Старажытная беларуская літаратура
Выдавец: Юнацтва
Памер: 350с.
Мінск 1990
Кормил их бог на пущи, не было им горе.
априля 14 дня. Месяца мая, по гебрейску ияр, просто май.
Ной арху готует божим повелением, Абы в потоп не згинул з своим поколеньем. мая 10 дня. Месяца июня, по гебрейску сыван, просто чырвец.
Ужо воды въсих топят. Hoax в корабль вошол, Знать, иж богу кланялъся, прото ласку знашол. июня 27 дня. Месяца июля, пе гебрейску тамус, просто липец.
Моисий побил таблицы з приказаньем божим.
А мы грешим што часок, ни ся страхом трвожим. июля 17 дня. Месяца августа,
пе гебрейску аов либо ав, просто серпень. В том месецы Аарон умер, божий ерей.
Того собѣ на приклад ты, none, завжды мей. августа 1 дня.
НА ГЕРБ ЯСНЕВЕЛЬМОЖНОГО ПАНА ОСТАФЕЯ ВОЛОВИЧА, ПАНА ВИЛЕНСКОГО И ПРОЧИХ
Што двѣ стрѣлы, што врубы, што лелеи значат, То вси люди мудрые вельми горазд бачать, Которых зацный тот дом за герб уживаеть. Вѣрь мнѣ, иж там господу цнота свою маеть.
НА... ГЕРБЫ... ЛЬВА САПЕГИ
Въсе можем своим оком лацно обачыти. Долъжыню и шырокость шнуром назначыти. И чоловека можем познати по твары, Если в собе не маеть лишнее привары. Але, где цнота собе обрала оселость, Там ростроп есть до всего и мужьская смелость, Которая зацные завжды домы буди И клейноты розъдаеть. Тыми слынуть люди, Бо такие николи з света не изъходеть, Але один по другом в веки славу плодеть.
303
Хочеш же ся присмотреть? Геръбом, праве, значным Зараз можеш познати, иж суть в дому зацным Зъдавна славных Сапегов. Тые в предков своих Заквитывали в цнотах, знать в лилиях троих, При которих з оружъем конъный воин стоить Знаком того, иж ся з них ни один не боить Служить своим сподарем ку кождой потребе, Не литуючи скарбов, ни самого себе.
К тому видиш, як в локоть постренна рука.
Видиш, иж в скрозь из туга з пострелного лука. Такий пострел никого дома не потъкаеть.
Одно,— хто поганьские полъки розъриваеть.
В тых же геръбех посредку есть стрела, а крестами Двема, а третий блиско, осажон лунами.
Тые знаком, иж они болш для хрестиянства Клали здоровье свое, не смотречы паньства. Смотри ж вышей! Узриш там над сельмом коруну, Которая даеть знать, иж там бог фартуну И цноту з силъным мужъством сполне коронуе, Чого у них ани моль, ни ржа не попсуе.
Живете ж Сапегове вси в многие лета!
Ваша слава слыть будеть, покуль станеть света! Подавайте ж потомъком, што маете з предъков! Веже и ваших цных справ въвесь свет полон светьков.
НА ГЕРБЫ ЯСНЕВЕЛЬМОЖНОГО ПАНА, ПАНА ТЕОДОРА СКУМИНА, ВОЕВОДЫ НОВГОРОДСКОГО ЕПИКГРАММА
Не простым людем гербы з неба посылают, Яковый Скуминове в своим дому мают. Як звезда над луною хорошо ся блищить, А светла месечного бынамне не нищыть, Так обое свѣтлятся ровно окром хмары, Як слава у Скуминов маеть свои дары.
Бо ним далей тым ясней в славу ся подносить, У радами зацными под небо выносят.
Мог бы въместо месеца сонцо там отдати И въсе небо з знаменми до него придати, Бо так тот дом Скуминов в Литве ясне слынеть И будет завъжды слынуть, поки свѣт не минеть. Смотри ж, як реки текут, а все три зьгодливе! Вер, иж было где смотреть, а не похлебливе Бо не по одной реце плавал и з делами,
304
Служены господару розумом, силами, Не чужому, своему и отчызне милой, Трафлаючи недруга, по шыи отылой. Тот герб здавна в его дом з матки назначоно, Бо такие прыметы у нем обачоно.
Иж водные послуги мѣл отправовати, Тым ся господарови и въсим подобати. К тому еще два гербы видиш быть насподе, Тых достали предкове его на свободе Будучи. А цнотою оных доставали. Веру з мужством отчызне своей заховали. Вер ми, гербов не дають в дому седящому, Але з татарми в полю часто гулящему Не з голою рукою, з шаблею острою, Завжды будучы готов до смертного бою. Жыви ж з тыми гербами ты, зацный Скумине, А буяй в своей славе на веки и ныне!
А. Р. ЛИТВИН.
АНАНІМНЫЯ ВЕРШИ
НА ГЕРБ ЗАЦНОГО ДОМУ ЕГО МОСТИ ПАНА ЛУКАША ИВАНОВИЧА МАМОНИЧА, СТАРОСТЫ ДИСНЕНЬСКОГО И СКАРБНОГО ВЕЛИКОГО КНЯЗСТВА ЛИТОВСКОГО
Ни кое ино добро не величить тако Мужа, благородству подобящася всяко. Срам, убо малитися в них же, побѣждати. Срамнѣе ж побѣждати, в них же ся малити. Ниже в похвалении есть ино любезнѣе, Яко же егда имать что рещи полезнѣе. Не преподобно убо о благих молчати, Яко же и не таяжде воспоминати.
Стрѣла убо воздух прерѣзуе высоко, Туголучно испущена летит широко. Крест же паче сея небеси ся касает, Р Сего носяй свѣтлѣе паче всѣх бывает.
Ты же ми богомысльне взирай на обое: Велико бо едино, много паче двое. Силно пачествовати мертвена чоловѣка Добродѣтелми, сокровища оного вѣка.
305
КНИЖКА ДО МИНАЮЧИХ МОВИТ
Почто новых вещей вѣдѣти желаете, Нову вещ, мене имѣя, презираете?
Отвѣт к римляном православных содержаще, Иже егда прежде вѣру цѣлу имяще И неуничиженны отец преданна, Всѣ бяху тогда желающе молчаниа.
Нынѣ, егда повинных въ всѣх сътворяют, Писанием же и властию попирают Вѣру; и не хотя по нужди глаголати, Мною на клеветы въкратцѣ отвѣщати.
Купи, читай, разсуждай, брате и тщателю, Повинни ли повѣжд, се к благодателю Превышнему с покаанием възвратятся, Узриши ли яко не повинни явятся. Желателнаго приклонениа по тебѣ, И любовныя же помощи чают себѣ.
Аминь.
ВЪРШЫ АБО СТИХИ ДО ТОГО, ШТО ЧИТАЯ,
КОТОРЫМ КРАЕГРАНЕСИЕ СИЦЕВО: ХРАНИСЯ ИТАЛИЯН
Хронологию старую прочитаючи, Розумѣти не трудно, писмо умѣючи. Анатолинская церков, яко статечне На Христѣ фундованую вѣру сполечне И з сынами своими неотмѣнне держит, Со Христом господем збираючи не грѣшит. Якось тут в тых «Вопросѣх и отвѣтѣх» читал, И недармом на пятдесят главизн росписал, Тиранского шаленства абым тя свободил, Абысь з двѣма пятдесятниками не згорѣл. Людские упорности огнем попаляет, Илия третего для покоры спасает.
А ты православия мужайся, народе, Небесный цар завше с тобою ест и буде!
Ji'S
ОѵО
НА ГЕРБ ЯСНЕВЕЛЬМОЖНОГО ПАНА ЕГО МИЛОСТИ, ПАНА ЛЕОНА САПЕГИ, КАНЦЛЕРА НАВЫШШОГО ВЕЛИКОГО КНЯЗСТВА ЛИТОВСКОГО, ПЕРНАВСКОГО И ПРОЧЫХ СТАРОСТЫ
Кгды в вышних набоженство станах местце мает, И рыцеръская мужность к ней ся прилучает.
Где ростропность в порадех, справедливость в судех, Где статечность во всяких для отчызны трудех, Там бог благословляет, там слава значная В тым доме зставает на вѣки тръвалая.
Тые всѣ в тобѣ цноты видим знамените, Которыми тя пан бог надарыл обфите. Презацный сенаторе! Знат из вѣков давных Тые ж ся найдовали и в предках твых славных, Што з гербов познаваем,— крыж — знак побожности, Рука з силным пострѣлом знаком ест мужности, Три лелие разных цнот образ указуют, Которые до неба простый путь справуют И у людей еднают славу безсмертную, Вѣк вѣком на потомъствѣ пребывающую.
ЕПИКГРАММА
НА ГЕРБ БОГДАНА ОГИНСКАГО
Крест ся Христов славою вѣрных именует. Им ся самым апостол хвалить росказует. Тым ся знаком божия церков украшает И старожитных домов зацность вывышает, Тым ся лукавых духов гуфы прогоняют И варварских народов полки побѣждают. Щасливый дом Окгинских, который тот мает Клейнот с продков поданый, и в ним ся кохает, Кгды ж то знак набоженства и сталое вѣры. Тым ся здавна их здобят сынове и дщеры. А на том фундаменте вси цноты будуют, Отчизне милой делным мужством услугуют, Што звыкло безсмертную славу им еднати, Которая на свѣте потым будет трвати Поки мѣсяць и звѣзды свой бѣг справовати И ночные темности будут просвѣщати.
307
НА СТАРОЖИТНЫЙ КЛЕЙНОТЫ ИХ М. КНЯЖАТ ОКГИНСКИХ И ИХ М. ПАНОВ ВОЛОВИЧОВ
Двоякии, под гелмом еднаким, клейноты Знаменитый ясне выражают цноты
Двох презацных фалимий, в один дом злучоных, В славѣ аж под самое небо вывышоных.
Тут крест старожитного набоженства знаком И статечной вѣры в трафунку вшеляком.
Тут рада, тут ростропность мѣстце свое мает, И, як на небѣ, мѣсяц з звѣздами сиает.
Так ся тых преславныи домов блищать справы И высоким их станом годный забавы.
Тут стрѣлы преважную дѣялность высвѣдчают, Тут сличный цнот огород рѣки поливают, Который вод живых здроем обфитуют И память з заплатою вѣчною готуют.
НА СТАРОЖЫТНЫ КЛЕЙНОТ ИХ МИЛОСТЕЙ ПАНОВ ХОДКЕВИЧОВ
Зацный дом Ходкевичов, значные клейноты За высокии здавна одѣдичил цноты, Который тот славный славне дом подносят И, праве, аж под небо самое выносят И в вывашаню его никгды неустанут, Поки мѣсяцъ и звѣзды свѣтити не престанут.
ЕПИКГРАММА НА ГЕРБ Л. САПЕГИ
Смотры як крыны, ездец и стрѣла з рукою Звезалися, стрѣла с крестом, крест теж з лукою. Тыи суть зобранья цнот, великий Леоне, Которыми продков ушляхътили кролеве.
Умысл маеш вспанялы громить еретики, Которым теж плѣниш всѣ церкви противники. Вѣра, меч креста держачы, цвите тобою, Бо естесь з супостатами готов до бою.
Жий во всѣ лѣта! По смерти о том дознаеш, Же милуеш бога и вѣру помнажаеш.
308
НА ГЕРБ ЕГО МОСТИ ПАНА СИМЕОНА ВОЙНЫ
Яко досыт значне трубы нам оповѣдают Вримя брани и вримя побѣды, людие знают, Паче же троегласно и троеполчъно рядимо Послушно строителю, воистину непобѣдимо, Происходяща же троеречна быстротекущи, Не тры есть коръмчых, но единого имущи. Что плавание, разве бо преподобие всяко В дому твоем? Дары дает бог не всим единако. Пентекерас, называют пять рог, ясна бывает Над иншие звезды: ясность большую в собѣ мает. Млива вонно, носяще бела, и красно зрачна.
В дому том благодать изобилна людем ест значна. Что ж, паче мысленныя трубы, мысленныя реки, В православии цвѣтуще, не оскудеют на вѣки.
НАДГРОБОК ОТЦУ АФАНАСИЮ ФИЛИПОВИЧУ, ИГУМЕНУ БЕРЕСТЕЙСКОМУ,
В РОКУ 1648 ЗЕШЛОМУ
О, матко моя, церкви православна, В которой правдиве мешкает бог здавна! Тобѣм помогая рѣчью и словами Я, Афанасий, и всѣми силами.
А найвенцей в том своего стараня 3 бозскогом власне чинил росказаня, Абы не была унѣя проклятая Тут, только ты одна, церкви святая! Тепер мусилем юж так уступити, О кривду твою будучи забитый От рук шляхетских под час козаччизни В Берестю Литовском, на своей отчизни. Пред се ты, церкви, туши добре собѣ, Бог еще будет сам помочен тобѣ; Найзрит в своей святой столици До тебе, бѣдной, скажоной винници. Хто в серцу имя Христово мѣти буде, Того он в царствии своем не забуде. Он ми дал, жем стал в Вилни законником, Тут игуменом, а впрод священником. Тот же ми козал и тепер знать давати, Же юж пришол час Сион ратовати.
Амин.
СІМЯОН ПОЛАЦКІ
(1629^1680)
(3 ПРАДМОВЫ ДА «РИФМОЛОГИОНА»)
...Пйсах в началѣ по языку тому, Иже свойственный бѣ моему дому. Таже увидѣв много ползу быти, Славенскому ся чистому учити.
КНІГІ ОНЛАЙН
