Пакаштуйце — смачна
Уладзімір Рэутовіч, Тамара Рэутовіч
Выдавец: Полымя
Памер: 319с.
Мінск 1993
Падаць у супавой місцы, асобна падаць нацёрты сыр.
КУРАНЯТЫ, ТУШАНЫЯ Ў СМЯТАНЕ
2 кураняты, 1—2 цыбуліны, 2 ст. лыжкі маргарыну, 7 ст. лыжка мукі, 2 ст. лыжкі тамату-пюрэ, 1 шклянка смятаны, 1 ст. лыжка зелені пятрушкі, соль, чырвоны перац.
У выпатрашаных і вымытых куранят адрэзаць шыйкі і лапкі. Кожнае разрэзаць на 4 часткі, пасаліць, даць паляжаць каля гадзіны, затым абсыпаць мукой і абсмажыць на маргарыне. Пакласці ў каструлю, дадаць нарэзаную кружкамі і абсмажаную цыбулю, уліць трошкі больш за шклянку вады і тушыць на слабым агні пад накрыўкай. Калі кураняты стануць мяккімі, а вада амаль выпарыцца, заліць іх смятанай, змешанай з таматам, дадаць соль, чырвоны перац і нядоўга патушыць усё разам.
Перад падачай на стол пасыпаць куранят дробна нарэзанай пятрушкай.
КУРЫЦА Ў МАЯНЭЗЕ
7 курыца, 200 г агародніны (морква, карані пятрушкі і сельдэрэю, цыбуля і інш.), 200 г маянэзу, 3—4 гарошыны чорнага і духмянага перцу, 7 лаўровы ліст, соль.
Падрыхтаваную курыцу пакласці ў падсоленую ваду, якая кіпіць, дадаць ачышчаную агародніну і варыць на слабым агні да гатоўнасці. Даць курыцы астыць у булёне, затым выняць яе, парэзаць на кавалкі, асцярожна, каб не змяніць іх форму, выдаліць косткі.
Кавалкі курыцы выкласці на блюда і заліць маянэзам.
КАЧКА ФАРШЫРАВАНАЯ
7 качка, 100 г чэрствай булкі, 7 шклянка малака, 2—3 ст. лыжкі сухароў, 1 ст. лыжка зелені пятрушкі, 7 сг. лыжка сметанковага масла, 2 яйкі, соль, перац, мускатны арэх, маяран.
Падрыхтаваную качку нацерці соллю і маяранам (у парашку), даць гадзіну пастаяць. Замочаную ў малацэ і адціснутую булку прапусціць праз мясарубку
разам з пячонкай качкі, дадаць соль, перац, мускатны арэх, дробна нарэзаную зелень пятрушкі, тоўчаныя сухары, перамяшаць з маслам, расцёртым з жаўткамі, увесці ўзбітыя бялкі. Гэтай масай, якая павінна быць пышнай, нафаршыраваць качку, добра зашыць яе.
Падрыхтаваную качку пакласці на бляху, паліць вытапленым шмальцам, апырскаць вадой і паставіць у гарачую духоўку. Смажыць, паліваючы сокам і шмальцам. Гатовую качку разрэзаць, выкласці на блюда такім чынам, каб яна выглядала цэлай.
ШМАЛЕЦ 3 ЯБЛЫКАМІ
300 г шмальцу, 2 кіслыя яблыкі, 2 цыбуліны, 100 г здору, соль, цукар.
Шмалец прамыць, парэзаць, ператапіць. Дробна нарэзаць цыбулю, падсмажыць яе на здоры да светла-залацістага колеру, затым дадаць ачышчаныя і змельчаныя на буйной тарцы яблыкі, тушыць разам, пакуль яблыкі стануць такімі мяккімі, што іх можна будзе расцерці. Змяшаць растоплены шмалец, з якога выняты скваркі, з цыбуляй і яблыкамі, злёгку пасаліць, дадаць трошкі цукру. Пакуль шмалец астывае, яго трэба перемешваць, каб цыбуля і яблыкі не аселі на дно.
Шмалец з яблыкамі намазваецца на хлеб.
РЫБНЫЯ СТРАВЫ
СЕЛЯДЗЕЦ У СМЯТАНЕ
500 г селядца, 1 цыбуліна, 1 яблык, 0,75 шклянкі смятаны, соль, цукар, лімонны сок або воцат, зелень пятрушкі.
3 вымачаных селядцоў аддзяліць філе, кожную палавінку нарэзаць на 3—4 часткі, пакласці ў селядзечніцу. Яблык памыць, змяльчыць на буйной тарцы. Цыбулю пачысціць, пакрышыць.. Яблык і цыбулю змяшаць са смятанай, дадаць па смаку соль,
цукар, лімонны сок або воцат. Падрыхтаваным соусам заліць селядзец, зверху пасыпаць зеленню пятрушкі.
КЛТЛЕТЫ РЫБНЫЯ
600 г філе траскі або іншай рыбы, 50 г чэрствай булкі, 0,75 шклянкі малака, 2 ст. лыжкі сухароў, 1 цыбуліна, ) яйка, 100 г алею, соль, перац.
Булку намачыць у малацэ, адціснуць, падсмажыць нарэзаную кружкамі цыбулю. Рыбнае філе, булку і цыбулю прапусціць два разы праз мясарубку, дадаць соль, яйка, перац, старанна вымешаць, каб атрымалася пышная маса. Сфармаваць круглыя катлеты, укачаць іх у сухары, смажыць у разагрэтым алеі да светла-залацістага колеру.
Падаць з бульбай або салатай з сырой агародніны.
КЯОПСЫ 3 РЫБЫ 3 КРОПАМ
600 г рыбнага філе, 50 г чэрствай булкі, 0,75 шклянкі малака, 1 цыбуліна, 40 г тлушчу, 0,75 шклянкі смятаны, 1 яйка, 2 ст. лыжкі змельчаных сухароў, 1 ст. лыжка мукі, зелень кропу, соль, перац.
Філе шчупака, траскі або іншай рыбы разам з намочанай у малацэ і адціснутай булкай, змельчанай падсмажанай цыбуляй прапусціць два разы праз мясарубку, дадаць яйка, соль, перац, добра вымешаць. Сфармаваць невялікія круглыя клопсы, укачаць іх у сухары, зверху злёгку прыціснуць і абсмажыць у разагрэтым тлушчы з абодвух бакоў.
Пакласці клопсы адным слоем у плоскую каструлю, уліць шклянку вады і тушыць на невялікім агні каля 20 хвілін. Адліць некалькі лыжак булёну, ахаладзіць яго, развесці ў ім падсмажаную на тлушчы муку, уліць у каструлю, дадаць соль, перац, тушыць яшчэ некалькі хвілін. Зняць з агню, уліць смятану, усыпаць дробна парэзаны кроп, асцярожна перамяшаць, устрэсваючы каструлю.
Выкласці клопсы ў глыбокае блюда, заліць соусам, які атрымаўся пры тушэнні.
КАРП ФАРШЫРАВАНЫ (3 ГРЫБАМІ)
1 карп (каля 1,2 кг), 250 г агародніны (морква, карані пятрушкі і сельдэрэю, цыбуля і інш.), 100 г шампіньёнаў або іншых грыбоў, 1 яйка, 1 ч. лыжка сметанковага масла, 1 ст. лыжка манных круп, 30 г булкі, 0,5 шклянкі малака, соль, перац (у тым ліку і духмяны), лаўровы ліст.
Карпа ачысціць ад лускі, зрэзаць плаўнікі і хвост. Надрэзаць скуру вакол галавы і, не разразаючы рыбіну, выдаліць галаву і вантробы. Карпа прамыць, нарэзаць кавалкамі шырынёй 3 см. Самыя прыгожыя, прыблізна аднолькавыя кавалкі адкласці для фаршыравання, з астатніх зняць мякаць. 3 галавы, костак і агародніны зварыць булён, пад канец варкі пакласці соль, духмяны перац, лаўровы ліст.
Шампіньёны або іншыя свежыя грыбы (можна выкарыстаць і сушаныя) прамыць, парэзаць як мага танчэй, пакласці ў разагрэтае масла, дадаць нарэзаную кружкамі цыбулю, соль, перац, тушыць на працягу 10 хвілін. Намочаную ў малацэ булку, мякаць рыбы, тушаныя грыбы і цыбулю прапусціць праз мясарубку. Змяшаць з яйкам, маннымі крупамі, дзвюма сталовымі лыжкамі вады або малака, дадаць соль, перац, добра расцерці. Павінна атрымацца густая пышная маса. Гэтым фаршам запоўніць кавалкі рыбы.
Падрыхтаваную рыбу пакласці ў каструлю (лепш на рашотку), заліць працэджаным булёнам, варыць на слабым агні 25—30 хвілін, пакінуць у булёне, пакуль рыба не астыне.
РЫБА, ТУШАНАЯ 3 ПАМІДОРАМІ
1 кг карпа (траскі), 2 цыбуліны, 300 г памідораў, 1 ч. лыжка гарчыцы, 1 ст. лыжка мукі, 0,75 шклянкі смятаны, тлушч для смажання, соль, перац.
Апрацаваную і прамытую рыбу нарэзаць кавалкамі шырынёй 3 см, пасаліць, абсыпаць мукой, абсмажыць з абодвух бакоў. Цыбулю ачысціць, нарэзаць кружкамі, падсмажыць да светла-залацістага колеру.
Выкласці цыбулю ў каструлю, дадаць нарэзаныя скрылькамі памідоры, гарчыцу, зверху пакласці ры-
бу, уліць шклянку вады. Тушыць на слабым агні 15—20 хвілін. Асцярожна выняць рыбу, накрыць яе, каб не астыла. Соус, у якім тушылася рыба, працерці праз друшляк, заправіць мукой, дадаць соль, перац, ускіпяціць, уліць смятану. Заліць рыбу.
РЫБА, ЗАПЕЧАНАЯ 3 ХРЭНАМ
800 г карпа (траскі), 0,75 шклянкі смятаны, 80 г хрэну, 60 г сметанковага масла, воцат, соль, цукар.
Падрыхтаваную рыбу апырскаць воцатам, пасаліць, пакласці ў змазаны маслам посуд для запякання, паліць растопленым маслам і паставіць ва ўмерана нагрэтую духоўку. Запякаць 30—40 хвілін, часта паліваючы сокам, які ўтварыўся пры запяканні.
Ачышчаны і вымыты хрэн змяльчыць на дробнай тарцы, змяшаць яго са смятанай, дадаць соль, цукар. Гэтай сумессю абліць рыбу і запякаць яшчэ некалькі хвілін. Выкласці рыбу на блюда, падаць з бульбай.
ТРАСКА, ЗАПЕЧАНАЯ 3 ГРЫБАМІ
600 г траскі, 20 г сушаных грыбоў, 800 г бульбы, 100 г цыбулі, 1 ст. лыжка мукі, 50 г тлушчу, 0,75 шклянкі смятаны, 1 ст. лыжка зелені пятрушкі, соль, перац.
Траску ачысціць, памыць, аддзяліць філе, нарэзаць кавалкамі. Пасаліць, абсыпаць мукой і абсмажыць на разагрэтым тлушчы. Абсмажыць да светлазалацістага колеру цыбулю, нарэзаную кружкамі. Папярэдне замочаныя і прамытыя грыбы зварыць, нарэзаць тонкімі палоскамі. Адварыць да напаўгатоўнасці бульбу ў лупінах, абабраць.
У неглыбокую каструлю пакласці слаямі скрылькі бульбы, рыбу, цыбулю і грыбы, прыкрыць слоем бульбы, пасыпаць соллю, перцам, заліць смятанай, змешанай з грыбным булёнам, і запячы ў духоўцы.
Пры падачы на стол пасыпаць змельчанай пятрушкай.
РЫБА, ЗАПЕЧАНАЯ 3 РАЖКАМО
400 г рыбнага філе, 300 г ражкоў, 50 г тлушчу, 1 цыбуліна, 0,75 шклянкі смятаны, I жаўток, 40 г сыру, соль, перац.
Нарэзаную кружкамі цыбулю абсмажыць да светла-залацістага колеру, дадаць кавалкі рыбы, пасаліць, пасыпаць перцам, уліць 0,75 шклянкі вады і тушыць на слабым агні каля 20 хвілін.
У вялікай колькасці падсоленай вады зварыць ражкі, працадзіць, абліць гарачай вадой, перамяшаць з паловай тлушчу.
У змазаны тлушчам сатэйнік пакласці слой ражкоў, слой рыбы і зноў ражкі, заліць смятанай, змешанай з сырым жаўтком і соллю. Зверху пасыпаць сырам, змельчаным на буйной тарцы. Запячы ў духоўцы. Страва гатова, калі сыр злёгку зарумяніцца.
СТРАВЫ
3 АГАРОДНІНЫ
САЛАТА 3 ПАМ1ДОРАЎ I ЯЕК
400 г памідораў, 3—4 яйкі, 100 г свежых агуркоў, 100 г салёных агуркоў, 0,75 шклянкі смятаны, 2 зубкі часнаку, 1 ст. лыжка зялёнай цыбулі, соль, цукар.
Звараныя ўкрутую яйкі, памідоры і агуркі нарэзаць кружкамі, дадаць расцёрты з соллю часнок, трошкі цукру, палову нарэзанай зялёнай цыбулі, уліць смятану, асцярожна перамяшаць. Перакласці ў шкляную салатніцу, пасыпаць рэштай зялёнай цыбулі.
САЛАТА 3 ПАМІДОРАЎ I СЛІЎ
150 г памідораў, 150 г сліў, 100 г яблыкаў, 100 г свежых агуркоў, 3—4 ст. лыжкі алею, соль, цукар, воцат.
Памідоры, слівы, яблыкі памыць, нарэзаць тонкімі палоскамі. Агуркі ачысціць і парэзаць гэтак жа. Усё перамяшаць з алеем, дадаць па смаку соль,
цукар, воцат. Салату ўпрыгожыць кружкамі памідораў і долькамі сліў.
САЛАТА 3 ПАМІДОРАЎ I ГРУШ
200 г памідораў, 200 г груш, 100 г салодкага перцу, 3—4 ст. лыжкі алею, соль, цукар, лімонны сок або воцат.
Памідоры і ачышчаныя грушы нарэзйць брусочкамі. Абрэзаць вярхушкі салодкіх перцаў разам са сцяблом, выдаліць насенне, нарэзаць дробнымі палоскамі. Усё перамяшаць з алеем, заправіць соллю, цукрам, лімонным сокам або воцатам.
САЛАТА 3 ЦЫБУЛі-ПАРЭЮ I ЯБЛЫКАЎ
200 г парэю, 200 г яблыкаў, 0,5 шклянкі маянэзу.
Цыбулю-парэй вымыць у праточнай вадзе, ачысціць. Светлыя часткі нарэзаць тонкімі палоскамі, зялёныя — пасячы. Яблыкі вымыць, змяльчыць на буйной тарцы, змяшаць з палоскамі парэю, заправіць маянэзам. Выкласці ў салатніцу, пасыпаць зялёным парэем.
КНІГІ ОНЛАЙН
