Пакаштуйце — смачна
Уладзімір Рэутовіч, Тамара Рэутовіч
Выдавец: Полымя
Памер: 319с.
Мінск 1993
У скрыляй пакласці змельчаны на тарцы сыр, дадаць расцёртыя жаўткі, узбіць бялкі, перамяшаць. Выкласці ў змазаны маслам посуд, паліць маслам і запячы ў духоўцы.
На стол запяканку падаць у тым посудзе, у якім яна гатавалася. Асобна падаць смятану.
КАЛДУНАЙ
2 шклянкі мукі, 2 яйкі, 0,3—0,5 шклянкі вады, соль.
Для фаршу: 300 г ялавічыны (мякаць), 200 г лою, 1 цыбуліна, соль, перац, маяран.
3 мукі, яек, солі і вады (яе іншы раз замяняюць сокам цыбулі) замясіць не вельмі крутое цеста, паставіць яго на 30 хвілін у халоднае месца.
Ачышчанае ад плевак мяса прапусціць разам з цыбуляй праз мясарубку, дадаць наструганы нажом лой, соль, перац, маяран, уліць некалькі лыжак вады або булёну, старанна перамяшаць.
Цеста раскачаць тонкім слоем. Некалькі адступіўшы ад краю, класці на цеста шарыкі начынкі, затым край цеста загарнуць і спецыяльнай зубчастай выемкай або шкляначкай выразаць пельмені, зашчыпаць іх.
Калдунай апусціць у падсоленую ваду, якая кіпіць, варыць 7—8 хвілін. Выкласці ў глыбокія талеркі, заліць булёнам, у якім гатаваліся калдунай.
ВІРЦІНЯЙ
2 шклянкі мукі, 2 яйкі, 0,3—0,5 шклянкі вады, соль.
Для начынкі: 8 бульбін, 50 г сала, 2 цыбуліны, 1 ст. лыжка топленага масла, соль, перац.
Для падліўкі: 50 г сала, 0,5 шклянкі смятаны.
Прыгатаваць цеста, як для калдунай.
Абабраную бульбу надраць на тарцы, адціснуць, дадаць дробна нарэзанае сала, падсмажаную на масле цыбулю, соль, перац, перамяшаць.
Цеста тонка раскачаць, нарэзаць квадратамі 6X6 см. Пакласці на кожны квадрат начынку, краі старанна зашчыпаць, бо вірціняй трэба варыць даволі доўга.
Падскварыць нарэзанае сала, дадаць смятану. Гэтым соусам паліць звараныя ў падсоленай вадзе вірціняй.
БУЛАЧКІ ТУШАНЫЯ
500 г мукі, 1 шклянка малака, 10 г дражджэй, 1 ч. лыжка цукру, 2 ст. лыжкі топленага масла, 0,5 шклянкі смятаны, соль.
3 вечара паставіць цеста, замешанае з падагрэтага малака, '/3 часткі мукі і дражджэй. Раніцай дадаць рэшту мукі і соль, замясіць некрутое цеста і паставіць у цёплае месца, каб паднялося. Раскачаць яго ў выглядзе валікаў, нарэзаць кавалачкамі, выкласці на бляху, даць пастаяць. Затым змазаць малаком з цукрам і выпечы ў духоўцы.
Выпечаныя булачкі пакласці ў міску, апырскаць растопленым маслам, накрыць і паставіць у нагрэтую духоўку на 10 хвілін.
Падаць булачкі з растопленым маслам, змешаным са смятанай.
ТВАРОГ 3 ВЯРШКАМІ
400 г тварагу, 0,75 шклянкі вяршкоў, 1,5 ст. лыжкі цукру, карыца.
Тварог добра расцерці або працерці праз сіта, дадаць вяршкі, перамяшаць. Асобна падаць цукар, змешаны з карыцай.
ТВАРОГ 3 КМЕНАМ
400 г тварагу, 1 ст. лыжка кмену, 4 ст. лыжкі смятаны, соль.
У добра расцёрты тварог дадаць няпоўную сталовую лыжку кмену, смятану, соль, усё перамяшаць.
Падаць да варанай бульбы або выкарыстаць для бутэрбродаў.
ТЕАРОГ 3 СЕЯЯДЦОМ
400 г тварагу, 1 вэнджаны селядзец, 4 ст. лыжкі смятаны, 1 цыбуліна, 1 ст. лыжка тамату-пюрэ, 1 ч. лыжка прыгатаванай гарчыцы, 1 ч. лыжка сметанковага масла.
3 селядца зняць скуру, выдаліць косткі, затым дробна пасячы. Расцёрты тварог змяшаць з падрыхтаваным селядцом, дадаць смятану, тамат-пюрэ, гарчыцу, падсмажаную на масле змельчаную цыбулю, старанна перамяшаць.
Падаць з гарачай бульбай.
ТВАРОГ 3 МЕДАМ
300 г тварагу, 1 ст. лыжка цукру, 1 ст. лыжка мёду, 3 яечныя жаўткі, 1 ст. лыжка сметанковага масла, 4 ст. лыжкі смятаны.
Жаўткі расцерці з цукрам. He перастаючы расціраць, дадаць растоплены мёд, размякчанае масла. Затым пакласці расцёрты тварог, перамяшаць, паліць смятанай.
СЫРНІКІ 3 БУЯЬЕАЙ
500 г тварагу, 500 г бульбы, 1 яйка, 1 шклянка мукі, 1 ст. лыжка топленага масла, 1 шклянка смятаны, соль.
Абабраную бульбу зварыць у падсоленай вадзе, патаўчы, астудзіць, дадаць расцёрты тварог, муку, яйка, соль, перамяшаць. 3 атрыманай масы сфармаваць круглыя сырнікі, абсмажыць на дсбра разагрэтым масле з абодвух бакоў або пакласці на змазаную
маслам бляху і выпякаць у духоўцы да ўтварэння румянай скарынкі.
Гарачыя сырнікі падаць са смятанай.
БУЛАЧКІ 3 ТВАРАГУ
1 кг тварагу, 3 шклянкі мукі, 2 яйкі, 7 ч. лыжка соды, 1 ст. лыжка сметанковага масла, 0,5 шклянкі смятаны, соль, 0,5 ст. лыжкі тлушчу.
Пакласці ў міску расцёрты тварог, змешаную з содай муку, яйкі, соль. Замясіць цеста, скачаць з яго валікі, абсыпаць іх мукой, разрэзаць на касыя кавалачкі, выкласці на змазаную тлушчам бляху і выпякаць у печы або духоўцы, пакуль не зарумяняцца.
Падаць з растопленым маслам, змешаным са смятанай.
СЫР СМАЖАНЫ
500 г літоўскага (белага) сыру, 3—4 ст. лыжкі малака, 1 яйка, соль, 3—4 ст. лыжкі мукі, топленае масла або сала для смажання.
Узбіць яйка з соллю і малаком, дадаць муку, добра расцерці. Цеста павінна быць сярэдняй гушчыні, Нарэзаны скрылькамі сыр мачаць у цеста і смажыць на добра разагрэтым сале або масле.
Падаць са смятанай або цукрам.
АЛАДКІ НА МАЛОДЗІВЕ
0,5 л малодзіва, 3 шклянкі мукі, 0,5 ч. лыжкі соды, 1 шклянка малака або вады, соль, алей.
3 малодзіва, малака (вады), соды і солі прыгатаваць не вельмі густое цеста. На добра разагрэтую патэльню з алеем выкладваць лыжкай невялікія аладкі і смажыць з абодвух бакоў.
Падаць са смятанай або растопленым маслам.
МАЛОДЗІВА 3 САЛАМ
7 л малодзіва, 2 шклянкі малака, 100 г сала, 7 цыбуліна, 3 ст. лыжкі мукі, соль.
Змяшаць муку з невялікай колькасцю малака, уліць малодзіва, астатняе малако, добра перамяшаць. У посудзе для запякання падскварыць нарэзанае невялікімі прадаўгаватымі кавалачкамі сала разам са змельчанай цыбуляй, уліць падрыхтаваную масу і запякаць у печы або духоўцы да загушчэння.
МУЧНЫЯ ВЫРАБЫ
БУЛКА ЗДОБНАЯ
1 кг пшанічнай мукі, 30 г дражджэй, 1,5 шклянкі малака, 80 г маргарыну, 50 г цукру, 1 яйка, соль.
Дрожджы накрышыць, дадаць чайную лыжку цукру і расцерці, змяшаць з нагрэтым (але не вышэй за 35°) малаком, усыпаць палову мукі, замясіць цеста, пасыпаць тоўстым слоем мукі, накрыць сурвэткай і паставіць у цёплае месца.
Пасля таго, як цеста паднімецца, дадаць рэштку мукі, соль, расцёрты з цукрам жаўток, старанна вымесіць, у канцы замесу дадаць растоплены маргарын і ўзбіты бялок. Паверхню цеста змазаць тлушчам (каб яно не пакрылася скарынкай) і даць падысці яшчэ раз.
Гатовым цестам запоўніць формы да 2/э іх аб'ёму, даць пастаяць яшчэ крыху, выпякаць каля гадзіны.
БУЛАЧКІ 3 КМЕНАМ
600 г мукі, 30 г дражджэй, 1 шклянка малака, 1 ст. лыжка цукру, 2—3 яйкі, 50 г маргарыну, 50 г сметанковага масла, соль, кмен.
Прыгатаваць цеста, як для здобнай булкі. Калі цеста паднімецца, сфармаваць з яго круглыя булачкі, зверху вострым нажом зрабіць надрэз крыж-накрыж. Перад выпечкай змазаць кожную булачку яйкам, а зверху, у надрэз, пакласці кавалачак масла і пасыпаць кменам. Выпякаць каля 20 хвілін.
БУЛАЧКІ 3 САЛАМ
500 г мукі, 1 шклянка малака, 15 г дражджэй, 1 ч. лыжка цукру, 2 жаўткі, 50 г маргарыну, 50 г сухароў, 250 г вэнджанага або салёнага сала, 1 цыбуліна, 0,5 ч. лыжкі духмянага перцу, 0,5 ч. лыжкі карыцы і гваздзікі, 1 ч. лыжка топленага масла, соль.
Прыгатаваць цеста, як для здобнай булкі. Дробна парэзаную цыбулю падсмажыць на масле, на гэту ж патэльню пакласці маленькія кавалачкі сала, прагрэць яго, але не смажыць. Зняць сала з агню, пакласці ў яго перац, карыцу, гваздзіку, молатыя сухары, перамяшаць.
Гатовае цеста раскачаць у пласт таўшчынёй 1 см і шклянкай выразаць кружкі. На кожны пакласці па 1 ч. лыжцы начынкі, скласці кружок напалам і зашчыпаць краі. Выкласці булачкі на бляху швом уніз. Калі яны паднімуцца, выпечы ў духоўцы да румянага колеру.
ПАЛЬЧЫКІ ДА ПІВА
400 г мукі, 15 г дражджэй, 1 ст. лыжка цукру, 120 г маргарыну, 0,75 шклянкі малака, 2 яйкі, 1 ч. лыжка кмену, соль.
3 расцёртых з цукрам дражджэй, мукі, малака, яйка і маргарыну замясіць цеста. Накрыць яго сурвэткай і паставіць на некалькі гадзін на холад. Затым раскачаць цеста ў пласт таўшчынёй 5—7 мм, разрэзаць яго на палоскі шырынёй 1 см, даўжынёй 10— 12 см.
Перад выпечкай змазаць палоскі яйкам і пасыпаць соллю з кменам. Выпякаць у духоўцы, пакуль пальчыкі не зарумяняцца.
СУХАРЫКІ ЛІТОЎСКІЯ
600 г мукі, 30 г дражджэй, 100 г цукру, 2 жаўткі, 1 шклянка малака або вяршкоў, 50 г сметанковага масла, соль.
Для бялковай глазуры: 1 бялрк, 200 г цукровай пудры, 1 ч. лыжка лімоннага соку.
Прыгатаваць цеста, як для здобнай булкі. Сфар-
маваць з яго прадаўгаватыя валікі таўшчынёй каля 5 см і даўжынёй 30—40 см. Кожны валік загарнуць у прамасленую пергаментную паперу, якая павінна быць удвая даўжэй за валік, бо цеста, не маючы магчымасці падняцца, папаўзе па папяровай трубцы да яе канцоў.
Загарнутыя валікі паставіць на гадзіну ў цёплае месца, а затым выпечы ў духоўцы (20—30 хвілін). Пасля таго як валікі астынуць, парэзаць іх на тонкія скрылькі, з аднаго боку змазаць бялковай глазурай і падсушыць у негарачай духоўцы.
Каб прыгатаваць глазуру, трэба драўлянай лыжкай расціраць бялок з цукровай пудрай, пакуль не ўтворыцца пышная маса, а аб'ём павялічыцца ў 2— 3 разы. У канцы расцірання паступова ўліць лімонны сок.
ПЕРНІК вясковы
500 г пшанічнай мукі, 300 г мёду, 3 яйкі, 1 шклянка цукру, 1 шклянка смятаны або сыраквашы, 1 ч. лыжка соды, 2 ч. лыжкі сумесі молатых карыцы, гваздзікі, духмянага перцу.
Мёд пракшяціць, затым ахаладзіць. Жаўткі расцерці з цукрам дабяла, дадаць смятану, мёд, прыправы, муку, змешаную з содай, і добра выбіць. Узбіць бялкі і ўвесці ў цеста, асцярожна перамяшаць, выкласці на бляху і адразу ж выпечы ў духоўцы. Гатовы пернік астудзіць, нарэзаць кавалкамі.
ПЕРНІК 3 ЖЫТНЯЙ МУКІ
500 г жытняй мукі, 0,5 шклянкі цукру, 0,5 шклянкі смятаны, 2—3 яйкі, 200 г мёду, 0,5 ч. лыжкі соды, 1 ч. лыжка тлушчу, 1 ст. лыжка сухароў, 1 ч. лыжка сумесі молатых карыцы, гваздзікі, духмянага перцу.
Мёд закіпяціць, ахаладзіць. Жаўткі расцерці з цукрам, паступова дадаць мёд, прыправы і смятану. Затым усыпаць прасеяную муку, змешаную з содай, цеста выбіць, увесці ўзбітыя бялкі, асцярожна перамяшаць.
Падрыхтаваную масу выкласці на бляху, змаза-
ную тлушчам і пасыпаную сухарамі, слоем 1,5—2 см і выпечы ў даволі гарачай духоўцы. Гатовы пернік астудзіць, нарэзаць кавалкамі.
ПЕРНІК МЯККІ
400 г пшанічнай мукі, 4 жаўткі, 4 ст. лыжкі цукру, 400 г мёду, 3 ст. лыжкі смятаны, 1 ч. лыжка соды, 2 ч. лыжкі сумесі молатых карыцы, гваздзікі, духмянага перцу.
КНІГІ ОНЛАЙН
