Пакаштуйце — смачна
Уладзімір Рэутовіч, Тамара Рэутовіч
Выдавец: Полымя
Памер: 319с.
Мінск 1993
ЗАКУСКА ДАЛІКАТЭСНАЯ
350 г тварагу, 100 г сметанковага масла, 8—10 грэцкіх арэхаў, 6—7 зубкоў часнаку, соль, перац.
Тварог расцерці, пасыпаць чорным молатым перцам, дадаць масла, тоўчаныя ядры грэцкіх арэхаў, расцерці з соллю часнок, усё старанна перамяшаць да ўтварэння аднароднай масы.
Падаць разам з лустачкамі белага хлеба, злёгку падсушанага ў духоўцы.
ТВАРОГ СА СВЕЖАЙ ЗЕЛЕННЮ
250 г тварагу, 50 г салаты або шпінату, 0,5 шклянкі смятаны, соль.
Лісце зялёнай салаты або маладога шпінату прамыць, абсушыць, дробна парэзаць. Тварог пасаліць, працерці праз сіта, перамяшаць з нарэзанай зеленню. Тварожную масу выкласці горкай, зверху зрабіць паглыбленне і запоўніць яго халоднай смятанай.
Тварожную масу можна змяшаць з кропам, пятрушкай, маладымі лісточкамі радыскі,
МАСА ТВАРОЖНАЯ ЗВЫЧАЙНАЯ
350 г тварагу, 1,5 ст. лыжкі цукру, 50 г сметанковага масла, 1 ст. лыжка смятаны, соль.
Тварог працерці праз сіта, дадаць цукар, сметанковае масла, смятану, соль, старанна перамяшаць, перакласці ў палатняны мяшэчак, змясціць яго паміж дзвюма дошчачкамі і прыціснуць.
У масу можна дадаць ванілін, разынкі, цукаты.
МАСА ТВАРОЖНАЯ ЛІМОННАЯ
400 г тварагу, 0,25 шклянкі вяршкоў, 2 яйкі, 1 ч. лыжка сметанковага масла, 1,5 ст. лыжкі цукру, цэдра з невялікага лімона.
Тварог працерці праз сіта, дадаць цукар, масла, вяршкі, сырыя яйкі, змельчаную лімонную цэдру, усё старанна расцерці. Масу перакласці ў палатняны мяшэчак і змясціць пад прэс.
МАСА ТВАРОЖНАЯ МЯДОВАЯ
400 г тварагу, 50 г мёду, 3 жаўткі, 75 г сметанковага масла, 0,5 шклянкі смятаны або вяршкоў, 1 ст. лыжка цукру.
Яечныя жаўткі расцерці з цукрам і мёдам, дадаць масла, смятану або вяршкі, працёрты праз сіта тварог, усё старанна перамяшаць.
МАСА ТВАРОЖНАЯ ЗАВАРНАЯ
400 г тварагу, 2 яйкі, 0,5 шклянкі смятаны, 75 г сметанковага масла, 0,5 шклянкі цукру, 0,75 шклянкі разынак, соль.
У працёрты праз сіта тварог дадаць цукар, сметанковае масла, смятану, соль і добра расцерці. Затым увесці ўзбітыя яйкі, пакласці перабраныя і прамытыя разынкі, паставіць на слабы агонь і, не перастаючы памешваць, давесці да кіпення. Гэтак жа памешваючы, астудзіць. Масу перакласці ў палатняны мяшэчак і змясціць пад прэс.
ЯЕЧНЯ ЎЗБІТАЯ
3 яйкі, 2 ст. лыжкі малака, 50 г сметанковага масла, соль.
У маленькай каструлі растапіць масла, сюды ж убіць яйкі, уліць малако, пасаліць, узбіць. Паставіць каструлю на сярэдні агонь і варыць, увесь час памешваючы, да загушчэння (як рэдкая каша), зняць з агню і яшчэ хвіліну мяшаць.
Яечню выкласці на талерку, абкласці грэнкамі з белага хлеба.
ЯЕЧНЯ 3 СЕЛЯДЦОМ
4 яйкі, 1 невялікі селядзец, 50 г сметанковага масла, зелень.
Селядзец, ачышчаны ад скуркі і костак, нарэзаць невялікімі кавалачкамі. Выкласці іх на патэльню з разагрэтым маслам, выпусціць яйкі і трымаць на агні некалькі мінут.
Пры падачы на стол пасыпаць яечню дробна парэзанай зеленню пятрушкі.
Каша з даўніх часоў займала ганаровае месца на рускім стале. Яна была не толькі любімай стравай, але і ўрачыстай, абрадавай. У Старажытнай Русі вясельны пачастунак называлі «кашай». У казках і былінах каша — сімвал багацця і дабрабыту. Нашы далёкія продкі, заключаючы мірны дагавор, варылі кашу і елі яе разам з былымі праціўнікамі ў знак згоды і сяброўства. Адсюль і пайшоў выраз «з ім кашы не зварыш».
Як і калісьці, без кашы нельга ўявіць рускую кухню. Прыгатаванне гэтай стравы нескладанае. У залежнасці ад колькасці вадкасці можна атрымаць кашу рассыпістую, вязкую і рэдкую. Рассыпістыя кашы ядуць з маслам, цукрам або малаком, а таксама з цыбуляй, падсмажанай на сале, або пасечаным вараным яйкам. Вязкія і рэдкія кашы часта гатуюць на малацэ або на малацэ з вадой.
КАША ГРЭЦКАЯ 3 МАСЛАМ
2 шклянкі грэцкіх круп, 3 шклянкі вады, 1 ст. лыжка сметанковага масла, 1 ч. лыжка солі.
Грэцкія крупы перабраць (можна падсушыць на патэльні), засыпаць у падсоленую ваду, якая кіпіць, і варыць, памешваючы, на працягу 15—20 хвілін — пакуль каша загусцее. Пасля гэтага каструлю, шчыльна накрыўшы, паставіць на 2—3 гадзіны ў негарачую духоўку, каб каша ўпрэла.
Пры падачы на стол у талерку з кашай пакласці кавалачак сметанковага масла.
КАША ГРЭЦКАЯ НА МАЛАЦЭ ВЯЗКАЯ
1,5 шклянкі дробных грэцкіх круп (сечкі), 3 шклянкі вады, 0,5 л малака, 50 г топленага масла, соль.
Крупы перабраць, прамыць, заліць кіпенем і варыць, пакуль убярэцца ўся вада. Затым дадаць соль, масла, уліць гарачае малако і давесці кашу да гатоўнасці.
КАША ГРЭЦКАЯ 3 ПРАЖАНЫХ КРУП
2 шклянкі цэлых грэцкіх круп, 3 шклянкі вады, 100—150 г сметанковага масла, соль. ч
На патэльню пакласці 50 г сметанковага масла, распусціць яго, усыпаць перабраныя крупы і пражыць на слабым агні, часта памешваючы, пакуль крупы не падрумяняцца.
Пражаныя крупы ўсыпаць у падсоленую ваду, якая кіпіць, і варыць, зрэдку памешваючы. Калі каша загусцее, каструлю шчыльна накрыць і паставіць для | ўправання ў цёплае месца на 1—1,5 гадзіны.
Пры падачы на стол пакласці ў кашу сметанковае масла.
КАША ГРЭЦКАЯ РАССЫПІСТАЯ
2 шклянкі цэлых грэцкіх круп, 3 шклянкі вады, 2 цыбуліны, 3—4 шт. сухіх белых грыбоў, 2 яйкі, 0,5 шклянкі алею, соль.
Крупы перабраць, заліць вадой, дадаць соль, расцёртыя ў парашок сушаныя грыбы, паставіць на моцны агонь. Пасля закіпання агонь зменшыць і варыць да поўнага выпарвання вады.
У разагрэтым алеі абсмажыць дробна нарэзаную цыбулю і разам з пасечанымі варанымі яйкамі ўсыпаць у кашу, перамяшаць і паставіць для ўправання ў цёплае месца.
КАША ГРЭЦКАЯ ПУХОВАЯ
2 шклянкі цэлых грэцкіх круп, 2 яйкі, 4,5 шклянкі малака, 100 г сметанковага масла, 2 шклянкі вяршкоў, соль.
Крупы перабраць, перацерці з узбітымі яйкамі, высыпаць на бляху і высушыць у духоўцы. Падрыхтаваныя крупы заліць гарачым малаком, дадаць масла, соль і варыць, пакуль каша не загусцее. Паставіць каструлю на 15—20 хвілін у духоўку.
Гатовую кашу трошкі астудзіць, працерці праз друшляк, падаць з вяршкамі.
ГРЭЧНЕВІК
1 шклянка грэцкіх круп, 3 шклянкі вады, 7 яйка, 3 ст. лыжкі алею, соль.
Зварыць вязкую грэцкую кашу, ахаладзіць яе да тэмпературы прыкладна 60°, дадаць сырое ўзбітае яйка, перамяшаць, выкласці на бляху, змазаную алеем. Калі каша застыне, нарэзаць яе кавалкамі 4X4 см і абсмажыць з абодвух бакоў на алеі.
КАША ЯЧНАЯ 3 ГРЫБАМІ
1,5 шклянкі ячных круп (дробных), 2,5 шклянкі вады, 50 г сушаных грыбоў, 2 цыбуліны, 3 ст. лыжкі топленага масла, соль.
Сушаныя грыбы заліць вадой, даць ім набухнуць, затым адціснуць, прамыць, настой працадзіць. Грыбы дробна пасячы, пакласці ў гаршчок (каструлю), уліць ваду, у якой яны вымочваліся, дадаць падсмажаную нашаткаваную цыбулю, усыпаць прамытыя крупы, соль, перамяшаць і паставіць на агонь. Пасля закіпання агонь зменшыць і варыць кашу да гатоўнасці.
Кашу з грыбамі ядуць як гарачай, так і халоднай. Да халоднай можна падаць квас.
КАША ЯЧНАЯ 3 АЯЕЕМ
1,5 шклянкі ячных круп (дробных), 2,5 шклянкі вады, 1 цыбуліна, 3 ст. лыжкі алею, соль.
Ячныя крупы перабраць, прамьіць цёплай (але не вышэй за 35—40°) вадой, засыпаць у падсоленую ваду. Зварыць рассыпістую кашу.
Пры падачы на стол паліць яе падсмажанай на алеі змельчанай цыбуляй.
КАША АЎСЯНАЯ
2 шклянкі аўсяных круп «Геркулес», 0,75 л вады, 0,5 л малака, 100 г сметанковага масла, соль.
Аўсяныя крупы «Геркулес» заліць вадой і, час ад часу памешваючы, варыць на невялікім агні, пакуль вада не выпарыцца. Затым у два прыёмы даліць гарачым малаком, пасаліць і, працягваючы памешваць, варыць да загушчэння.
Гатовую кашу заправіць маслам.
КАША РЫСАВАЯ САЛОДКАЯ
1,5 шклянкі рысу, 0,5 л вады, 0,5 шклянкі ма/іака, 3 ст. лыжкі цукру, 100—150 г сметанковага масла, 0,5 ч. лыжкі карыцы, соль.
Перабраны і прамыты рыс засыпаць у падсоленую ваду, якая кіпіць, варыць на моцным агні 15 хвілін і яшчэ 5—8 — на сярэднім. Затым перакласці ў іншую каструлю, уліць гарачае малако, пакласці масла, цукар, карыцу і паставіць для ўправання на вадзяную баню на 15—20 хвілін.
КАША ПРАСЯНАЯ МАЛОЧНАЯ
1 шклянка проса, 2 шклянкі вады, 2 шклянкі малака, 100 г сметанковага масла, соль.
Перабранае і прамытае проса заліць гарачай вадой, пасаліць, паставіць на агонь, зняць пену, хутка выпарыць усю ваду, пакуль проса не паспела разварыцца. Затым уліць гарачае малако і працягваць варыць на слабым агні.
Гатовую кашу заправіць маслам.
КАША ПРАСЯНАЯ 3 ТВАРАГОМ
1 шклянка проса, 0,5 л вады, 200 г тварагу, 1 ст лыжка цукру, 1 ст. лыжка сметанковага масла, соль.
У падсоленую ваду, якая кіпіць, усыпаць перабранае і прамытае проса, варыць да напаўгатоўнасці.
Затым пакласці масла, цукар, тварог, перамяшаць і, зменшыўшы агонь, давесці да гатоўнасці.
Да кашы падаць малако або сыраквашу (кефір).
КАША ПРАСЯНАЯ 3 ГАРБУЗОМ
7 шклянка проса, 3 ійклянкі малака, 500 г гарбуза, 2 ч. лыжкі цукру, соль.
Ачышчаны ад скуркі і насення гарбуз нарэзаць дробнымі кубікамі, пакласці іх у кіпячае малако, дадаць соль, цукар, давесці да кіпення, затым усыпаць прамытае проса і варыць да загушчэння. Пасля гэтага паставіць кашу на 25—30 хвілін для ўправання на вадзяную баню або ў негарачую духоўку.
КАША МАННАЯ НА ЖУРАВІНАВЫМ СОКУ
1 шклянка манных круп, 2 шклянкі журавін, 4 шклянкі вады (разам з сокам), 7 шклянка цукру, 2 шклянкі вяршкоў.
Журавіны прамыць, патаўчы, адціснуць сок. Жамерыны заліць вадой і паварыць, адвар працадзіць, дадаць цукар і давесці да кіпення. Манныя крупы развесці сокам журавін, уліць у сіроп, які кіпіць, і зварыць густую кашу. Гарачую кашу разліць у неглыбокія формы, даць астыць, нарэзаць кавалкамі і падаць з вяршкамі.
КАША ГУРЕЎСКАЯ
7,25 л вяршкоў або незбіранага малака, 0,5 шклянкі манных круп, 100 г ядраў любых арэхаў, 0,5 шклянкі цукру, 0,5 шклянкі варэння, 100 г сметанковага масла, карыца.
Ядры арэхаў заліць гарачай вадой, даць пастаяць, ачысціць ад скуркі, патаўчы, дадаць трошкі цёплай вады.
Вяршкі або незбіранае малако выліць у плоскую пасудзіну, паставіць у духоўку. Як толькі ўтворыцца ружовая пенка, зняць яе, затым зняць наступную пенку і г. д., пакуль не набярэцца 12—15 пенак.
На вяршках, што засталіся, зварыць густую ман-
ную кашу, пакласці ў яе тоўчаныя арэхі, цукар, масла, карыцу, перамяшаць.
У эмаліраваную патэльню з высокімі краямі (або невысокую эмаліраваную каструлю) наліць слой маннай кашы (таўшчынёй каля 1 см), закрыць яго пенкай, затым наліць наступны слой кашы і зноў пакласці пенку і г. д. У перадапошні слой дадаць трошкі варэння. Патэльню паставіць на 10—15 хвілін у духоўку. Пасля запякання заліць кашу варэннем.
КНІГІ ОНЛАЙН
