Моц смаку
Юры Качук
Памер: 232с.
Беласток 2010
‘Яатату
РУЛЬКА Ў ШВЕ
Складнікі:
1 свіная рулька, 1 ч. лыжка мёду, 1 галоўка часнаку, 1 морква, /г л піва, 30 г тлушчу, прыправы, соль.
Падрыхтаваную свіную рульку нашпігаваць морквай і часнаком, як і ў папярэднім рэцэпце. Потым нашмараваць скуру мёдам, а прыправамі і соллю нацерці ўсю паверхню рулькі. Пакласці свініну на разагрэтую бляху з тлушчам і запячы ў духоўцы да атрымання залацістай скарыначкі. Перакласці рульку ў гусятніцу, заліць півам, дасаліць да смаку і тушыць пад накрыўкай у духоўцы 2 гадзіны.
СВІНЫЯ НОЖКІ 3 ФАСОЛЛЮ
Складнікі:
2 свіныя ножкі, 1 шклянка фасолі, 1 цыбуліна, /2 галоўкі часнаку, 1 морква, 30 г тлушчу, соль, перац, лаўровы ліст, зеляніна пятрушкі.
Фасоль намачыць на некалькі гадзін. Затым адварыць у падсоленай вадзе да мяккасці.
Вычышчаныя і вымытыя ножкі заліць вадой, дадаць карэнні і прыправы, варыць на слабым агні да мяккасці. Звараныя ножкі выняць з адвару, нацерці ціснутым часнаком, пакласці на бляху, вышмараваную тлушчам, разам з варанай фасоллю, запячы ў духоўцы, некалькі разоў пераварочваючы. Гатовую страву пасыпаць чорным молатым перцам і зелянінай пятрушкі.
ПЕЧАНЬ СМАЖАНАЯ CA СМЯТАНАЙ
Складнікі:
600 г печані, 30 г свінога сала, 20 г мукі, 1 цыбуліна, 100 г смятаны, 25 г сметанковага масла, перац, соль.
Вымытую і вычышчаную печань нарэзаць кавалкамі, пасаліць, абкласці нарэзаным свіным салам, тушыць на слабым агні не больш за 10 хвілін. Калі з печані не цячэ ружовы сок, яна гатовая. Цыбулю нарэзаць кружочкамі, падсмажыць на сметанковым масле, дадаць муку, уліць шклянку вады, усыпаць солі, перцу, кіпяціць 5 хвілін, затым уліць смятану. Гэтай заправай заліць печань, закіпяціць.
ПЕЧАНЬ 3 ЦЫТРЫНАЙ
Складнікі:
700 г печані, 1 цыбуліна, 50 г смятаны, 50 г тлушчу, /2 цытрыны, 1 cm. лыжка мукі, соль, перац.
Печань ачысціць, нарэзаць кавалачкамі, пасаліць, абкачаць у муцэ, падсмажыць на тлушчы разам з цыбуляй, паскладаць у рондаль. Лыжку мукі падрумяніць на тлушчы, дадаць шклянку мяснога адвару, змяшанага са смятанай, паліць печань, пасыпаць цёртай цытрынавай скуркай, абкласці скрылькамі цытрыны, закіпяціць.
ТУШАНКА 3 СЭРЦА
Складнікі:
ІУ2 кгялавічнага сэрца, 1 бурак, 1 морква, 250 г салёных агуркоў, 250 г кіслай капусты, 1 цыбуліна, соль, перац, лаўровы ліст.
Сэрца ачысціць, прамыць, адварыць да гатовасці, нарэзаць кубікамі сярэдняй велечыні і абсмажыць у тлушчы да атрымання румянай скарынкі. Салёныя агуркі, бурак, моркву і цыбулю нарэзаць дробнымі кубікамі, кіслую капусту здрабніць. Усю еміну пакласці ў чыгунок, дадаўшы адвару ад сэрца, солі, перцу, a перад канцом тушэння лаўровага лісту.
Тушыць да гатовасці агародніны.
КУРЫЦА СМАЖАНАЯ 3 БУЛЬБАЙ
Складнікі:
1 курыца, 1 кг бульбы, 50 г сметанковага масла, 3 cm. лыжкі молатых сухароў, соль.
Падрыхтаваную курыцу насекчы на невялікія кавалачкі, кожны нашмараваць маслам, пасыпаць соллю, абкачаць у сухарах. Бульбу абабраць, памыць, нарэзаць скрылькамі, пасаліць. Мяса курыцы і бульбу пакласці на бляху з разагрэтым тлушчам і засмажыць у гарачай духоўцы.
КУРЫЦА СМАЖАНАЯ 3 ГРЫБАМІ
Складнікі:
1 курыца, 100 г грыбоў, 50 г сметанковага масла, 100 г смятаны, 1 морква, 1 цыбуліна, 50 г сыру, 2 cm. лыжкі таматавай пасты, соль, зеляніна пятрушкі.
Мяккія часткі курыцы, адвараныя да паловы гатовасці з дробна нарэзанымі карэннямі, а таксама адвараныя грыбы, нарэзаныя саломкай, пакласці на патэльню з разагрэтым тлушчам, пасаліць, абсмажыць, паліць смятанай, размешанай з таматавай пастай, пасыпаць цёртым сырам і засмажыць у духоўцы, каб зверху ўтварылася румяная скарыначка. Упрыгожыць зелянінай пятрушкі.
КУРЫЦА Ў ГАРБУЗЕ
Складнікі:
2 кг гарбуза, 1 кг курыцы, 100 г рысу, 500 г яблыкаў, 500 г сліў, 3 цыбуліны, 150 г сметанковага масла, алівы, зеляніна пятрушкі, соль.
Саспелы невялікі гарбуз вымыць, зрэзаць верхавіну, выдаліць насенне і частку мякаці. Курыцу пасекчы на часткі. На патэльні разагрэць сметанковае масла і абсмажыць курыцу да атрымання румянай скарыначкі. Цыбулю ачысціць, дробна нашаткаваць і абсмажыць да залацістага колеру. Яблыкі вымыць і выдаліць асяродак, затым нарэзаць кубікамі. Слівы вымыць і выдаліць костачкі. Рыс адварыць, змяшаць са смажанай цыбуляй і пакласці
ў гарбуз, затым кавалкі курыцы, а зверху паскладаць садавіну. Накрыць “гар-
бузовай” накрыўкай і замацаваць яе шыпулямі. Вышмараваць гарбуз маслам, паставіць на бляху і запячы ў разагрэтай духоўцы. Гатовы гарбуз выкласці на посуд, зняць накрыўку і ўпрыгожыць зелянінай і алівамі.
КУРАНЯ СМАЖАНАЕ
Складнікі:
1 кураня, 2 cm. лыжкі маянэзу, 1 cm. лыжка тлушчу, 100 г белага вінаграднага віна, перац, соль.
Вычышчанае і вымытае кураня нацерці соллю і перцам, вышмараваць маянэзам. Пакласці ў гусятніцу на растоплены тлушч, паставіць у гарачую духоўку. Калі падрумяніцца, заліць віно, агонь зменшыць і смажыць, пераварочваючы, да гатовасці.
КУРЫЦА АДВАРАНАЯ
Складнікі:
1 курыца, 1 морква, 1 цыбуліна, 50 г кораня пятрушкі, соль, зеляніна пятрушкі.
Падрыхтаваную курыцу варыць у падсоленай вадзе да паловы гатовасці. Затым дадаць падсмажаныя моркву, пятрушку і цыбулю і працягваць варыць. Звараную да мяккасці курыцу выняць з прыварку, падзяліць на часткі, пакласці на посуд, упрыгожыць зваранай агароднінай, паліць злёгку адварам, пасыпаць сечанай зелянінай пятрушкі.
КУРЫЦА КРЫПАНАЯ
Складнікі:
1 курыца,
Для накрыпкі:
200 г рысу, 100 г сметанковага масла, курыныя трыбухі, 2 яйкі, ‘А цыбуліны, 72 морквы, прыправы, зеляніна пятрушкі, соль.
Курыцу вытрыбушыць праз невялікую адтуліну, прарэзаную ў страўніку, усярэдзіне прамыць, выцерці, пасыпаць соллю. Трыбухі адварыць з дробна нарэзанымі цыбуляй, морквай і прыправамі ў невялікай колькасці вады, пад канец пакласці печань, варыць яшчэ 5 хвілін.
Рыс прамыць, адварыць да паловы гатовасці са сметанковым маслам. Трыбухі прапусціць праз мясасечку, змяшаць з рысам і яйкамі, пасаліць, усыпаць перац і сечаную зеляніну пятрушкі, падліць адвару з трыбухоў.
Накрыпаць курыцу прыгатаваным начыннем, зашыць адтуліну, пакласці ў гусятніцу і паставіць у гарачую духоўку. Смажыць, пераварочваючы, змазваючы тлушчам і паліваючы вадой, каб яна зарумянілася з усіх бакоў, затым агонь паменшыць. Запякаць пад накрыўкай, каб мяса не высахла, каля 1 гадзіны.
^атат^і
КАЧКА КРЫПАНАЯ
Складнікі:
1 качка, 400 г грыбоў, 1 цыбуліна, 30 г тлушчу, 1 яйка, 1 ч. лыжка мёду, прыправы, соль.
Качку ачысціць, нацерці соллю, перцам і мёдам. Грыбы адварыць, дробна нарэзаць, падсмажыць з цыбуляй, дадаць яйка, соль, перац; накрыпаць качку, зашыць і смажыць у духоўцы каля дзвюх гадзін.
ГУСЬ 3 КАПУСТАЙ
Складнікі:
1 гусь, 100 г кіслай капусты, 150 г яблыкаў, 1 цыбуліна, 50 г шмальцу, прыправы, соль, цукар.
Тушку гусі ачысціць, нацерці карыцай, мушкатовым арэхам ці гваздзіком, пасаліць.
Цыбулю падсмажыць на тлушчы, змяшаць з кіслай капустай, дадаць дробна нарэзаныя яблыкі, перац, лаўровы ліст, патушыць 15-20 хвілін. Накрыпаць гусь гэтым начыннем, зашыць і смажыць у духоўцы каля дзвюх гадзін, пераварочваючы, паліваючы шмальцам і апырскваючы вадой, каб гусь не падгарэла.
ГУСІНАЯ ШЫЙКА
Складнікі:
2 гусіныя шыйкі, грэцкія крупы, гусіныя вантробы, 1 цыбуліна, 20 г карэння салеры, 50 г шмальцу, соль, перац.
Зняць скуру з кожнай шыйкі, не папсаваўшы яе, так, каб яна выглядала, як кішка, нацерці перцам і соллю, зашыць кожную з аднога канца. Прыгатаваць кашу з грэцкіх круп. Накрыпаць адну шыйку смажанымі гусіным шмальцам і цыбуляй з кашай, а другую нарэзанымі гусінымі вантробамі з цыбуляй, чорным перцам, салерай і таксама кашай, пасля чаго зашыць. Зашытыя шыйкі пакласці ў гусятніцу або глыбокую патэльню і тушыць у духоўцы, дадаўшы трохі солі і вады.
ІНДЫЧКА СМАЖАНАЯ
Складнікі:
1 кг індычкі, 100 г тлушчу, 20 г мукі, 200 г смятаны, 50 г разынак, карыца, мушкатовы арэх, соль, зеляніна пятрушкі і кропу.
Індычку нарэзаць кавалкамі, пасыпаць соллю, карыцай і мушкатовым арэхам, смажыць на разагрэтым тлушчы.
Разынкі прамыць і зварыць, дадаць падсмажаную з тлушчам муку, развесці смятанай, дадаць гэтае паліванне да мяса, тушыць каля 40 хвілін. Затым пасыпаць зелянінай пятрушкі і кропу.
€ТРАВ;Ы 3; Д3:1 ЧЫ НЫ
КАНДЗЁР
Складнікі:
/ кг мяса, 200 г проса, 200 г бульбы, 1 морква, 5 зубкоў часнаку, 3 цыбуліны, лаўровы ліст, чорны молаты перац, соль.
У кіпень спачатку пакласці вымачанае мяса дзічыны і прамытае проса; варыць, пакуль яны не разварацца. Затым дадаць дробна нарэзаныя бульбу, моркву, часнок і цыбулю. Пасля гадзіны кіпення прысмакаваць лаўровым лістом, чорным перцам і соллю.
На апошнім этапе прыгатавання ў касцёр трэба падкласці сырыя дровы, найлепш ядлаўцовыя, каб выклікаць густы дым. Гэта патрабуецца для надання страве спецыфічнага кастравога водару; 15 хвілін патрымаць на невялікім агні, і страва прыгатавана.
СМАЖАНІНА ПАЛЯЎНІЧАЯ
Складнікі:
1 птушка (качка, дзікая гусь), соль.
Тлустую птушку (качку, дзікую гусь) абскубці, памыць, пачысціць, потым нацерці соллю, загарнуць у лісты лопуху, абмазаць глінай і закапаць у прысак, вогнішча ўвесь час падтрымліваць. Праз паўтары гадзіны птушку дастаць, перавярнуць, засыпаць гарачым вуголлем і пакінуць дапякацца яшчэ гадзіну. Пасля гэтага гліну разбіць, птушку ачысціць.
ЯЗЫК ВЕПРУКА
Складнікі:
1 язык вепрука, 1 лаўровы ліст, 5 гарошын духмянага перцу, 1 цыбуліна, 1 морква, соль.
У паляўнічы кацёл пакласці язык. Дадаць да смаку лаўровы ліст, гарошыны чорнага перцу, дробна нарэзаныя цыбулю і моркву, соль. Заліць вадой і варыць 4 гадзіны да мяккасці. 3 варанага языка зняць скурку і нарэзаць тонкімі ўкрухамі.
РАБРЫНЫ ПА-ПАЛЯЎНІЧАМУ
Складнікі:
1 кг рабрын вепрука, 1 cm. лыжка маянэзу, 2 cm. лыжкі таматавай пасты, 3 лаўровыя лісты, 1 цыбуліна, 2 cm. лыжкі алею, 1 cm. лыжка цёртага хрэну, 3 памідоры, 1 цытрына, перац, соль, зеляніна пятрушкі.
Загадзя замочаныя на 6 гадзін рабрыны пасячы, пасаліць, паперчыць, дадаць маянэз, таматавую пасту, цытрынавы сок, прыправы, лаўровы ліст, цыбулю, алей. Марынаваць яшчэ 6 гадзін. Рабрыны выкласці на рашотку, калі смажыць над вуголлем, ці на бляху, калі запякаць у духоўцы.
Памідоры нарэзаць дробнымі кубікамі, дадаць цёртага хрэну, ціснутага часнаку, дробку солі. Усё дбайна перамяшаць і гэтым паліць прыгатаваныя рабрыны. Пасыпаць зелянінай пятрушкі.
КНІГІ ОНЛАЙН
