Пакаштуйце — смачна
Уладзімір Рэутовіч, Тамара Рэутовіч
Выдавец: Полымя
Памер: 319с.
Мінск 1993
БЯІНЦЫ 3 ПЕНАЙ
200 г мукі, 2 яйкі, 1 шклянка малака, 1 шклянка вады, соль, кавалак сала для змазвання патэльні.
Перамяшаць жаўткі з малаком, вадой і часткай мукі. •
Увесці ўзбітыя бялкі, асцярожна перамяшаць, дадаючы рэшту мукі і соль. Чыстую патэльню разагрэць, змазаць кавалкам сала. Апалонікам набіраць цеста і выліваць яго на гарачую патэльню. Смажыць блінцы з абодвух бакоў на раўнамерным слабым агні. Падсмажаныя блінцы складваць на перавернутую талерку.
БЛІНЦЫ БЕЗ ПЕНЫ
200 г мукі, 2 яйкі, 1 шклянка малака, 1 шклянка вады, соль, кавалак сала для змазвання патэльні.
Яйкі ўзбіць, дадаючы патроху муку і малако, змешанае з вадой, пасаліць. На разагрэтую, змазаную патэльню наліваць апалонікам цеста. Смажыць бліны з абодвух бакоў. 3 указанай колькасці прадуктаў павінна атрымацца 16—20 блінцоў сярэдняй велічыні.
БЛІНЦЫ 3 ЯЙКАМІ
б яек, 2 цыбуліны, 30 г тлушчу, 40 г чэрствай булкі, 2 ст. лыжкі смятаны, соль, перац.
Прыгатаваць блінцы (гл. «Блінцы без пены»), але перш чым пачаць іх смажыць, адліць 4—5 ст. лыжак цеста.
Нарэзаную кружкамі цыбулю абсмажыць да залацістага колеру. Булку замачыць у вадзе або малацэ, адціснуць. Вараныя яйкі, цыбулю і булку прапусціць праз мясарубку, дадаць смятану, соль, перац, перамяшаць.
Кожны блінец намазаць начынкай, скруціць тугой трубачкай, абмакнуць у цеста, укачаць у сухары і абсмажыць на тлушчы.
БЛІНЦЫ 3 КАПУСТАЙ
1 кг свежай капусты, 4—5 сушаных грыбоў, 1 цыбуліна, 80 г тлушчу, соль, перац.
Прыгатаваць блінцы (гл. «Блінцы без пены»),
Загадзя замочаныя грыбы зварыць. Адварыць у падсоленай вадзе лісты капусты, абсушыць іх з дапамогай сурвэткі. Кружкі цыбулі падсмажыць да залацістага колеру. Грыбы, капусту, цыбулю прапусціць праз мясарубку, дадаць соль, перац, перамяшаць.
Падсмажаныя блінцы выкласці так, каб адзін прыкрываў частку другога (па тры штукі). На блінцах раўнамерна раскласці начынку. Скруціць тры блінцы ў трубку, зрабіць з яе кружок, канцы падвярнуць. Выкласці на патэльню з разагрэтым тлушчам, апырскаць зверху таксама растопленым тлушчам. Паставіць на 10—15 хвілін у гарачую духоўку.
Пры падачы на стол нарэзаць. Блінцы можна падсмажыць і на пліце, асцярожна пераварочваючы.
БЛІНЦЫ 3 ТВАРАГОМ
250 г тварагу, 1 жаўток, 3 ст. лыжкі смятаны, 60 г тлушчу, 3 ст. лыжкі цукровай пудры, соль, цукар, ванілін. ~
Прыгатаваць блінцы (гл. «Блінцы з пенай»).
Тварог працерці праз сіта або прапусціць праз
мясарубку, дадаць жаўток, цукар, соль, ванілін, смятану, усё расцерці. Атрыманай тварожнай масай намазаць блінцы, скласці напалам, затым яшчэ раз напалам (хусцінкай). Смажыць з абодвух бакоў на разагрэтым тлушчы да светла-залацістага колеру.
Падаць гарачымі, пасыпаўшы цукровай пудрай.
АЛАДКІ 3 РЭВЕНЕМ
350—400 г мукі, 0,5 л сыраквашы, 3 яйкі, 0,5 ч лыжкі соды, 400 г рэвеню, 3 ст. лыжкі цукровай пудры, 100 г алею, соль, цукар.
Сыраквашу змяшаць з яйкамі, мукой, соллю і цукрам. Вымесіць лыжкай так, каб атрымалася гладкая пышная маса, як густая смятана. У канцы вымешвання дадаць соду. Сцяблы рэвеню, з якіх знята скурка, нарэзаць кавалачкамі, пакласці ў цеста, перамяшаць. Выкладваць лыжкай невялікія аладкі на разагрэты алей, падрумяніць з абодвух бакоў.
Падаць гарачымі, абсыпаўшы цукровай пудрай.
КАША ЯЧНАЯ, ЗАПЕЧАНАЯ 3 ГРЫБАМІ
300 г ячных круп, 80 г тлушчу, 1 цыбуліна, 1 яйка, 800 г свежых грыбоў, 0,75 шклянкі смятаны, 40 г сыру, соль, перац.
Уліць у каструлю ваду (у два разы болып за аб'ём круп), закіпяціць яе, дадаць соль, частку тлушчу, засыпаць крупы, перамяшаць, варыць на слабым агні. Калі крупы ўбяруць усю ваду, паставіць капгу даварвацца ў духоўку або на парьі.
Грыбы ачысціць, прамыць, нарэзаць тонкімі скрылькамі, дадаць нарэзаную кружкамі цыбулю, тлушч, соль, перац, уліць некалькі лыжак вады і тушыць да мяккасці грыбоў.
У змазаны тлушчам посуд для запякання пакласці палову кашы, на яе — слой тушаных грыбоў, зверху накрыць слоем кашы. Заліць падсоленай смятанай, змешанай з яйкам. Пасыпаць цёртым сырам і паставіць у нагрэтую духоўку. Страва гатова, калі сыр злёгку падрумяніцца.
КАТЛЕТЫ 3 АЎСЯНЫХ КРУП «ГЕРКУЛЕС»
300 г аўсяных круп «Геркулес», 2 яйкі, 80 г тлушчу, 2 ст. лыжкі сухароў, 1 цыбуліна, соль.
Заліць аўсяныя крупы «Геркулес» кіпенню (вады ўзяць у два разы болып за аб'ём круп), разварыць на слабым агні, увесь час памешваючы. Атрыманую густую масу астудзіць, расцерці з яйкамі, дадаць нашаткаваную падсмажаную цыбулю, пасаліць, старанна перамяшаць. Сфармаваць невялікія, але даволі тоўстыя катлеты, укачаць іх у сухары і смажыць на моцна разагрэтым тлушчы да залацістага адцення.
КРУПЫ АЎСЯНЫЯ «ГЕРКУЛЕС» 3 ЯБЛЫКАМІ
60 г аўсяных круп «Геркулес», 500 г яблыкаў, 7 шклянка смятаны, 2 ст. лыжкі цукру, лімонны сок або разведзеная лімонная кіслата.
Яблыкі спячы, працерці. Аўсяныя крупы «Геркулес» пакласці на бляху і падрумяніць у духоўцы. Змяшаць з яблыкамі, дадаць смятану, цукар, лімонны сок, перамяшаць.
Падрумяненыя аўсяныя крупы «Геркулес» можна змяшаць з вішнямі і ўзбітымі вяршкамі.
ВЫРАБЫ 3 ЦЕСТА
ПЯЧЭННЕ «ПАЛАЧКІ»
250 г мукі, 20 г дражджэй, 3 яйкі, 1 ч. лыжка цукру, 0,5 шклянкі малака, 700 г сметанковага масла або маргарыну, у тым ліку для змазвання бляхі, кмен, соль.
Дрожджы расцерці з цукрам, развесці падагрэтым малаком. У прасеяную муку ўліць растопленае масла (маргарын), малако з дражджамі, дадаць два яйкі, соль, хутка вымесіць цеста. Сфармаваць доўгія тонкія валікі дыяметрам 0,5 см, нарэзаць «палачкі» даўжынёй 10—12 см, выкласці на бляху, змазаную маслам і абсыпаную мукой, паставіць у цёплае месца, каб цеста падышло.
Змазаць «палачкі» ўзбітым яйкам, пасыпаць кменам, соллю. Паставіць у гарачую духоўку прыкладна на 20 хвілін — пячэнне павінна набыць залацістае адценне.
БУЛАЧКІ 3 БУЛЬБАЙ
750 г мукі, 300 г бульбы, 40 г дражджэй, 3 яйкі, 170 г цукру, у тым ліку 50 г для абсыпання булачак, 120 г сметанковага масла, каля 0,5 л малака, тлушч для змазвання бляхі.
Абабраную бульбу адварыць, працерці праз сіта. Дрожджы расцерці з 1 ч. лыжкай цукру. Расцерці масла, дадаючы па чарзе жаўткі (з двух яек), цукар, бульбу, дрожджы, малако, муку, узбітыя ў пену бялкі, замясіць цеста. Адразу ж сфармаваць невялікія булачкі, выкласці іх на змазаную тлушчам і абсыпаную мукой бляху, паставіць у цёплае месца, каб цеста падышло. Перад тым як паставіць у духоўку, змазаць узбітым яйкам, пасыпаць цукрам.
3 указанай колькасці прадуктаў павінна атрымацца каля 30 булачак.
У вырабах з пясочнага і напаўпясочнага цеста ў польскай кухні ўжываюць у якасці разрыхляльніка пекарскі парашок. У нашых умовах яго можна замяніць пітной содай, змешанаіі з невялікай колькасцю лімоннай кіслаты.
ПЯЧЭННЕ СА СКВАРКАМІ
300 г мукі, 150 г скварак, 100 г цукру, 3 жаўткі, 0,75 шклянкі малака або сыраквашы, 1 ст. лыжка цукровай пудры, ванілін, апельсінавая скарынка, 0,5 ч. лыжкі соды з лімоннай кіслатой.
Скваркі прапусціць праз мясарубку з частай рашоткай, змяшаць з мукой, дадаць жаўткі, соду з лімоннай кіслатой, цукар, малако і змельчаную апельсінавую скарынку. Замясіць цеста, ахаладзіць яго. Раскачаць, спецыяльнай выемкай выразаць пячэнне, накалоць і выпякаць у духоўцы да залацістага коле'ру. Гатовае пячэнне пасыпаць цукровай пудрай, змешанай з ванілінам.
КРЭНДЗЕЛ!
300 г мукі, 100 г цукру, 3 яйкі, 50 г маку, 120 г смртанковага маргарыну, 2—3 ст. лыжкі смятаны 0,5 ч. лыжкі соды з лімоннай кіслатой.
Маргарын пасячы разам з мукой і содай, убіць 2 яйкі, дадаць цукар, смятану, мак, замясіць цеста, паставіць яго, накрыўшы, на 15 хвілін у халоднар месца. Раскачаць цеста доўгімі валікамі дыяметрам 0,5 см, нарэзаць кавалкамі 12—15 см, скруціць кожны васьмёркай, канцы зляпіць. Выпякаць на змазанай блясе ў гарачай духоўцы да залацістага колеру.
ПЯЧЭННЕ КРАКАЎСКАЕ
350 г мукі, 50 г сметанковага масла або маргарыну, 2 ст. лыжкі смятаны, 3 ст. лыжкі цукру, 1 яйка, 0,5 ч. лыжкі соды з лімоннай кіслатой, 0,5 шклянкі варэння.
Для аўсянай масы: 0,75 шклянкі аўсяных круп «Геркулес», 0,5 шклянкі цукру, 1 яйка, 50 г сметанковага масла або маргарыну, ванілін.
Масла пасячы з мукой, содай і смятанай, дадаць яйка, цукар, хутка замясіць цеста, раскачаць яго ў пласт. Выкласці на бляху, змазаць тонкім слоем варэння (любога).
Прыгатаваць аўсяную масу. Для гэтага перамяшаць распушчанае масла з цукрам, яйкам, аўсянымі крупамі «Геркулес» і ванілінам, раўнамерна размеркаваць зверху варэння. Выпякаць у духоўцы, пакуль аўсяная маса не падрумяніцца. Астудзіць, нарэзаць ромбікамі.
ПЯЧЭННЕ «АЛЬБЕРТЫ»
250 г мукі, 2 ст. лыжкі крухмалу, 120 г цукру, 0,75 шклянкі смятаны, 1 яйка, 70 г сметанковага масла або маргарыну, 0,5 ч. лыжкі соды з лімоннай кіслатой, ванілін.
Масла пасячы з прасеянай мукой і содай, дадаць яйка, змешанае са смятанай, крухмал, цукар, ванілін, замясіць густое цеста. Паставіць, накрыўшы, у халоднае месца. Затым раскачаць пласт таўшчынёй
0,3 см, выразаць спецыяльнай выемкай пячэнне, накалоць яго. Выпякаць у духоўцы да залацістага колеру.
БАБКІ ПЯСОЧНЫЯ
300 г мукі, 100 г цукру, 150 г сметанковага масла, 4 сырыя жаўткі.
Для крэму: 0,5 л малака або вяршкоў, 2 яйкі, 2 сырыя жаўткі, 1 ст. лыжка крухмалу, 150 г цукру, ванілін.
Прасеяную муку пасячы з маслам, дадаць цукар, жаўткі, старанна вымесіць, паставіць на 10 хвілін у халоднае месца. Формачкі для бабак расставіць на стале. Цеста раскачаць, уціснуць у формачкі, абрэзаць няроўнасці. Па колькасці формачак падрьгхтаваць кружкі цеста, каб накрыць іх.
Прыгатаваць крэм. Малако ўскіпяціць, цэлыя яйкі і жаўткі сцерці з цукрам, крухмалам і ванілінам, тонкім струменьчыкам уліваць у гарачае малако, перамяшаць і варыць на пары, пакуль не загусне. Ахалоджаным крэмам напоўніць формачкі (не да верху), накрыць кружкамі цеста. Выпякаць у гарачай духоўцы да светла-залацістага колеру. Гатовыя бабкі злёгку астудзіць, перавярнуць і асцярожна выняць з формачак.
«РУЖЫ»
250 г мукі, 4 яйкі, 1 ч. лыжка цукру, 1 ст. лыжка рому або гарэлкі, 0,5—0,7 шклянкі вады, 1 ч. лыжка сметанковага масла, 1 ч. лыжка соды з лімоннай кіслатой, 500 г алею або здору, 100 г цукровай пудры, ванілін, соль.
Прасеяную муку, масла, цукар, соду, яйкі (два бялкі пакінуць), ром, соль спачатку перамяшаць нажом, затым дадаць ваду і мясіць рукамі, пакуль цеста не стане гладкім, падзяліць на часткі. Кожную раскачаць даволі тонкім пластом.
КНІГІ ОНЛАЙН
