Моц смаку
Юры Качук
Памер: 232с.
Беласток 2010
Падрыхтоўка накрыпкі з мяса.
Мяса прапусціць праз мясасечку. Цыбулю дробна нашаткаваць, моркву нацерці на дробнай тарцы, абсмажыць, дадаць да сечанага мяса і адваранага рысу, перамяшаць.
Падрыхтоўка накрыпкі з агароднгны.
Моркву, пятрушку і цыбулю нарэзаць дробнай саломкай; падсмажыць на алеі, дадаць дробна нарэзаныя свежыя памідоры без насення і скуркі, цукар,
соль, перац і давесці да гатовасці.
Пры падачы на стол паліць смятанай.
КАБАЧКІ КРЫПАНЫЯ
Складнікі:
2 маладыя кабачкі, 200 г мяса, 1 цыбуліна, 50 г рысу ці проса, 50 г алею, 2 cm. лыжкі таматавай пасты, 2 cm. лыжкі смятаны, 1 cm. лыжка мукі, 1 cm. лыжка сметанковага масла, соль, зеляніна.
Прыгатаваць накрыпку з мяса, як і для салодкага чырвонага перцу. Кабачкі ачысціць, разрэзаць уздоўж, выняць асяродак, на-
чыніць шчыльна накрыпкай ледзь вышэй краёў і паскладаць на патэльню. Таматавую пасту закіпяціць з маслам, дадаць смятану і шклянку вады, размяшаўшы ў ёй папярэдне муку. Кабачкі пасаліць, заліць атрыманай заправай і паставіць запякаць у духоўку на 40 хвілін.
Падаючы на стол, пасыпаць зелянінай кропу, пятрушкі, цыбулі, часнаку і базілікам.
ПАМІДОРЫ КРЫПАНЫЯ
Складнікі:
300 г свініны, 1 морква, 1 цыбуліна, 30 г кораня салеры, 100 г зялёнага гарошку, 30 г тлушчу, 100 г смятаны, перац, соль.
Свініну прапусціць праз мясасечку, падсмажыць з соллю і перцам на тлушчы. Цыбулю, моркву і салеру дробна нарэзаць, пакласці ў рондаль, абліць тлушчам і тушыць да мяккасці. 3 памідораў выняць сярэдзінкі і пакласці іх у рондаль з зялёным гарошкам і карэннямі, патушыць яшчэ трохі і змяшаць з сечаным мясам. Усё разам тушыць яшчэ 15 хвілін. Гэтым начыннем накрыпаць памідоры, паскладаць іх у адзін шэраг у шырокі рондаль, уліць шклянку вады і тушыць пад накрыўкай 20 хвілін. Пад канец уліць смятану.
“ВОЖЫКІ”
Складнікі:
500 г ялавічыны, 100 г рысу, 20 г сухіх грыбоў, 1 цыбуліна, 3 cm. лыжкі тлушчу, 2 cm. лыжкі мукі, 25 г сметанковага масла, 100 г смятаны, 3 cm. лыжкі таматавай пасты, 1 морква, соль, перац.
Рыс варыць з лыжкай сметанковага масла 20 хвілін, астудзіць. Ялавічыну прапусціць праз мясасечку. Грыбы адварыць, астудзіць, дробна нарэзаць. Змяшаць з ялавічынаю, дадаць нацёртую на тарцы цыбуліну, рыс, соль, перац. 3 гэтай сумесі зрабіць невялікія катлеты, укачаць іх у муку і абсмажыць на тлушчы.
“Вожыкі” пакласці ў рондаль, заліць шклянкай грыбнога адвару, змяшаць са смятанай, таматавай пастай і нацертай морквай. Тушыць на слабым агні 30 хвілін.
“ВОЖЫКІ ЗДАБЫТЧЫКІ”
Складнікі:
Для накрыпкі: 300 гмяса, 200 г грыбоў, й морквы, 'А цыбуліны, 1 cm. лыжка таматавай пасты, 1 cm. лыжка маянэзу, 50 г тлушчу, Уг цытрыны, перац, соль.
Для цеста: 1/г шклянкі мукі, 1 шклянка малака, 15 г бражджэй, 1 яйка, 2 cm. лыжкі алею, цукар, соль.
Мяса нарэзаць дробнымі кубікамі, дадаць цытрынавы сок, маянэз, таматавую пасту, перац і соль; добра перамяшаць і паставіць для марынавання.
У малацэ распусціць дрожджы, соль, цукар, дадаць муку і замясіць цеста. Паставіць яго ў цёплае месца на 30 хвілін. Калі цеста крышку падыдзе, дадаць сырыя яйкі, алей, перамяшаць. Дробна нарэзаныя грыбы, моркву, цыбулю і мяса з марынадам абсмажыць на тлушчы.
3 цеста зрабіць аладкі, загарнуць імі часткі накрыпкі, але краі да канца не злучаць. Запячы да гатовасці ў духоўцы.
БІТКІ
Складнікі:
1 кг ялавічыны, 100 г сала, 100 г чэрствай булкі, 2 яйкі, 2 cm. лыжкі молатых сухароў, 100 г сметанковага масла, 50 г малака, 3 cm. лыжкі таматавай пасты, 1 cm. лыжка мукі, перац, лаўровы ліст, соль.
Ялавічыну разам з салам прапусціць два разы праз мясасечку, пасля гэтага дадаць булкі (без скарынкі), папярэдне намочанай у малацэ, перцу, солі, 1 сырое яйка. Усё гэта добра перамяшаць і зрабіць круглыя плоскія катлеты, абкачаць іх у яйку і сухарах і падсмажыць з абодвух бакоў у масле на патэльні. Потым біткі перакласці ў рондаль, дадаць крышку кіпеню, таматавай пасты, падсмажанай мукі, лаўровага лісту і тушыць 20 хвілін на слабым агні.
КАТЛЕТЫ 3 ЦЯЛЯЦІНЫ 3 МАЗГАМІ
Складнікі:
600 г цяляціны, 350 г цялячых мазгоў, 40 г чэрствай булкі, 20 г воцату, 25 г молатых сухароў, ‘А цыбуліны, 50 г сметанковага масла, 2 яйкі, соль, прыправы, зеляніна пятрушкі.
Мазгі абліць гарачай вадой, змяшанай з воцатам. Цяляціну прапусціць праз мясасечку разам з цыбуляй, булкай, намочанай у малацэ, і мазгамі. Дадаць яйкі, соль, перац, сечаную зеляніну пятрушкі, усё перамяшаць. Масу падзяліць на катлеты, абкачаць у сухарах, смажыць з абодвух бакоў на сметанковым масле.
КАТЛЕТЫ 3 ХРЭНАМ
Складнікі:
500 г мяса (свініны ці цяляціны), 100 г малака, 1 яйка, 50 г булкі, 1 цыбуліна, 100 г сметанковага масла, 100 г смятаны, 50 г мукі, 50 г цёртага хрэну, зеляніна пятрушкі, соль
Прыгатаваць катлетную масу з яйкам і булкай, намочанай у малацэ. Дадаць нацёртую на тарцы цыбулю, сечаную зеляніну пятрушкі, змяшаць. Зрабіць катлеты, абкачаць іх у муцэ і смажыць на сметанковым масле. Цёрты хрэн абліць кіпенем, зліць ваду, змяшаць хрэн са смятанай, пасаліць і заліць падсмажаныя катлеты, затым закіпяціць адзін раз.
КАТЛЕТЫ ПЫШНЫЯ
Складнікі:
500 г свініны, 150 г сметанковага масла, 3 яйкі, 50 г цёртых сухароў, 50 г тлушчу, соль, перац.
Мяса прапусціць праз мясасечку. Масла расцерці з жаўткамі яйкаў, дадаючы патроху мяса, соль, перац і цёртыя сухары, а ў канцы ўзбітыя два бялкі, усё перамяшаць. Лыжкай класці невялікія катлеты на гарачую патэльню з тлушчам і смажыць з абодвух бакоў.
РУЛЕТ ФАЛЬВАРКОВЫ
Складнікі:
500 г цяляціны (мякаць), 500 г свініны, 300 г грыбоў, 50 г белага хлеба, 4 яйкі, 50 г тоўчаных сухароў, 100 г малака, 30 г тлушчу, зеляніна кропу, соль, перац.
Мяса прапусціць праз мясасечку, дадаць белага хлеба, намочанага ў малацэ (хлеб павінен быць абавязкова чэрствым), 2 сырыя яйкі, соль, сечаную зеляніну кропу, перац, усё перамяшаць.
Для начыння: зварыць укрутую 2 яйкі, ачысціць, здрабніць. Грыбы адварыць, дробна нарэзаць і падсмажыць разам з сечанай цыбуляй, потым змяшаць з яйкамі, пасаліць і паперчыць.
Бляху даўгаватай формы вышмараваць тлушчам і пасыпаць сухарамі. Палову прыгатаванага мяса пакласці на бляху, у сярэдзіне змясціць начынне з грыбоў, яйкаў і цыбулі, прыкрыць астатняй паловай мяса, зверху паліць тлушчам і запякаць у духоўцы на працягу 1 гадзіны.
КАТЛЕТЫ ВЯСКОВЫЯ
Складнікі:
500 кг свініны, 50 г чэрствага хлеба, 3 яйкі, 2 cm. лыжкімукі, 250 г свежых грыбоў, 100 г тлушчу, 50 г малака, 3 зубкі часнаку, перац, соль.
Свініну прапусціць два разы праз мясасечку, пасля гэтага дадаць хлеб, папярэдне намочаны ў малацэ, перац, соль, ціснуты часнок, 1 сырое яйка. Усё гэта добра перамяшаць і зрабіць аладкі, на сярэдзіну пакласці начынне (перамешаныя здробненыя вараныя і падсмажаныя грыбы, падсмажаную цыбулю, сечаныя вараныя яйкі), краі аладак злучыць, абкачаць у муцэ, надаючы ім авальнапляскатую форму, і падсмажыць у тлушчы з абодвух бакоў.
ПРЫНЁМАНСКАЯ ВЯЧЭРА
I варыянт:
Складнікі:
300 г свойскай каўбасы, 2 cm. лыжкі тлушчу, 2 цыбуліны, 2 cm. лыжкі таматавай пасты, 300 г бульбы, 200 г марынаваных маслякоў, 2 cm. лыжкі алею, соль.
Цыбулю нашаткаваць і падсмажыць на тлушчы разам з нарэзанай невялікімі кавалачкамі сырой свойскай каўбасой, дадаць таматавую пасту і крышку кіпеню. Тушыць пад накрыўкай.
Тым часам абабраць бульбу, памыць, нарэзаць скрылькамі, пасаліць і запячы ў духоўцы. Зрабіць салату з марынаваных маслякоў, цыбулі, нарэзанай колцамі, і алею. Каўбасу на талерцы абкласці запечанай бульбай, грыбную салату падаць асобна.
II варыяшп:
Складнікі:
700 г сырой свойскаіі каўбасы, 2 цыбуліны, 50 г тлушчу, соль.
Каўбасу, зрабіўшы іголкай некалькі дзірачак у кішцы, цэлым колцам пакласці на бляху, нашмараваную тлушчам. Цыбулю нашаткаваць, перацерці з соллю і далучыць да каўбасы, дадаўшы шклянку вады. Запячы да гатовасці ў духоўцы.
III варыянт:
Складнікі:
500 г сырой своІіскаіі каўбасы, 50 г сала, 3 зубкі часнаку, I морква, 1 малады кабачок, 3 памідоры, 1 цыбуліна, соль, пятрушка, духмяны і цытрынавы базілік.
Сала без скуры нарэзаць вельмі дробнымі кубікамі, расцерці з ціснутым часнаком і падсмажыць злёгку на патэльні. Сырую свойскую каўбасу нарэзаць буйнымі кавалкамі, далучыць да сала і часнаку; смажыць да атрымання румянай скарыначкі на слабым агні. Затым тушыць, заліўшы невялікай колькасцю вару.
Моркву ачысціць, памыць і нацерці на буйной тарцы, малады кабачок памыць і нарэзаць дробнымі кубікамі, памідоры, зняўшы з іх скурку, таксама нарэзаць кубікамі, цыбулю нашаткаваць. Усё гэта далучыць да каўбасы, дадаўшы, калі патрэбна, солі і вару. Тушыць да гатовасці.
На талерку выкласці каўбасу і гародніну, упрыгожыць зелянінай пятрушкі, духмяным і цытрынавым базілікам.
КАЎБАСКІ “БЕЛАВЕЖСКІЯ”
Складнікі:
500 г свініны, 200 г сала, 400 г ялавічнай печані,30 г тлушчу, 2 зубкі часнаку, абалонка (свіная кішка), перац, соль.
Мяса здрабніць на мясасечцы з буйной рашоткай, дадаць нарэзаныя дробнымі кубікамі сала і злёгку абсмажаную печань, ціснуты часнок, соль, перац, ваду, усё змяшаць і напоўніць падрыхтаваную абалонку, перакручваючы яе праз кожныя 8-10 см для атрымання маленькіх каўбасак.
Каўбаскі пакласці на бляху, падліць невялікую колькасць вады і засмажыць у духоўцы.
Падаць з сырой гароднінай і смажанай бульбай, пасыпаць сечанай зелянінай.
ПАЛЯЎНІЧЫЯ КАЎБАСКІ
Складнікі:
1 кг свініны, 1 кг ялавічыны, 50 г солі, чорны молаты перац (20 гарошын), 10 г цукру, 2 г аміячнай салетры, тонкія свіныя кішкі.
Мяса прапусціць праз мясасечку з буйной рашоткай ці пасекчы нажом. Дадаць солі, молатага перцу, цукру і салетры. Добра вымешаць, раскачаць пластом таўшчынёй каля 10 сантыметраў і патрымаць у халодным месцы 12 гадзін. Затым напоўніць гэтай масай кішкі, перакручваючы іх праз 10 см. Каўбаскі павесіць сушыцца на ветры ў прахалодным месцы. Кожны дзень прасаваць качалкай ці бутэлькай. Калі каўбаскі добра падвяляцца, неабходную для яды колькасць апусціць на 5 хвілін у кіпень.
Падаць з засмажанай і сырой гароднінай, пасыпаць сечанай зелянінай.
}{a mam kJ,
РУЛЬКА 3 АГАРОДНІНАЙ
Складнікі:
1 свіная рулька, 300 г капусты брокалі, 1 галоўка часнаку, 1 морква, 300 г бульбы, прыправы, соль.
Свіную рульку абсмаліць, пакласці ў рондаль з халоднай вадой на 3 гадзіны. Потым старанна абскрэбці рульку нажом. Зубкі часнаку і моркву нарэзаць тонкімі брусочкамі і нашпігаваць імі рульку. Нашпігаваную рульку пакласці ў рондаль з вадой, пасаліць, дадаць прыпраў і варыць 1 !4 гадзіны. Капусту брокалі разабраць на суквецці, прамыць кіпенем, дадаць у рондаль да рулькі і паварыць яшчэ 10 хвілін. Бульбу абабраць, памыць, нарэзаць скрылькамі, пасаліць. Свіную рульку, брокалі і бульбу пакласці на разагрэтую бляху з тлушчам і запячы ў духоўцы да гатовасці бульбы, пераварочваючы еміну.
КНІГІ ОНЛАЙН
