Гарнуся душою да слова
Ніна Мацяш
Выдавец: Звязда
Памер: 296с.
Мінск 2013
БЫЧОК
Маркоціцца бычок наш: Му-у... Нібы пытаецца: Чаму Даюць сянцо і бурачок, Нібыта бык я, не бычок.
Тарасік вафельку жуе, Вунь і цукерку дастае... Як, мабыць, смакатліва Ласункі хрумаць без канца! А вы б далі яму сянца, А мне цукеркаў з паўкапца. Дый будзе справядліва.
ЗАПРОСІНЫ БАРАВІЧКА-ВАЛЫНЯЧКА
Выбегла каліна-чапуруха На краёчак лесу ў ранні час. Баравік знімае капялюха: Просім, калі ласачка, да нас!
Завітайце! Будзьце як удома. Цешцеся з птушыных галасоў! Вам усім прагалачак знаёмы I чарніц удзеліць, і грыбоў!
Сам я з вамі ў свет не павандрую Баравы мяне трымае дух.
Вам на развітанне падару я Свой руды гладзюткі капялюх.
Прызнаюся: як і той каліне, Наймілей і мне жыць на Валыні, Між дубамі ў лесе або ў гаі, У сваім бацькоўскім родным краі.
РЫБАЛКА
Дзядзьку Соме, плывіце сюды! Ды вылазьце хутчэй з вады, Ды сядайце
на муражку, Ды з’ямо тут
па піражку Мне матулечка напякла, Каб усмак рыбалоўля была.
Раскажыце мне, як ім там, У рацэ, ляшчам ды лінкам. Бо між намі, рыбалкамі, тут Штось такое пра вас плятуць! Што, маўляў, карасі зранку ўсе Ходзяць босымі па pace.
I што цётачка Шчупачыха, Кажуць, злая да ліха, Што трываць яе ўжо нясіла, Што паўвуса вам адкусіла.
Адазваўся паважны Сом: Гэта нейкі дзівосны сон!
Шчэ ні разу на берагі He хадзіў я на пірагі.
Бач, ад здзіву лянкі й ляшчы Паўсядаліся на карчы.
Хоць па крышачцы ім дамо, Ну, а рэшту самі з’ямо.
Хай паласуюцца й карасі, Шчупачыха ж і не прасі!
Com паснедаў, пагладзіў вус, Ды ў ваду з крутаберагу плюсь! Хоць і смачны твой піражок, Ды пара ўжо мне, спадарок.
Паплыву, a то сонца спячэ. Дзякуй маме й прыходзь яшчэ!
Што ж, прымусу і я не люблю. Дый малечыны не лаўлю.
Калі ж зловіцца драбяза Выпускаю ў раку назад.
Хай плыве сабе на здароўе Аж да самага сіняга мора!
ВЕРАБЕЙ
Праз вакно, што расчыніў ветравей, У кватэру завітаў верабей.
Працягнуў мне рудое крыло
I прамовіў:
Неблагое дупло!
Разглядзеўся на чатыры бакі, Самавіта паабедаў з рукі
I на вуліцу зноў быў бы ўцёк, Але раптам да люстэрка скок!
Ты глядзі, што за дзівоція ў вас: Быў адзін я, а цяпер мяне два! Падчыбучыўся, узяў грабянец: А нічога я сабе вераб’ец!
I сказаўшы напаследак:
Чык-чык! -
У ваконны ростул пырхнуў -
і знік.
ЗМЕСТ
Вясёлка па-над вечнаю ракой. Марыя Новік 3
Тарас Шаўчэнка 7
Лэся Украінка 21
Аляксандр Гаўрылюк 27
Ліна Кастэнка 45
Мая Львовіч 221
Пятро Max 227
Васыль Гэй 240
Валадымір Барна 242
Аляксандра Кавалёва 279
Ніна Горык 290
Літаратурна-мастацкае выданне
ГАРНУСЯ ДУШОЮ ДА СЛОВА. ПЕРАКЛАДЫ НІНЫ МАЦЯШ
Зборнік украінскай паэзіі
Укладальнікі:
НОВІК Марыя Іванаўна, ВАРОНІК Святлана Аркадзьеўна, СКАРЫНА Галіна Васільеўна
Рэдактар У А. Васілевіч Мастак Я. К. Вашчанка Камп'ютарная вёрстка A. I. Дзядзюля Стыльрэдактар А. Г. Шклярэўская
Падпісана ў друк 14.08.2013. Фармат 60x90*/^.
Папера афсетная. Гарнітура Times New Roman. Афсетны друк. Ум. друк. арк. 18,5. Ул.-выд. арк. 13,48. Тыраж 600 экз. Заказ 2698.
Рэдакцыйна-выдавецкая ўстанова «Выдавецкі дом «Звязда».
ЛН 02330/936 ад 11.10.2010.
Вул. Б. Хмяльніцкага, Юа, 220013, г. Мінск.
Рэспубліканскае ўнітарнае прадпрыемства «Выдавецтва «Беларускі Дом друку». ЛП 02330/0494179 ад 03.04.2009.
Пр. Незалежнасці, 79, 220013, г. Мінск.
КНІГІ ОНЛАЙН
