Пакаштуйце — смачна
Уладзімір Рэутовіч, Тамара Рэутовіч
Выдавец: Полымя
Памер: 319с.
Мінск 1993
САЛАТА 3 КІСЛАЙ КАПУСТЫ I ГАРБУЗА
200 г кіслай капусты, 200 г ачышчанага гарбуза, 3—4 ст. лыжкі алею, цукар.
Гарбуз змяльчыць на буйной тарцы, капусту дробна парэзаць. Капусту і гарбуз змяшаць з алеем, дадаць па смаку цукар.
АГУРКІ, ФАРШЫРАВАНЫЯ ЯЙКАМІ I РАДЫСКАЙ
600—700 г свежых агуркоў, 2 пучкі радыскі, 2 яйкі, 4 лыжкі густой смятаны, 1 ст. лыжка кропу, 1 ст. лыжка нарэзанай зялёнай цыбулі, соль.
Агуркі даволі тоўстыя і доўгія пачысціць, нарэзаць кавалкамі даўжынёй 5—6 см. Асцярожна выдаліць асяродак з насеннем. Вараньія ўкрутую яйкі пасячы. Радыску змяльчыць на буйной тарцы. Яйкі,
радыску, дробна нарэзаныя кроп і зялёную цыбулю змяшаць са смятанай, пасаліць. Гэтым фаршам запоўніць кавалкі агуркоў.
ПАМІДОРЫ, ФАРШЫРАВАНЫЯ АГАРОДНІНАЙ
8 памідораў, 300 г агародніны (морква, цыбуля, сельдэрэй, зялёны гарошак, цыбуля-парэй), 0,5 шклянкі маянэзу, соль.
Ачышчаную і вымытую агародніну змяльчыць, перамяшаць з маянэзам, калі трэба, дадаць соль. Зрэзаць з памідораў верхавінку, выдаліць асяродак з насеннем. Запоўніць памідоры падрыхтаваным фаршам, накрыць зрэзанымі верхавінкамі.
ГРУШЫ ЗЕМЛЯНЫЯ АДВАРНЫЯ
800 г земляных груш, 1 ст. лыжка сметанковага масла, 1 ст. лыжка тоўчаных сухароў, соль.
Земляныя грушы абабраць, вымыць, заліць падсоленай вадой, якая кіпіць, варыць да мяккасці. Выкласці ў салатніцў, паліць распушчаным маслам, змешаным з сухарамі.
ШПІНАТ АДВАРНЫ
800 г шпінату, 1 ст. лыжка сметанковага масла, 1 ст. лыжка тоўчаных сухароў, соль.
Малады шпінат старанна прамыць у вялікай колькасці вады, адрэзаць карэньчыкі. Заліць падсоленай вадой, якая кіпіць, варыць 10 хвілін. У час варкі перамешваць. Гатовы шпінат адцадзіць, даць вадзе сцячы. Паліць распушчаным маслам, змешаным з падрумяненымі тоўчанымі сухарамі. Падаць да мяса.
ГРУШЫ ЗЕМЛЯНЫЯ У ЦЕСЦЕ
800 г земляных груш, 0,75 шклянкі смятаны, 100 г мукі, 2 яйкі, 80 г тлушчу, 0,3 ч. лыжкі пітной соды, лімонная кіслата, соль.
Земляныя грушы вымыць, зварыць у падсоленай вадзе, абабраць (можна абабраць і перад варкай). Ва ўзбітыя яйкі па чарзе дадаваць муку і смятану, у канцы — соду і соль. Цеста павінна быць больш густым, чым для блінцоў. Звараныя земляныя грушы разрэзаць удоўж напалам, абмакваць у цеста і смажыць на моцна разагрэтым тлушчы да залацістага колеру.
ЦЫБУЛЯ-ПАРЭЙ У ЦЕСЦЕ
800 г цыбулі-парэю, 0,75 шклянкі смятаны, 2 яйкі, 80 г тлушчу, 100 г мукі, 0,3 ч. лыжкі соды, лімонная кіслата, соль.
Парэй ачысціць, добра прамыць, адрэзаць зялёныя лісты такім чынам, каб парэй быў даўжынёй 10—15 см. Падрыхтаваць цеста (гл. «Земляныя грушы ў цесце»). Парэй зварыць у падсоленай вадзе, выняць, ахаладзіць. 3 дапамогай відэльца абмакваць у цеста і смажыць на разагрэтым тлушчы да залацістага колеру. Асобна падаць таматны соус.
КАТЛЕТЫ БУЛЬБЯНЫЯ 3 ЯБЛЫКАМІ
1 кг бульбы, 200 г яблыкаў, 2 яйкі, 0,5 ч. лыжкі соды, 1 ч. лыжка сметанковага масла, 3 ст. лыжкі тоўчаных сухароў, 2 ст. лыжкі мукі, 60—80 г тлушчу для смажання, соль.
Бульбу памыць, зварыць у лупінах, астудзіць, абабраць, прапусціць праз мясарубку. Бульбяную масу змяшаць з маслам, расцёртым з жаўткамі, мукой, змельчанымі на буйной тарцы яблыкамі, содай, соллю і ўзбітымі бялкамі. Сфармаваць невялікія катлеты авальнай формы, укачаць іх у сухары і падсмажыць на моцна разагрэтым тлушчы.
СТРУЧКІ ФАСОЛі ПА-ПОЛЬСКУ
1 кг стручкоў зялёнай. фасолі, 2 ст. лыжкі сметанковага масла, 2 ст. лыжкі сухароў, 2 яйкі, 1 ст. лыжка змельчанай пятрушкі, соль, лімонная кіслата.
Ачышчаную ад пражылак фасолю зварыць у падсоленай вадзе, адкінуць на друшляк, перакласці ў
блюда і заліць соусам, зверху пасыпаць зеленню пятрушкі. Для соусу ў распушчанае масла дадаць тоўчаныя сухары, рубленыя вараныя яйкі, лімонную кіслату, усё перамяшаць.
ГАРБУЗ, ЗАПЕЧАНЫ 3 РЫСАМ
800 г аранжавага гарбуза, 200 г рысу, 40 г тлушчу, 30 г сыру, 1 цыбуліна, 0,75 шклянкі таматнага соусу, соль.
Зварыць рассыпісты рыс. Гарбуз ачысціць ад скуркі і насення, змяльчыць на буйной тарцы, змяшаць з рысам, дадаць нашаткаваную падсмажаную цыбулю, пасаліць. Выкласці ў змазаны тлушчам сатэйнік, заліць таматным соусам, пасыпаць цёртым сырам і запячы ў духоўцы.
АЛАДКІ 3 ГАРБУЗА 3 КЛЎБАСОЙ
600 г гарбуза, 250 г варанай каўбасы, 3 яйкі, 1 ч. лыжка сметанковага масла, 80—100 г мукі, алей для смажання, соль.
Ачышчаны гарбуз змяльчыць на буйной тарцы. Каўбасу прапусціць праз мясарубку. Жаўткі расцерці з маслам, пакласці гарбуз, каўбасу, прасеяную муку, соль, перамяшаць, увесці ўзбітыя бялкі. Лыжкай выкладваць невялікія аладкі на патэльню з разагрэтым алеем і абсмажваць з абодвух бакоў.
Да гарачых аладак можна падаць таматны соус.
ПАДЛІЎКА 3 ХРЭНУ
100 г хрэну, 2 ст. лыжкі мукі, 200 г смятаны, 2 жаўткі, 1 ст. лыжка сметанковага масла, 1 шклянка мяснога булёну, соль, цукар, воцат.
Корань хрэну вымыць, аскрэбці, надраць на тарцы, апырскаць воцатам. Масла распусціць, змяшаць з мукой, развесці мясным булёнам, даць закіпець. Зняць з агню, пакласці хрэн і смятану, заправіць соллю, цукрам і воцатам. Затым дадаць жаўткі і добра перамяшаць.
Падліўку падаць да мяса або рыбы.
СОУС 3 ЯБЛЫКАЎ
0,5 кг кіслых яблыкаў, 7 ст. лыжка крухмалу, 0,5 шклянкі цукру, скарынка лімона.
Вымытыя яблыкі нарэзаць скрылькамі, заліць невялікай колькасцю вады, разварыць, працерці праз сіта, пакласці цукар, скарынку лімона, крухмал, разведзены халоднай вадой, даць закіпець.
СТРАВЫ 3 МУКІ I КРУП
КЛЁЦКІ
400 г мукі, 2 яйкі, 40 г сметанковага масла або растопленага сала, 7 ст. лыжка сухароў, соль.
У прасеяную муку дадаць яйкі, соль, уліць ваду (столькі, каб атрымалася негустое цеста, якое можна набіраць лыжкай). Цеста добра выбіць лыжкай — такім чынам яно ўбярэ больш паветра і клёцкі будуць болып пышныя. Лыжкай, змочанай у вадзе, выкладваць у падсоленую кіпень невялікія кавалкі цеста.
Гатовыя клёцкі (яны ўсплывуць) перакласці ў друшляк, абліць гарачай вадой. Заправіць растопленым маслам або салам, змешаным з падрумяненымі сухарамі.
КЛЁЦЮ РЭЗАНЬІЯ
400 г мукі, 7 яйка, 40 г тлушчу, соль.
3 мукі, яйка, солі і вады замясіць. даволі крутое цеста, падзяліць на некалькі частак, раскачаць кожную ў пласт таўшчынёй 0,5 см, даць падсохнуць. Затым нарэзаць палоскамі шырынёй 4 см. Скласці, перасыпаючы мукой, па 3—4 палоскі, нарэзаць клёцкі. Апусціць іх у падсоленую ваду, якая кіпіць, зварыць.
Гатовыя клёцкі абліць гарачай вадой (у друшляку), даць ёй сцячы, паліць тлушчам. Падаць гарачымі з маслам, тварагом або падсквараным салам.
КЛЕЦКІ РЭЗАНЫЯ 3 МАКАМ
400 г мукі, 1 яйка, 250 г маку, 40 г сметанковага масла, соль, цукар або мёд, ванілін, лімонная йэдра.
Мак заліць кіпенем і трымаць на агні пад накрыўкай да таго часу, пакуль яго можна будзе расцерці рукамі. Працадзіць праз густое сіта, абсушыць, прапусціць праз мясарубку з дробнай рашоткай.
Прыгатаваць рэзаныя клёцкі, змяшаць іх з распушчаным маслам і макам, дадаць па смаку цукар або мёд, лімонную цэдру і ванілін.
КЛЕЦК1 3 ЯБЛЫКАМ!
300 г мукі, 2 яйкі, 0,75 шклянкі малака, 200 г яблыкаў, 40 г сметанковага масла, 1 ст. лыжка тоўчаных сухароў, соль, цукар.
У прасеяную муку дадаць яйкі, соль, уліць малако і трошкі вады, замясіць не вельмі густое цеста, старанна выбіць ято лыжкай. У канцы дадаць да цеста ачышчаныя і змельчаныя на буйной тарцы яблыкі.
Змочанай у вадзе лыжкай браць невялікія прадаўгаватыя кавалачкі цеста і апускаць іх у падсоленую ваду, якая кіпіць. Гатовыя клёцкі адкінуць на друшляк, даць вадзе сцячы. Паліць распушчаным маслам, змешаным з тоўчанымі сухарамі, абсыпаць цукрам.
ПРАЖАНЕЦ,
200 г пшанічнай мукі, 200 г грэцкай мукі, 60 г сала, соль.
У духоўцы або на патэльні падрумяніць прасеяную муку, усыпаць у каструлю, заліць прыкладна 0,5 л падсоленай вады, якая кіпіць, хутка перамяшаць і старанна расцерці, каб не было камякоў, паставіць на паўгадзіны ва ўмерана нагрэтую духоўку, каб пражанец даварыўся.
Растапіць нарэзанае кубікамі сала. Лыжку абмакваць у сала і выкладваць на падагрэтае блюда невялікія клёцкі, паліваючы салам.
Пражанец можна гатаваць толькі з пшанічнай або
грэцкай мукі.
КЛЁЦКІ 3 ТВДРАГОМ
250 г грэцкай мукі, 150 г пшанічнай мукі, 150 г тварагу, 1 ч. лыжка сметанковага масла, соль.
Прасеяную грэцкую муку заліць кіпенем, дадаць соль, усыпаць пшанічную муку, старанна вымешаць. Цеста павінна быць даволі густым. 3 дапамогай змочанай у вадзе лыжкі апускаць у падсоленую ваду, якая кіпіць, маленькія клёцкі. Зварыць іх, абліць гарачай вадой, паліць распушчаным маслам, пасыпаць тварагом.
ЦЕСТД ЦЁРТАЕ 3 ГРЫБДМІ I ЦЫБУДЯЙ
350 г мукі, 2—3 яйкі, 1—2 цыбуліны, 6—8 ст. лыжак вады, 30 г сушаных грыбоў, 50 г сала, соль.
У прасеяную муку ўбіць яйкі, дадаць соль, ваду, замясіць крутое цеста. Загадзя замочаныя грыбы зварыць, дробна пасячы. Сала растапіць, скваркі прыняць. На растопленым сале падрумяніць парэзаную кубікамі цыбулю.
Цеста змяльчыць на буйной тарцы, апусціць у падсоленую ваду, якая кіпіць, варыць каля 5 хвілін, адцадзіць, змяшаць з цыбуляй, грыбамі і скваркамі.
ЛДЗАНКІ, ЗАПЕЧАНЫЯ 3 ГРЫБАМІ
350 г мукі, 2—3 яйкі, 2 цыбуліны, 100 г тлушчу, 500 г свежых грыбоў, 0,75 шклянкі смятаны, 40 г сыру, соль, перац.
У прасеяную муку ўбіць яйкі, уліць 6—8 ст. лыжак вады, дадаць соль, замясіць крутое цеста. Падзяліць яго на часткі, кожную вельмі тонка раскачаць, падсушыць. Пласт цеста абсыпаць мукой, скруціць трубкай, нарэзаць палоскамі шырынёй 1 см. Скласці 5—6 палосак разам і нарэзаць іх квадрацікамі, раскласці на дошцы, пасыпаць мукой. Апусціць лазанкі ў падсоленую ваду, якая кіпіць, перамяшаць, зварыць пад накрыўкай, адцадзіць, абліць гарачай вадой.
Ачышчаныя і добра прамытыя грыбы нашаткаваць, дадаць 4—5 ст. лыжак вады, зварыць. Цыбулю нарэзаць кубікамі, абсмажыць на тлушчы да светла-
жоўтага колеру, перамяшаць з адцэжанымі грыбамі, дадаць соль, перац.
Лазанкі змяшаць з грыбамі і цыбуляй, выкласці ў змазаны тлушчам посуд для запякання, заліць смятанай, пасыпаць цёртым сырам. Паставіць у гарачую духоўку. Страва гатова, калі сыр злёгку зарумяніцца. .
ЯАЗАНКІ, ЗАПЕЧАНЫЯ 3 ВЯНДЯШАЙ
350 г мукі, 2—3 яйкі, 250 г вяндліны або каўбасы, 1 ч. лыжка сметанковага масла, 1 ст. лыжка сухароў, соль.
Прыгатаваць лазанкі (гл. папярэдні рэцэпт). Вяндліну або каўбасу прапусціць праз мясарубку, перамяшаць з лазанкамі. Выкласці ў сатэйнік, змазаны маслам і пасыпаны тоўчанымі сухарамі, паставіць у нагрэтую духоўку, запякаць 30—40 хвілін.
КНІГІ ОНЛАЙН
