Новы Запавет Псалтыр
Выдавец: Бацькаўшчына
Памер: 499с.
Мінск 1995
85. Яму выкапалі мне гардзеі насуперак закону Твайму.
86. Усе запаведзі Твае —
Псалтыр
471
праўда; несправядліва прасьледуюць мяне; памажы мне.
87. Ледзьве не загубілі мяне на зямлі, але я не пакінуў загадаў Тваіх.
88. Па літасьці Тваёй ажыўляй мяне, і буду захоўваць сьведчаньні вуснаў Тваіх.
Ламэд
89. Навечна, Госпадзе, слова Тваё сьцьверджана на нябёсах;
90. праўда Твая з роду ў род. Ты паставіў зямлю, і стаіць яна.
91. Паводле Тваіх вызначэньняў усё стаіць і дагэтуль; бо ўсё служыць Табе.
92. Калі б не закон Твой быў суцяшэньнем маім, загінуў бы я ў нягодах маіх.
93. Вавек не забуду загадаў Тваіх, бо імі Ты ажыўляеш мяне.
94. Я Твой: утратуй мяне; бо я наказаў Тваіх шукаю.
95. Бязбожнікі пільнуюць мяне, каб загубіць; а я паглыбляюся ў адкрыцьці Твае.
96. Я бачыў мяжу дасканаласьці ўсякай; але Твая запаведзь надта шырокая.
Мэм
97. Як люблю я закон Твой! увесь дзень пра яго разважаю.
98. Запаведзьдзю Тваёю Ты зрабіў мяне мудрэйшым за ворагаў маіх; бо яна заўсёды са мною.
99. Я стаўся разумнейшы за настаўнікаў маіх; бо разважаю пра сьведчаньні Твае.
100. Я ведаю болей за старцаў; бо загады Твае шаную.
101. Ад усякай ліхое дарогі
ўхіляю ногі мае, каб трымацца слова Твайго;
102 ад судоў Тваіх ня ўхіляюся, бо Ты навучаеш мяне.
103. Якое салодкае слова Тваё майму паднябеньню! лепей за мёд вуснам маім.
104. Ад наказаў Тваіх я стаўся разумнейшы, таму ненавіджу любы шлях маны.
Нун
105. Слова Тваё — сьветач нагам маім і сьвятло сьцежцы маёй.
106. Я прысягнуў шанаваць справядлівыя суды Твае, і выканаю.
107. Моцна прыгнечаны я, Госпадзе; ажыві мяне паводле слова Твайго.
108. Хай будзе воля Твая, Госпадзе, прыняць дабраахвотную ахвяру вуснаў маіх, і судам Тваім навучы мяне.
109. Душа мая бесьперастанКУ Ў РУЦЭ маёй; але закона Твайго не забываю.
110. Бязбожнікі паставілі на мяне пастку; але я ня ўхіліўся ад загадаў Тваіх.
111. Сьведчаньні Твае я прыняў, як спадчыну вечную; бо яны злагада сэрца майго.
112. Я прыхіліўся сэрцам да выкананьня загадаў Тваіх навек, да канца.
Самэх
113. Вымудры тіаняверныя ненавіджу, а закон Твой люблю.
114. Ты — маё покрыва і шчыт мой; на слова Тваё спадзяюся.
115. Адыдзеце ад мяне, безза
472
Псалтыр
конныя, і буду захоўваць запаведзі Бога майго.
116. Умацуй мяне словам Тваім, і буду жыць; не пасаромі мяне ў надзеі маёй;
117. падтрымай мяне, і ўратуюся; і ў Твае пастановы ўдумвацца няспынна буду.
118. Усіх адступнікаў ад пастановаў Тваіх Ты скідаеш, бо вымудры іхныя — няпраўда.
119. Як шашаль, зьмятаеш Ты ўсіх бязбожных зямлі; таму палюбіў я адкрыцьці Твае.
120. Дрыжыць ад страху Твайго цела маё, і судоў Тваіх баюся я.
Аін
121. Я чыніў суд і праўду; не аддавай мяне ганіцелям маім.
122. Даручы Ты на добрае раба Твайго, каб не прыгняталі мяне гардуны.
123. Растаюць мае вочы, чакаючы ратунку Твайго і слова праўды Тваёй.
124. Учыні рабу Твайму паводле ласкі Тваёй і пастановам Тваім навучы мяне.
125. Я раб Твой; дай розуму мне, і спазнаю адкрыцьці Твае.
126. Час настаў Госпаду дзейнічаць: закон Твой зьняважнілі.
127. А я люблю запаведзі Твае болей за золата, золата чыстае.
128. Усе загады Твае — усе прызнаю справядлівымі: усякі шлях маны ненавіджу.
Пэ
129. Дзівосныя адкрыцьці Твае; таму іх трымае душа мая.
130. Сьведчаньне словаў Тва
іх прасьвятляе, простым розум дае.
131. Размыкаю вусны мае, і ўздыхаю; бо запаведзяў Тваіх прагну.
132. Паглядзі на мяне і памілуй мяне, як робіш з тымі, што любяць імя Тваё.
133. Умацуй ногі мае ў слове Тваім, і ня дай авалодаць мною ніякаму беззаконьню;
134. вызвалі мяне ад прыгнёту чалавечага, і буду наказы Твае шанаваць.
135. Апрамень раба Твайго сьвятлом аблічча Твайго, і навучы мяне пастановам Тваім.
136. 3 вачэй маіх цякуць патокі вады, бо не шануюць закона Твайго.
Цадэ
137. Справядлівы Ты, Госпадзе, і суды Твае справядлівыя.
138. Сьведчаньні Твае, якія Ты запавядаў, — праўда і дасканалая ісьціна.
139. Руплівасьць мая зьядае мяне, бо мае ворагі забылі словы Твае.
140. Слова Тваё вельмі чыстае, і раб Твой палюбіў яго.
141. Малы я і пагарджаны; але наказаў Тваіх не забываю.
142. Праўда Твая — праўда вечная, а закон Твой — ісьціна.
143. Скруха і гора мяне агарнулі; запаведзі Твае — суцяшэньне маё.
144. Праўда адкрыцьцяў Тваіх — вечная: дай мне розуму, і буду жыць.
Коф
145. Клічу ўсім сэрцам маім: пачуй мяне, Госпадзе; і заха
Псалтыр
473
ваю Твае пастановы.
146. Заклікаю Цябе; уратуй мяне, і буду захоўваць адкрыцьйі Твае.
147. Сустракаючы ранак, я заклікаю; на слова Тваё спадзяюся.
148. Вочы мае сустракаюйь ранішнюю варту, каб мне заглыбляцца ў слова Тваё.
149. Пачуй голас мой зь міласьці Тваёй, Госпадзе; судом Тваім ажыві мяне.
150. Наблізіліся тыя, што намышляюць хітрыну; далёка яны ад закона Твайго.
151. Блізкі Ты, Госпадзе, і ўсе запаведзі Твае — ісьціна.
152. Здаўна я даведаўся пра сьведчаньні Твае, што Ты сьцьвердзіў іх навечна.
Рэш
153. Паглядзі на нягоды мае, і вызваль мяне; бо я не забываю закона Твайго.
154. Заступіся за справу маю, і абарані мяне; словам Тваім ажыві мяне.
155. Далёка ад бязбожных выратаваньне, бо яны пастановаў Тваіх ня шукаюць.
156. Многа шчадротаў Тваіх, Госпадзе; судом Тваім ажыві мяне.
157. Многа ў мяне ганіцеляў і ворагаў; але ад сьведчаньняў Тваіх не адступлюся.
158. Бачу адступнікаў, і брыджуся імі; бо яны не шануюць слова Твайго.
159. Падзівіся, як я люблю наказы Твае; міласьцю Тваёю, Госпадзе, ажыві мяне.
160. Аснова слова Твайго сап
раўднае, і вечны ўсякі суд праўды Тваёй.
Шын
161. Князі перасьледуюць мяне бязьвінна; але сэрца маё баіцца слова Твайго.
162. Радуюся я слову Твайму, як той, хто вялікі дастатак прыдбаў.
163. Ненавіджу ману і грэбую ёю; а закон Твой люблю.
164. Сямікроць на дзень праслаўляю Цябе за суды праўды Тваёй.
165. Вялікі мір у тых, што любяць закон Твой, і не спатыкаюцца яны.
166. Спадзяюся на выратаваньне Тваё, Госпадзе, і запаведзі Твае выконваю.
167. Душа мая песьціць сьведчаньні Твае, і я люблю іх моцна.
168. Шаную наказы Твае і адкрыцьці Твае; бо ўсе шляхі мае перад Табою.
Тав
169. Хай наблізіцца енк мой прад аблічча Тваё, Госпадзе; словам Тваім дай мне розум.
170. Хай прыйдзе маленьне маё прад аблічча Тваё; словам Тваім збаві мяне.
171. Вусны мае вымавяць славу, калі Ты навучыш мяне пастановам Тваім.
172. Язык мой абвесьціць слова Тваё; бо ўсе запаведзі Твае справядлівыя.
173. Хай будзе рука Твая дапамогаю мне; бо я выбраў Твае загады.
174. Прагну выратаваньня Твайго, Госпадзе, і закон Твой
474
Псалтыр
суцяшэньне маё.
175. Хай жыве душа мая і славіць Цябе, і суды Твае хай дапамогуць мне.
176. Я заблудзіўся, як авечка, згубленая: знайдзі раба Твайго; бо я запаведзяў Тваіх не забыўся.
ПСАЛЬМА 119
Малітва пра збавеньне
Цесьня ўзыходжаньня.
Да Госпада зьвярнуўся я ў скрусе маёй, і Ён пачуў мяне.
2. Госпадзе! ратуй душу маю ад вуснаў ілжывых, ад языка падступнага!
3. Што дасьць табе і што дадасьць табе язык падступны?
4. Вострыя стрэлы моцнага, з жарам ад ядлоўцу.
5. Гора мне, што я застаюся ў Мосаха, жыву пад намётамі Кідарскімі.
6. Доўга жыла душа мая зь ненавісьнікамі міру.
7. Я міралюбны; але як толькі скажу пра мір, яны — ідуць ваяваць.
ПСАЛЬМА 120
Гасподзь — ахвальнік мой
Песьня ўзыходжаньня.
Падымаю вочы мае ўгору, адкуль прыйдзе дапамога мая.
2. Дапамога мая ад Госпада, Які стварыў неба й зямлю.
3. Ня дасьць Ён пахіснуцца назе тваёй, не задрэмле Той, Хто асланяе цябе:
4. ня дрэмле і ня сьпіць, хто асланяе Ізраіля.
5. Гасподзь — ахвальнік твой; Гасподзь — шата твая з правай рукі тваёй.
6. Удзень сонца не заб’е цябе, ані месяц уночы.
7. Гасподзь аслоніць цябе ад усякага ліха; ахавае душу тваю Гасподзь.
8. Гасподзь будзе ахоўваць твой выхад і ўваход ад сёньня і вечна.
ПСАЛЬМА 121
Пра мір Ерусаліма
Песьня ўзыходжаньня. Давідава.
Усьцешыўся я, калі мне сказалі: пойдзем у дом Гасподні.
2. Вось стаяць ногі нашыя ў браме тваёй, Ерусаліме, —
3. Ерусалім, пабудаваны як горад, зьліты ў адно,
4. куды сыходзяцца плямёны, плямёны Гасподнія паводле закону Ізраіля славіць імя Гасподняе.
5. Там стаяць прастолы суду, прастолы дома Давідавага.
6. Прасеце спакою Ерусаліму: хай жывуць у дабарадзенстве тыя, хто любіць Цябе!
7. Хай будзе спакой у мурах тваіх, дабрадзенства — у харомах тваіх!
8. Дзеля братоў маіх і блізкіх маіх кажу я: «Мір табе!»
9. Дзеля дома Госпада, Бога нашага, зычу табе дабра.
Псалтыр
475
ПСАЛЬМА 122
Песьня надзеі на Бога
Песьня ўзыходжаньня.
Я ўздымаю вочы мае да Цябе, што жывеш у набёсах!
2. Вось, як вочы рабоў глядзяць на руку іхных паноў, як вочы рабыні на руку іхнае гаспадыні, так нашыя вочы — да Госпада, Бога нашага, пакуль Ён зьлітуецца з нас.
3. Зьлітуйся з нас, Госпадзе, зьлітуйся з нас; бо даволі мы сытыя пагардай.
4. Даволі насычана душа нашая зьдзекамі ганарліўцаў і пагардай пыхлівых.
ПСАЛЬМА 123
Падзякаваньне за цудоўнае збавеньне
Песьня ўзыходжаньня. Давідава.
Калі б не Гасподзь быў з намі, — хай скажа Ізраіль, —
2. калі б не Гасподзь быў з намі, калі паўсталі на нас людзі,
3. дык жывых бы нас яны праглынулі, калі загарэлася ятра ў іх на нас;
4. воды патапілі б нас, паток бы прайшоў над душою нашаю;
5. прайшлі б над душою Hawara воды бурлівыя.
6. Дабраславёны Гасподзь, Які ня даў нас на здабычу іхным зубам!
7. Душа наша вызвалілася, як
птушка, зь сеткі лаўцовай; сетка парвана, і мы вызваліліся.
8. Дапамога нашая ў імені Госпада, Які стварыў неба й зямлю.
ПСАЛЬМА 124
Гасподзь — абаронца народу Свайго
Песьня ўзыходжаньня.
Той, хто надзею кладзе на Госпада, як гара Сыён, не захістаецца, стаяцьме вечна.
2. Горы вакол Ерусаліма, a Гасподзь вакол народу Свайго ад сёньня і давеку.
3. Бо не пакіне Гасподзь жазла бязбожных над доляю праведных, каб праведныя не працягнулі рукі свае да беззаконьня.
4. Рабі ж, Госпадзе, добрае добрым у справядлівым у сэрцах сваіх.
КНІГІ ОНЛАЙН
