князь же великый Василей Дмитреевичь московский ко чьщю своему великому князю Витовту во Смоленескь во великое говѣние. И учти князя великого Витовта многими дарми: чепьми золотыми, и поясы золотыми, и соболми, камками, и суды златыми, и бахматы. И князь же великый Витовт зятя своего великого князя учти и удари разьличьными дарми: сажеными порты, и дорогими оксамиты, и многоценными камъками, и гиншьты во седлех золотых снастех, чюду достойных, и отпусьти ко граду Москве с великою честию, а самь поѣде к Литви...
[Аб паходжанні Літоўскага княства]
Сталося ест воплощене божого от духа святого з благословенное девицы чыстое Марѣи от початку створеня свѣта лѣта пяттисечного пятьсотного двадцать шестого.
Одного часу панство Рымское было под цэсаром Августом, который же не толко одному Рыму, ино и всему свѣту пановал. Яко ж вышэй писано, иж часу цэсарства Августова сын божый воплотился, а часу Тивирѣя, цэсара второго по Августе, на кресте волную муку прынял для збавеня и откупенья роду человѣческого. За которого ж, Тивирѣя вси рѣчы и пророчества пополнившы, по встани з мертвых вступил на небо и сѣл на правицы в бога отца, отколе ж дня судного мает прыити судити жывых и мертвых и отдати кождому водде заслуги его.
По смерти Тивирѣя цэсара был цэсарэм Гаиос, а по Гаиосе — Клавдѣй, а по Клавдѣи царствовал сын его Нерон. Который же Нерон был пан окрутный и невъставичный, иж властную матку свою и доктора своего навышшого Сэноку бэз кождое прычыны ку смерти прыправил и колко раз казал место Рымское запаливать, а ни для чого иншого, толко для того, иж бы ся тому дивовал а потеху мѣл. А княжатом и паном рымским, шляхте и всему посполству крывды и втиски великие чынил, для чого ж всякий подданый его для великого окрутенства и невставичности его не был нихто пэвэн, а ни безпечон не толко имѣней, албо скарбов, але и здоровя своего. А так многие, опускаючы имѣнья и скарбы
106
свое втекалися до розмаитых земль, наслядуючы справедливого упокою.
Где ж одно княжа рымское именем Палемон, который же цару Нерону был кревный, забрался з жоною, и з дѣтми своими, и с поддаными, и скарбы своими, с которым жо княжатем пятьсот шляхты, также з жонами, и з дѣтми и з многими силами, и взявшы з собою одного остронома, которыя ся знал по звѣздах, и пошли у кораблех морем по заходу солнъца, хочети собѣ знаити на земли мѣстцэ слушное, гдѣ бы ся мели поселити а мешкати с покоем. А с тыми шляхты чотыры рожай навышшые: имены именем с Китаврус Довспрунъкг, а с Колюмнов Прешпор, а з Руси Ульянус, а з Рож Екътор. А так оные люди не малый час по мору ходили. И прьппли Межиземского мора, и дошли до реки до Шума. И тою рекою Шумою в море окиян. И морем окияном дошли до реки устья, где Немон упадываеть у море окиян. И потом пошли рекою Немном уверх, оли ж у море малое, которое называется море Немновое. А для тое прычыны тое море Немъновое называется, иж в тое море Немон упадываеть дванадцатма устьи, а кождое зоветься особным именем, межи которыми ж устьи одно зовется Кгилья. И пошли тым устьем уверъх, и дошли цэлого Немна, гдѣ вже он сам увесь у в одном мѣстцу течетъ. И верх Немна дошли до реки Дубисы. Яко же вшедъшы в тую реку Дубису, и нашли над нею горы высокие, и ровнины великие, и дубровы роскошные и розмаитых объфитосцей наполнено у звѣрех розного рожаю, то ест, напервей: туров, зубрев, лосей, оленей, сарн, рысей, куниц, лисиц, бѣлок, горностаев и иных розмаитых рожаев. И тэж у реках великую офитость рыб непосполитых, иж не толко тые рыбы, которые ся в тых реках плодять, але множество рыб розмаитых а дивных приходят з мора, за тою прычыною, иж недалеко устье Немновое, гдѣ Немон у море впадываеть. Над которыми ж реками: над Дубосою и над Немном и над Юрою там ся поселили и почали размножыватися. И оное мешкане их над тыми реками вельми ся им подобало. И назвали тую землю Жомоить.
О княжати Палемоне и о трех сьшох его
Князь Палемон вродил трех сынов: старшый Борк, а другий Кунас, а третий Спэра. Старшый же сын Борк вчынил город на рецэ Юре и зложоно имя того княжати поспол з рекою: имя рецэ Юра, а княжати Борк, и назвал тот замок
107
Юръборк. А середний сын Кунас прышол на устье реки Невяжы, гдѣ она впадывает у Немон. И тут учынил город, и назвал его именем своим — Куносов город. А третий сын Спэра пошол далей у пущу ко всходу слонца, и перешедъшы реку Невяжу и реку Святую и третюю реку Шырвинту, знашол озеро луками и розмаитым деревом украшено, где ж злюбившы и над тым озером поселилъся. И тое озеро именем своим назвал Спэра. И пановал многие лѣта. И был вельми ласкав подданым своим. И потом умер бэс плоду. И подданые его, милуючы его, и подле рымского обычаю вчынили собѣ балъвана и назвали его Спэра, на паметь его.
И потом оные люди, мешкаючы около него, и почали ему оферы чынити и за боіа его мѣти. И потом, коли тот балван сказилъся, и они тое озеро и мѣстцо хвалили и мѣли за бога, и по нем межы собою господара не мели и мешкали без пана.